Layamon's Brut (British Museum Ms. Cotton Caligula A.IX)

Lines 15901 through 16000

Wa wæs Cadwalader; þe king wes on londe. Line 15901 for scome he ne mihte fleon; no for hærme her beon. Line 15902 Neoðeles he hine biþohte; hu he faren mahte. Line 15903 he nom his maðmes alle; and his m[e]n deore. Line 15904 & bah suð ouer sæ. into Brutaine. Line 15905 and nom þe[r] wickinge; mid Alaine þan kinge. Line 15906 þe wæs sune Salemonnes. þas sele kinges. Line 15907 þe swiðe lufede Cadwaðlan; þe while his daiȝes ilaste. Line 15908 Þær Alæin þe king; Cadwalader under-ueng. Line 15909 & funde him in þan londe; al þat he wolde. Line 15910 þurh elleouen ȝere; þe king wunede þere. Line 15911 & elleouen ȝere; þe sorhȝe wunede here. Line 15912 þat wes hunger & hette; nefede þat folc nenne mete. Line 15913 & þe qualm muchele; þe wes on moncunne. Line 15914 Þat folc flah in-to wuden; & wuneden in þe cluden. Line 15915 leien in þa stan-graffen; & liueden bi deoren. Line 15916 heo l[i]ueden bi wuden; heo l[i]feden bi wurten. Line 15917 bi moren and bi rote; nas þer nan oðer boten. Line 15918 Þa elleue ȝer weoren; on fast aȝeongen Line 15919 þa sunne gon to scine; þe rein bi-gon to rine. Line 15920

Line 15920 þe qualm gon to stunte; men gunnen to sturien. Line 15921 ut of wude heo droȝen; and wuneden in tunen. Line 15922 Heo speken to-somne; & spileden bi-tweonen. Line 15923 and nomen heore sonde; and sende in-to Sex-londe. Line 15924 and cudden heore cunne; of heore quale-siðe. Line 15925 & hu heo ifaren hafden; elleue ȝeren. Line 15926 & hu þat ufel wes at-stunt; & hu þa tunes ibuld. Line 15927 and hu þer wes fæiȝer lond; i-noh seoluer and gold. Line 15928 & beden heom cumen swiðe; hider to heore icunde. Line 15929 for þa Bruttes þa ær weoren here; æuere heo weren fleme. Line 15930 no durste heo næuere mængen; imong Englisce monnen. Line 15931 no nawhit heo nusten; of heore uare-costen; Line 15932 þat weoren heore sonden. isend to Sex-londen. Line 15933 Þa heȝe Sexisce men; iherden þas sonden. Line 15934 þa fusden touward sæ; fifti þusende. Line 15935 baldere beornen; mid scelden and mid burnen. Line 15936 mid wifen and mid children; to þissen londe wenden. Line 15937 Mid þan formeste swipen; her comen þreo hundred scipen; Line 15938 siȝen after seoððe; sixti to-somne. Line 15939 bi sixe bi seouene; bi tene bi eolleue. Line 15940 bi twelue bi twenti; bi þritti bi feowerti. Line 15941 Mid heom com Æðelstan; þe æ[ð]ele ut of Sexen. Line 15942 inne Lundene hine cruneden; & houen hine to kingen. Line 15943 Edward þe king þesne biȝat on are chiuese. Line 15944 þis wes þe formeste Englisce mon; þe al Ængle-lond biwon. Line 15945 he wes icruned and ieled. þis lond wes al his aȝen. Line 15946 and seoððen he wuneden here; sixtene ȝere. Line 15947 Hit ilomp inne frimdæȝen; feor her bi-æften. Line 15948 þat her wes an heh mon; Inne wes ihaten. Line 15949 Þe king wende to Rome; to þan heȝe dome. Line 15950 and he Peteres weofed þere; wunliche isohte. Line 15951 brohte þer to lake; his maðmes leofe. Line 15952 Þa ȝet he dude mare; to Peteres are. Line 15953

Line 15953 of æuer-elche huse; þat hus-bonde wunede. Line 15954 & his biweddede wif weore; on þere ilke wike. Line 15955 þe king enne peni ȝette; to Peteres huse. Line 15956 Inne wes þe uormeste mon; þe Peteres peni bigon. Line 15957 Þa Inne king wes him ded. and his laȝen weoren aleid. Line 15958 þa a-feol þat feoh here; fif and sixti ȝere. Line 15959 a þet Aðelstan com liðen; in-to þissen londen. Line 15960 & hafden iwuned here; fulle fiftene ȝere. Line 15961 Þe king his fet custe; and faire hine igrette. Line 15962 & eft þat ilke feoh ȝete. þat Inne king dude ære. Line 15963 & swa hit hafeð ist onde; æuer seoððe a þisse londe. Line 15964 Drihten wat hu longe; þeo laȝen scullen ilæste. Line 15965 þa tiden comen sone; to Cadwaðlader kinge. Line 15966 into Brutaine; þer þar he wunede. Line 15967 mid Alaine kinge; þe wes of his cunne. Line 15968 me dude him to unde((r))-stonde; of al þisse londe. Line 15969 hu Aðelstan her com liðen; ut of Sex-londen. Line 15970 and hu he al Angle-lond; sette on his aȝere hond. Line 15971 and hu he sette moting; & hu he sette husting. Line 15972 and hu he sette sciren; and makede frið of deoren. Line 15973 & hu he sette halimot; & hu he sette hundred. Line 15974 and þa nomen of þan tunen; on Sexisce runen. Line 15975 & ȝilden he gon rere; mucle & swiðe mære. Line 15976 & þa chirchen he gon dihten; after Sexisce irihten. Line 15977 and Sexis he gan kennen; þa nomen of þan monnen. Line 15978 and al me him talde; þe tiden of þisse londe. Line 15979 Wa wes Cadwaledere; þat he wes on liue. Line 15980 leofere him weore on deðe; þeone quic on life. Line 15981 særi wes his heorte; and sorhful wes his duȝeðe. Line 15982 Wið his freond he spac ofte; Line 15983 hu he faren mihte. and iw[i]nnen his rihte. Line 15984 and wulchere wise he mihte; wið Aðelstane fihte. Line 15985 & i-winnen his cunde; æft to his honde. Line 15986 þa Aðestan and his cnihtes; eke heolde mid unrihte. Line 15987 Sume him radde to uehten; summe wrið to wurchen. Line 15988

Line 15988 þat he mosten of Aðelstan. halden his lond and beon his mon. Line 15989 Vnder þissen uare-coste; he sumnede ferde. Line 15990 of alle þane monne; þat he bi-ȝeten mihte. Line 15991 & somnede alle þa scipen; þa bi þare sæ fluten. Line 15992 and þohte mid strengðe; steppen to londe. Line 15993 Þa þe ȝaru wes þa uerde; & þas scipen ibone. Line 15994 com þe win[d] suðerne. þa sæt an heore wille. Line 15995 Þa sæide þe king; Nu to scipe an hiȝing. Line 15996 And þe king in-to chirche gon wenden; Godes werk to worchen. Line 15997 and masse þer iherden; of mære ane preoste. Line 15998 Þe king læi on cneouwen; and cleopede to Crist[e]. Line 15999 & bed ure Drihten; þe walt alle deden. Line 16000