Layamon's Brut (British Museum Ms. Cotton Caligula A.IX)

Lines 2501 through 2600

A whet wult þu Brenne. Whet wult þu balwe menge. Line 2501 Ȝif þu s[lea]st þine broðer; ne bistz þu neuer oðer. Line 2502 Ne beon ȝit bute tweien; mine sunen ȝit be beien. Line 2503 Biðenc o ðire mon-schipe; bi-ð[e]nc o ðire moder. Line 2504 bi-ðenc a mire lare; Þu eært mi bærn deore. Line 2505 Loka her þa tittes; þat þu suke mid þine lippes. Line 2506 Lou war hire þa wifmon; þa þe a ðas weoreld i-bær. Line 2507 Leo wær here þa wombe; þe þu læie inne swa longe. Line 2508 Leo war here þa ilke likame; Ne do þu me neuere þane scome. Line 2509 þat ich for þine þinge; mid sæxe me of-stinge. Line 2510 Nu hit is vmbe seoue ȝere; þat þu weren here. Line 2511 and al forewarde þu breke; toward þine breoðer; Line 2512 Þu weore his mon bi-cumen; and he þe leouede also his sone. Line 2513

Line 2513 Aðes þu him swore; swiken þat þu noldest. Line 2514 Þu hauest woh & [he] haue[ð] riht; þat is þe swiþe muchel pliht. Line 2515 & ouer sæ þu liðe; al buten læue. Line 2516 to Alfinge kinge; & nome his dohter ȝeonge. Line 2517 Swa þu woldest mid ferde; faren to þissen eærde. Line 2518 and don þe seoluen bisemar; fehten wit þine broðer. Line 2519 ȝif Denemarkene king idrecched þe neuede; Line 2520 & suððen þu come. and herm her iuore; Line 2521 & æf[t] wendest ouer sæ. & nu þu ært sel icumen; Line 2522 Nu þu eært londes weldent. & us scal beon þe wurse; Line 2523 Mid uncuðe mannen. þu wlt þi cun quelle; Line 2524 Ne sculde na cniht. hærȝien; þær he hauede ha[m]es iwald; Line 2525 no eæf[t] on his cuhðe. qued-schipe wurchen; Line 2526 Ah leoue sune Brennes. bei þi starke þonc. Line 2527 leie a-dun þin hære-scrud; & þinne rede sceld. Line 2528 and þi sper longe; & þi swerd stronge. Line 2529 and ilef þire moder; & leoue þinne broðer. Line 2530 Vrnen ire teares; ouer hire leores. Line 2531 Brennes þat isæh; & sorȝeden on his heorte. Line 2532 let cliden hi((s)) gare; þat hit grund sohte. Line 2533 He scæt his riche sceld; feor ut in þene feld. Line 2534 awei he warp his gode breond; & of mid þere burne. Line 2535 Brennes and his moder. mildelichen ferden. Line 2536 in ænne bradne feld; and Belin him to-ȝen%nes. Line 2537 Þa weop þe breoðer; al swa ((dede)) þe oðer. Line 2538 Þa spec þe moder; milde mid muðe. Line 2539 Ȝit buð mine leoue; sunen; liðeð to-somne. Line 2540 & iwurðeð sæhte; and euer on blisse. Line 2541 Cusse[ð] and cluppe[ð] cuðie meies; Line 2542 Cnihtes ȝit beoð boðe kene. while ich wes quene; Line 2543 Nis hit noht un-huhtlic. incker moder inc hateð; Line 2544 Þer heo hom custen. þe weren kinges bearn; Line 2545 bi-feoren þa twam ferden. freond-scipe makeden; Line 2546 Bemen þer bleowen. blisse wes on folke; Line 2547 þer weore segge songe. þer were pipen i-magge; Line 2548 þer wes swa muchel murehðe. þat ne mihte heo beon na-mare; Line 2549 Þus iwerað Brennes. sæht whit his broðer; Line 2550 Þa makeden heo ane laðunge. of heore leoue folke; Line 2551 þat al comen to Lundene. uppe wite of feowerti punden; Line 2552

Line 2552 to þan husting%ge. bi-foren Belin kinge; Line 2553 Þa weoren al þas leoden. at Lundene isomed; Line 2554 Þer wes Belin þe king. and al his kine-riche. Line 2555 Bruttes & Scottes; & moni scone. þein Line 2556 Þer wes þe Duc of Burgoine; Brennes ihaten. Line 2557 Weoren þa broðerne; bliðe on here mode. Line 2558 & al þa twa ferden; of moni ane eærde. Line 2559 Þe king%ges nomen to ræde; at riche heore monnen. Line 2560 þat heo wolden mid ferde; faren in-to France. Line 2561 In France weore læwen; sulkuðe a þan dawen. Line 2562 & selcuðe tidende; for þer were feower kinges. Line 2563 Belin seide to Brenne; Fare we bliue. Line 2564 in tou-warde France; & mid fehte hit biwinnen. Line 2565 Heo bleuwen heore bemen; & buden here ferde. Line 2566 and to þere sæ wenden; & wel ouer com%men. Line 2567 Mid nihen hundred scipene; heo commen in-to hauene. Line 2568 heo commen in-to þen lond; [an]d neoðer[ed]en þa leoden. Line 2569 Com þa tiðende; to þan feouwer king%gen. Line 2570 þat Belin king wes icumen; & þe duc Brenne. Line 2571 mid unimete ferde; to bi-winne France; Line 2572 To-gadere þe kinges come; & æðes heo sweoren Line 2573 þat heo wolde libben to-gadere. oðer liggen; Line 2574 & euer-ælc oðer. halden for broðer; Line 2575 Mid aðen heo hit bi-hæten. and ful wel hit heolden; Line 2576 Heo som%meneden heore ferde. þe wes feond-liche stor; Line 2577 & heo ferden bliue. towar[d] Beline; Line 2578 Brennes mid his ferde. wes bi-foren Beline; Line 2579 To-gædere come þeos kinges. mid heore here-ðringes; Line 2580 Ferde whit ferde. feon-liche; feu[ð]ten; Line 2581 Scottes & Bruttes. bei[ene] to-gaderes; Line 2582 Belin here læuerd. heom biforen wende; Line 2583 Brennes bisides. mid his folke of Burguine; Line 2584 Heo smiten to-gædere. helmes þere gullen. Line 2585 breken brade sperren; bordes þer scænden. Line 2586 redde blod scede; rinkas feollen. Line 2587 þer wes muchel gristbat; þer wes cumene fæl. Line 2588 weoren þa hulles and þa dæles iwriȝen mid þe dæden; Line 2589 Belin ibræid up his helm; & clipede to Brennes. Line 2590

Line 2590 Ne isihst þu leoue bro[ð]er; heou breoðeð þa Frensce. Line 2591 & þa ferde of unker londe; isund ȝet stondet. Line 2592 Greiðe we us seoluen; mid grimme oure ræsen. Line 2593 & heom on ileggen; mid orde and mid egge. Line 2594 Brennes wes swiðe bald; & þis wel bi-leouede. Line 2595 Al heo heom slowen; þe heo aneh comen. Line 2596 and þas feower kinges; heo leiden to þan grunde. Line 2597 Whulc riche mon þer at-fleh; in-to castle he abeh. Line 2598 & heo him after ferden; mid spere. & mi[d] swerde. Line 2599 Nes þer nan oðer lið; ȝif heo nalden ȝernen grið. Line 2600