Layamon's Brut (British Museum Ms. Cotton Caligula A.IX)

Lines 2101 through 2200

Heo nomen þa seeldes; þa leien in þan feldes. Line 2101 brade and gode; ihelede mid golde. Line 2102 heo wenden to þan kingen; þer heo weren on kompen. Line 2103 Þe kingges weren bliðe; heo wenden bi þan bord%den. Line 2104 heo wenden bi þen scelden; þat hit heore scalkes weoren. Line 2105 Sone so Dunwale heom næh com; swa he hæhte slæn heom. Line 2106 Slæð heom mid sweorde; for alle heo beoð for-sworne. Line 2107 Rudac heo slowen; & Stater heo nomen. Line 2108 & al hene to-liðeden; lim from þen oðere. Line 2109 heoræ sceaftes weoren strake. of his flæsces heo makeden here marce; Line 2110 Anan heo ferden; towærd heore iueren. Line 2111 þa heo to-gaderen comen; somed heo on-sloȝen. Line 2112 Þa kingges weoren deædde; heore duȝeðe to-dealde. Line 2113 twinseden cnihtes; here tir wes at-fallen. Line 2114 Dunwales men sloȝen; al þat heo aneh comen. Line 2115 al þa ferde; heo falden to grunde. Line 2116 buten swulc for-wonde man; þe mid sorwe at-wand. Line 2117 Þa hauede Dunwale þis lond; al bi-ȝeten to his hond. Line 2118 suððen he wes heh king. coð hit wes wide of him Line 2119 beoð on beoken; feole-feld bisnen. Line 2120 Þet wes þa eæraste mon; þe guldene crune dude him on. Line 2121 here inne Bruttaine; seoððen Bruttes hit ieode. Line 2122 He makede swulc grið. he makede swulc frið; Line 2123 monien laȝen gode; þe lon[g] s((o))uððen stode. Line 2124 Heo makeden ane sæt-nesse; and mid aȝe heo semde. Line 2125 þe ælc cheorl eæt. his sulche; hæfde grið al-swa þe king sulf. Line 2126 alken farinde mon; ȝef slaht oþer þeofðe hæfde i-don; Line 2127 and he æt-sturte in-to are burie. þat heo weren iborȝen. Line 2128 þenne and auere-mare; heo swulden habben are. Line 2129 to [f]use into hame; & habben his æhte; Line 2130 and ȝef æi mon him liðere dude; he sculde dom þolien. Line 2131 & þus ælkene forme gult; þe king su[l]f hine for-ȝef. Line 2132 Þe king makede monie laȝen; þa ȝet beoð on londe. Line 2133 & alle laȝen gode; bi his daȝen stode. Line 2134 Feowerti wintre he walde þes leode; a blisse hit stod on his hand. Line 2135 Seoððen dæide þe king; [wa] wes his duȝeðe. Line 2136

