Layamon's Brut (British Museum Ms. Cotton Caligula A.IX)

Lines 15801 through 15900

þa while þa hit wes on heore hond; hit wes ihaten Brut-lond. Line 15801 Nu nabbe we of þan londe; buten þene west ende. Line 15802 þa Bruttes hafden iwuned here; wel feole wintre. Line 15803 Þa comen Englisce men; mid heore ufele craften. Line 15804 heo weore wiȝel-fulle; and þis lond al biwunne. Line 15805 and biswiken heore lauerd sonen; and alle his leoden. Line 15806 & ȝiuenen heore kinge; ane heðene quene. Line 15807 þa comen of Sex-londe; þa leoden us beoð laðe. Line 15808

Line 15808 þurh þere quene; ure cun aqualden here. Line 15809 and swa habbeoð Englisce men; ure icunden at-heolden. Line 15810 þet we nauere seoððen; bi-sechen hit no mihten. Line 15811 Penda king is Englisc; and Oswy al-swa ful iwis. Line 15812 Let þu þa hundes; hannen to-gaderes. Line 15813 eiðer freten oðer; swa hund deð his broðer. Line 15814 and leten heore whelpes; whæruen heom bi-sides. Line 15815 elc oðer quelle; þat þer nan quic no leue. Line 15816 And ȝif Oswy cumeð bufen; and þat feht maȝen ouer-cumen. Line 15817 we him sculleð to luken; and neouðer hine aleggen. Line 15818 lond and his leoden; and his laȝen uallen. Line 15819 and ȝif Penda bið buuen; & þat comp maȝen ouer-cumen. Line 15820 þin aȝe mon is Penda; mid alle his kine-londa. Line 15821 Þenne hauest þu Englisc lond; to þire aȝere hond. Line 15822 and alle þine wurðscipe; þus þu miht biwinnen. Line 15823 & libben a þin lif; swa þe arle leofest bið. Line 15824 No findest þu nauer-mare mon; þa þe durre haten on. Line 15825 Þa andswarede a mon; þe bald wes on hireden. Line 15826 Lust nu me Cadwaðlan; lust me ane stunden. Line 15827 Nis þar nan betere red; þene Margadud haueð ised. Line 15828 & ȝif þat nult don; þu scalt wurse afon. Line 15829 & alle þine leoden; þa later þu hafuest to neoden. Line 15830 Efne þissere saȝe; þa þe Brut sæide. Line 15831 þa wes icleoped Penda; & com into hirede. Line 15832 and Cadwaðlan him ȝette; al þat he wolde. Line 15833 Þa wes Penda bliðe; & igladed swiðe. Line 15834 Penda & his cnihtes; to horsen forð-rihtes. Line 15835 and aneousten gunnen wenden; toward Norh-humberlonden. Line 15836 & Oswi iherden suggen; þat Penda hine sohte. Line 15837 & ȝarecode his ferden; & fusde toȝæines Pendan. Line 15838 faht heo bigunnen; ræȝe heo weoren beien. Line 15839 feondliche heo fuhten; uæiden heo weoren. Line 15840 vnimete feollen; fæie men on folden. Line 15841 Þa hit wes uppen non; þa sunne gon to nipen. Line 15842 þer wes Oswy of-slaȝen; & idon of lif-daȝen. Line 15843 & his sune & his æm; & eorles sume uiuen. Line 15844 þer weoren niȝe þusu[n]de; ðringes norðerne. Line 15845 islaȝen i þan dæiȝe; þa duȝeðe wes þa lasse. Line 15846 & þe king Penda; sære wes iwunded þa. Line 15847 & þonene gon wende; æst to his londe. Line 15848 Oswy hæfden ænne sune; Osric wes his nome. Line 15849 he wes ane stunde; mid Cadwaðlane kinge. Line 15850 in his h[i]rede iued; & deorliche ifostred. Line 15851 Osric bisohte Cadwalan; swa mon scal his lauerde don. Line 15852 þat he moste beon his mon; & his fader lond habbeon. Line 15853 Cadwaðlan him ȝet; al þat he ȝirde. Line 15854 he bitahte him an hond; al his fader kine-lond. Line 15855 hehte hine hit habben; & halde mid wunne. Line 15856 God king wes Cadwaðlan; swa him wes icunden. Line 15857 he wes king hire; seouen and feouwerti ȝere. Line 15858 Þa uerde he to Lunden; to gladien þa leoden. Line 15859 and heold ane metsunge; mid þan uolke of Lundene. Line 15860 he æt of ane uisce uret-liche swiðe. Line 15861 ær þe uisc i-eten weore. i-uueled was þe ki[n]g. Line 15862 seouen niht & enne dæi; þe king a þan ufele læi. Line 15863 nes þer nan oðer red; seoððen wes þe king ded. Line 15864 heo bureden hine in Lunden; særi weoren þa leoden. Line 15865 Enne sune hafde Cadwaðlan; Cadwalader ihaten. Line 15866 he wes Penda suster sune; al of kingen icume. Line 15867 þeos feng to his riche; after his fader daiȝe. Line 15868 Swiðe leoflic wes þe mon; his leoden hine luueden. Line 15869 he wes swiðe god cniht; and swiðe sturne inne fiht. Line 15870 æh an his daȝen ilompen; reoðen on leoden. Line 15871 Ærst aswond þat corn here; ȝeond al þas kineriche. Line 15872 þer-after hit wes swa deore; & al folc gon to deȝen. Line 15873 swa þat þu mihtes fare fulle seouen nihte. Line 15874 þat no mihtest þu. þurh nene chep; finde neouwer na bred. Line 15875 an burȝe and on londe; leoden weoren ȝeoumere. Line 15876 no nan uolc on londe; þat of-fingred nes sære. Line 15877 Þa þat wes idriuuen; longe ȝeond þas leoden. Line 15878 þa com þer an-oðer sorȝe; þer-after ful sone. Line 15879 þat quale com on orue; vnimete swiðe. Line 15880 þer cheorl draf his sulȝe; i-oxned swiðe fæire. Line 15881 oðer while he brohte ham; halue his oxen. Line 15882

Line 15882 oðer brohte enne; þe oðer no brohte nenne. Line 15883 and swa hit on leode; ilaste wel longe. Line 15884 Þer-after sone; sorȝen vnimete. Line 15885 comen to folke; ȝeond al þas kine-þeode. Line 15886 uppen þan monen; morð wes iwurðen. Line 15887 quelen þa eorles; quelen þa beornes. Line 15888 quelen þa þeines; quelen þa sweines. Line 15889 quelen þa lareden; quelen þa leouweden. Line 15890 quelan þa ældren; quelen þa ȝeongeren. Line 15891 quelæn þa wifmen; quelen þa wanclen. Line 15892 þat no mihte on þan ende; þat folc on þan londe. Line 15893 burien þa dede; swiðe heo gunnen deȝe. Line 15894 þat ofte in þan putte; þer me þene dede isette. Line 15895 þer deiȝede þe quike uppen þen dede. Line 15896 And swa hit ilomp wide; ȝeond Ænglene þeode. Line 15897 þat folc ut of londe flah on ælche ænde. Line 15898 monie hundred tunen; bi-læued weoren of monnen. Line 15899 þat lut me uinde mihte; men uaren ȝeond londe. Line 15900