Layamon's Brut (British Museum Ms. Cotton Caligula A.IX)

Lines 1601 through 1700

Ich eam riche mon i-noh; þat na mare ich ne rec[c]he. Line 1601 ne scal neuere Leir king; þat mæiden me attlede Line 1602 ac ich heo wulle habben; to hæ[h]ȝe[r]e are quene. Line 1603 Habben heore fader al is lond; al hiis seoluer and is gold. Line 1604 Ne bidde ich nanne maðmes; me seolf ich habben inoȝe. Line 1605 bute þat mæiden Cordoille. þenne hæbbe ich mine wille; Line 1606 Mid writ & mid worde. he sende eft to þisse londe; Line 1607 & bad Leir king him sende his dohter þe wæs hende. Line 1608 & he wolde wel don; mid muchele worðe-scipe heo u[n]der-fon. Line 1609 Þa nom þa olde king; æðele his meiden. Line 1610 mid seoluen hire claðes; & lette heo fo[r]ðe liðen. Line 1611 ofer þa stremes; hire fader hire wes sturne. Line 1612 Aganippus þe Frennsce king; vnder-feng þis meiden child. Line 1613 al hiis folc hit wes iqueme; & makeden heo to quene. Line 1614 & þus heo þer bi-lefde; leof heo wes þon leoden. Line 1615 & Leir king hire fæder; luuede i ðisse londe. Line 1616 & hadde iȝeuen is twain dohtren; al his drihliche leand. Line 1617

Line 1617 He ȝef Gornoille; Scotlondes kinge. Line 1618 he hæhte Maglaunus; his mæhte weren store. Line 1619 Cornwailles duke; Regau is dohter. Line 1620 Þa i-lomp hit seoððe; sone þar-æfter. Line 1621 þat þe Scottene king; & þe duk; speken to-gaðere. Line 1622 mid heore stil rune; nome hem to reda. Line 1623 þat heo wolden al þis lond; habben on heora hond. Line 1624 & feden Leir þane king; þe while þe he leouede. Line 1625 dæies & nihtes mid feowerti hired-cnihtes; Line 1626 & heo him wolden finden. hauekes & hundes; Line 1627 þat he mihte riden; ȝeond alle þanne þeoden. Line 1628 & libben on lisse; þe while þe he leouede. Line 1629 Þus heo þa ispeken; & eft hit to-breken. Line 1630 & Leir king hit iherde; & eft him wes þe worsse. Line 1631 & Leir gan liðe; to Scottenæ leoda. Line 1632 Mid Maglaune his aðume; & mid þere eldre dohtre. Line 1633 Me vnder-fenge þene king; mid mochele feirnusse. Line 1634 & wel me him dihte; mid feowerti hire[d]-cnihtes. Line 1635 mid horsen & mid hundes; mid al þet him bi-heovede. Line 1636 Þa hi-lomp hit seoððen; seone þer-after. Line 1637 þe Gornoille bi-þohte. whet heo don mihte; Line 1638 Heore þuhte swiþe eille. of æðelene hire fædere; Line 1639 & heo hit bi-gan to mainen. to Maglaune hire louerde; Line 1640 and seide him ibedde. þer heo leiin iueore; Line 1641 Seie me mi lauerd. monne þu ert me leouest; Line 1642 me þuncheð þat mi fæder. nis nowhit felle. Line 1643 no he wurh-scipe ne can; his wit he hauet bileued. Line 1644 Me þunche[ð] þe alde mon; wole dotie nou nan. Line 1645 He [h]alt here fauwerti cnihtes; daies and nihtes. Line 1646 he haueht her þas þeines; and alle heore swaines. Line 1647 hundes and hauekes; þer-uore we habbet harmes. Line 1648 and nowher heo ne spedet; and auere heo spenet. Line 1649 & al þat goud þat we hem doð; heo hit bluðeliche vnder-foð. Line 1650 and cunnen us vn[ð]onc; for ure wel-dede. Line 1651 Heo doð muchel bisemære; ure men hi to-betet. Line 1652 mi fader hauet to monie; of idele manne. Line 1653

Line 1653 Ale þa feorðe dale; lete we for[ð] fuse. Line 1654 inoh he hauet on þirti; to þirngen to borde. Line 1655 Vs selve we habbet cokes; to quecchen to cuchene. Line 1656 vs sulue we habbet bermen; & birles inowe. Line 1657 Lete we sum þis mochele folc; fare wher ha wulleð. Line 1658 swa ich æuere ibiden are; iðolien nulle ich hit mare. Line 1659 Þis iherde Maglaunus; þat is quene spilede þus. Line 1660 & he hire andswarede; mid aðelere spiche. Line 1661 Leiuedi þu haues mochel wouh; nauest þu rich-dom inoh. Line 1662 Ah hald þine fæder on lisse; ne luueðe he no-wiht longe. Line 1663 For ȝef ferrene kinges; hiherde þa tidinde. Line 1664 þe we swa takede him on; heo us wolden tælen. Line 1665 Ah late we hine welden; his folc on his willen. Line 1666 and þis min aȝe ræd is; for sone her-æfter he beð dead. Line 1667 & ac we habben in ure hond; al half is kine-lond. Line 1668 Þa seide Gornoille; Lauerd beo þeu stille. Line 1669 let me al iwurþen; & ich ham wulle atwailden. Line 1670 Heo sende mid hire ginne; to þare cnihtene inne Line 1671 heo hahte hem faren here wæi; for heo nolden hem no more feden; Line 1672 moni of þen þeinen. monie of þen swe[i]nen; Line 1673 þe þider weren icumene. mid Leir þanne kinge; Line 1674 Þis iherde Leir king. þar-fore he wes swuþe wrah; Line 1675 þa iȝedede þe king. mid ȝemeliche worden; Line 1676 and þus seide þe kinge. sorhful on mode; Line 1677 Wa worðe þan monne. þe lond haueðe mid menske; Line 1678 and bi-tachet hit is childe. þe while þe he mai hit walden; Line 1679 for ofte hit ilimpð. þat eft hit him of-pincheð; Line 1680 Nu ich wulle hunne faren; forð-rihte to Cornwalen. Line 1681 ȝernen ich wulle rædes; to Regau mire dohter. Line 1682 þe hauede Hemeri þe duc; & mi drihliche lond. Line 1683 Fo((r))hd þe king wende; in-to þan suð ende. Line 1684 to Regau is dochter; for rædes him trukeden. Line 1685 Þa he to Cornwale com; he wes feire þer vnder-fon. Line 1686 swa al þet halue ȝer; mid al his hirede he wes þer. Line 1687 Þa saide Regau to hire duc H[e]meri. Line 1688 Lauerd herne þu me; to fulle soþe ich sucge hit þe. Line 1689 We habbet idon unwisdom. þat we mine fader habbet vnde[r]-fon; Line 1690

Line 1690 mid [þ]irtti cnihten hit nis me noht iqueme. Line 1691 Do we awai þane twenti; a tene beoð inohȝe Line 1692 for al heo dringket and eteð; & na god heo ne bi-ȝeteð. Line 1693 Þa seide Hemeri þe duc; þe his alde fader bi-swake. Line 1694 Swa ich eæuere beo on liue; ne scal he habben beote fiue. Line 1695 for þe((r)) he hauet h((i))rde hinoh; for he nauyt no doð. Line 1696 & ȝef he wille henne faren; fuse we hine sone. Line 1697 Al heo ispedden; ase heo ((i))speken hafden. Line 1698 binomen him is doȝeðe; and al his drihliche folc. Line 1699 nolden heo him bi-leafuen; cnihtes beoten fiue; Line 1700