Line 2136 To-gadere come his eorles; & brohten hine to eorðe. Line 2137 inne Lundene burh; feire hine leiden. Line 2138 in are riche temple; mid golde heo hine bi-tunden. Line 2139 Þe king hauede bi his wiue; twene sonen on liue. Line 2140 þe ældre hæhte. Belin þe ȝeong%gere Brenne; Line 2141 Þas breðren iwurðen heom swahte. þur[h] sele monne rede; Line 2142 Belin ȝef his leue broþer. anne dal of his londe; Line 2143 bi-ȝende þere Humbre. mid mon-scipe to halden; Line 2144 norð in-to þare sæ; sel þat heo iworðe. Line 2145 Þer-fore his mon he bicom; & hærd-sumnesse him solde don. Line 2146 Belin heol[d] þis suðlond; & Cornwale on his hond. Line 2147 & Wales þer forð mid; and faire hit dihte. Line 2148 Fif ȝer heo heolden þus þis lond. & leoue heom wes bi-twune; Line 2149 þet æuere eiþer oðer. luuede alse is broþer. Line 2150 Ah Brennes hauede vuele men; his æðelene heo a-merden. Line 2151 þeo ælche dæie hine larden; luðere craftes. Line 2152 þat he sculde wih his broðer; forewa[r]de breken. Line 2153 Anne hird-cniht he. hauede. þe æht wes on þen weorede; Line 2154 þe þane balew mæinde; and þus spec wih Brenne. Line 2155 Seie me mi lauerd; leouest alre monne. Line 2156 whi þolest þu þat Belin; þe is þin aȝene broðer. Line 2157 hauet swa mochel of þisse lande; & þu hauest swa lutel. Line 2158 Nefde ȝe ba enne fader; and beie enne moder. Line 2159 beiene of ane cunne; cuð hit is on folke. Line 2160 Nu stond al þis muchele lond; a Bailenes aȝere hond. Line 2161 & þu eært his mon and is cniht; þat is woh & na-wiht riht. Line 2162 Eært þu þenne cheues-boren; þat þu wult beon for-loren. Line 2163 Oþer þu eart swa eærȝh cniht; þat of londe ne reh%chest na-wiht. Line 2164 oþer þu þenchest beo raðe dead; & þine duȝeðen al bi-laiuen. Line 2165 Bi-leæf þe treuweþe bi-lef þene æð; for al þis folc is swiðe wrað. Line 2166 Hercne þine herdes ræd; & heo þe wullet helpen. Line 2167 Hit us þinchet wunder; ȝef þu hine nelt a-walden. Line 2168 Þu eært muchele betere cniht; to halden comp & ifiht. Line 2169 & þu eær[t] muchele ahtere; & ec mare hærdere. Line 2170 Cheflon þu ouer-come; and Scot-lond him bi-nome. Line 2171 of Muraine he wes king; and he wiht þe othliche fæht. Line 2172 eærst þu hine ouer-come; and seoððen þu hine slowe. Line 2173 and al his ferde þe he brohte to þan eærde; Line 2174

Line 2174 Ah wel ich hit ileuen. þat we þe sunden l[o]ðe; Line 2175 þat þu þi þanc al for-hele. wih þine hired-monnen; Line 2176 Ah for nauer nare teonen. nulle we þe trukien; Line 2177 neuer ane siðen. bi ure quike liuen. Line 2178 And fær bi ure ræden; & mid þe þu læden. Line 2179 tweolue of þine witiȝen; of þine wisuste monnen. Line 2180 & fær forh nu to-niht; in-to Norewaieȝe forh-riht. Line 2181 to Alfinge kinge; þu bist him cume deore; Line 2182 & gret þu londes king. and al his leode. Line 2183 Þe king haueð ane dohter; þe him is swuþe dure. Line 2184 Bide heo to þire bi-houe; to habben to are quene. Line 2185 Þenne he sið þe swa hende cniht he þe ȝeueð [heo] forð-riht. Line 2186 Seoððen ȝern to þan kinge; þat he þe læne ferde. Line 2187 to lede to þine londe to balden þine leoden; Line 2188 Bide auer-ælcne cniht. þet þu þer bi-ȝeten miht Line 2189 for seluere and for gold; cume mid þe to þisse londe. Line 2190 & we sullen þe wile; bi-witen þine riche. Line 2191 Derneliche þu scalt don þeos ilka deda; Line 2192 þat hit nute Belin þe is þin aȝene broðer. Line 2193 Ah fær swiðe & cum raðe; for þus we þe rade[ð]. Line 2194 Þenne þu cumes faren ham; we swulle[ð] beon al fuse. Line 2195 mid mochelen ure ferde; to færen ȝeon þan eærde. Line 2196 to o-wreken þe uppon Beline; þe þe bismar haue[ð] idon. Line 2197 Þus spec Malgod swike he wes ful god; Line 2198 Þe oðere him radden al swa. þer-fore hem wroþe wide wa. Line 2199 Þa Brennes hauede ihirde; his hirde-manne lare. Line 2200