Layamon's Brut (British Museum Ms. Cotton Caligula A.IX)

Lines 16001 through 16096

þat he from him-selue; taken him sende. Line 16001 ȝif hit weore iqueme; þan heouenliche Deme. Line 16002 wheðer he scolde liðen; þe he scolde bi-lauen. Line 16003 Þe while þe he spac touward Goden; þa gon he to slepen. Line 16004 þa gon he to slumme selehðe him wes ȝiueðe; Line 16005 of seoluen ure Drihten; þe scop þis dæȝes lihte. Line 16006 Þenne þe king imætte. a cneouwen he slepte. Line 16007 þat him com bi-foren gon; a wunder ane fair mon. Line 16008 & þas word kende; to Brutte((ne)) kinge. Line 16009 A-wake Cadwalader; Crist þe haueð deore. Line 16010 and ȝarke þine uore; and far swi[ð]e to Rome. Line 16011 þu uindest ænne pape; preost mid þan bezste. Line 16012 he þe ((scal)) scriuen; of þine weorld-lifen. Line 16013 þat hine sunen alle; scullen þe from falle. Line 16014 and þu scalt wurðe clene; al þurh Godes dome. Line 16015 of alle þine misdede; þurh mihte of ure Drihte. Line 16016 And seo[ð]ðen þu scalt i-witen; and faren to heofne-richen. Line 16017 for no most þu nauere-mære; Ængle-lond aȝe. Line 16018 ah Alemainisce men; Ænglen scullen aȝen. Line 16019 and næuermære Bruttisce men; bruken hit ne moten. Line 16020 ær cume þe time; þe iqueðen wes while. Line 16021 þat Merlin þe witeȝe; bodede mid worde. Line 16022 Þenne sculle Bruttes sone; buȝen to Rome; Line 16023 and draȝen ut þine banes alle; of þene marme-stane. Line 16024 and mid blissen heom uerien; uorð mid heom-seoluen. Line 16025

Line 16025 in seoluere and in golde; in-to Brutlonde. Line 16026 Þenne sculle Bruttes anan; balde iwurðen. Line 16027 al þat heo bi-ginneð to done; iwurðeð after heore wille. Line 16028 þenne scullen i Bruttene; blissen wurðen riue. Line 16029 wastmes and wederes sele; after heore i-wille. Line 16030 Þa awoc Cadwalader; wu[n]der him þuhte. Line 16031 strongliche he wes auæred; ladliche of-furhte. Line 16032 to wulche þinge hit iteon wolde; þat him wes itacned þere; Line 16033 Ofte he lette runen; ofte he lette ræde. Line 16034 and seowede hit þan kinge; þe wunede in þan londe. Line 16035 þe inemned wes Alain; Cadwalader nexte mæi. Line 16036 Þe king sende his sonde; ȝeond al his londe. Line 16037 and lette beoden alle. þa bocares wise. Line 16038 and talden heom þa tacni[n]ge; of Cadwalader kinge. Line 16039 Þær heo gunnen ræde; þer heo gunnen rune. Line 16040 & radden him to taken on; al swa Godd him hafde itakned to don. Line 16041 Þer he bi-lafde; his scipen and his leode. Line 16042 his wæi and his iwille; He cleopede heom to stille. Line 16043 Yuni and Iuore; beiȝen heo weoren him deore. Line 16044 Yuor wes his step-sune; and Yuni his suster sune. Line 16045 beien heo weoren him leofe; beine heo weoren him deore. Line 16046 heo weoren cnihtes beien; and swiðe wel idihte. Line 16047 Þus spac Cadwalader; þe king wes of Bruttene. Line 16048 Yuor and Yuni beiene; ȝet senden of mine leode. Line 16049 hercnieð mine lare. no scal hit eou reouwe nauere; Line 16050 Of heouene me beoð icume; h((i))ȝe Godes tacne. Line 16051 þat ich scal faren to Rome; to þan pape wel idone. Line 16052 Þe pape hatte Sergius; he weteð Peteres. hus. Line 16053 me and mine wiue; he scal bletseiȝen & scriue. Line 16054 & þer we scullen ure daȝes ba; driuen to þan ende. Line 16055 longe bið auer; no iseo ȝe me æft næuere. Line 16056 Ah here ich bi-tache; inc Walisc lond; þat ȝet stond a mire hond. Line 16057 and nimeð þas muchele uerde; and fareð to þan londe. Line 16058 and haldeð hit ((on)) wunne; þa wile ȝe maȝen hit werie. Line 16059 and ich inc halsi beien; þurh þan heouen kinge. Line 16060 þat unker æiðer oðer; luuie swa his broðer. Line 16061

Line 16061 and habbeoð þat lond auer-mære. tou æure liues ende; Line 16062 & brukeð hit on wunne; & eouwer bernen alle. Line 16063 Yuni hit wes itacned me; alse ȝe scullen nu i-seo. Line 16064 for Merlin þe wise; hit seide mid worde; Line 16065 al of mine for[ð]-fare; & of mire unimete care. Line 16066 and Sibillie þa wise; a bocken hit isette. Line 16067 þat ich scal iuullen; mines Drihtes wille. Line 16068 Alc faren nu his wæi; and habbeoð alle godne dæi. Line 16069 Cadwalader fusde; þat he com to Rome. Line 16070 þer he Sergius funde; þene iselie pape. Line 16071 he scraf Cadwalader; þe king wes of Bruttenne. Line 16072 Ne wunede þe king þer; bute uifte half ȝere. Line 16073 þa com him ufel on; swa Godd hit wolde habben idon. Line 16074 elleoue daȝes biforen Maiȝe; he ferde of þisse liue. Line 16075 and his saule sende to þan heouen-lic%che kinge. Line 16076 His ban beoð iloken faste; i guldene cheste. Line 16077 and þer heo scullen wunie; þat þa daȝes beon icume((ne)). Line 16078 þa Merlin ine iuurn daȝen; vastnede mid worden. Line 16079 Ga we nu to Yuni a-ȝan; & to Iuore his wedde-broðere. Line 16080 Heo somneden ferde; wide ȝeond þan ærde. Line 16081 forð heo gunnen fusen; mid fif hundred scipenen. Line 16082 nes hit nawit longe; þat heo ne comen to Walisce londe. Line 16083 Al þas Bruttes weoren to-driuen; ȝeond cludes & ȝeond cliuenen. Line 16084 ȝeond chirchen & ȝeond muneccliuen. ȝeond wudes & ȝeond liðen; Line 16085 Sone me heom saiden. þat isiȝen weoren to londe. Line 16086 mid Iuore & Yuni; ten siðen fifti. Line 16087 scipen brade-fulle; of Brutten swiðe balde. Line 16088 Þæs Bruttes on ælc ende; foren to Walisce londe. Line 16089 and heore laȝen leofeden; & heore leodene þæuwen. Line 16090 and ȝet wunie[ð] þære; swa heo doð auere-mære. Line 16091 & Ænglisce kinges; walden þas londes. Line 16092 & Bruttes hit loseden; þis lond and þas ((leoden)) Line 16093 þat næuere seoððen mære; kinges neoren here. Line 16094 Þa ȝet ne com þæs ilke dæi; beo heonne-uorð alse hit mæi. Line 16095 i-wurðe þet iwurðe; i-wurðe Godes wille. Line 16096

Amen.