Layamon's Brut (British Museum Ms. Cotton Caligula A.IX)

Lines 15701 through 15800

ænne ælpine broðer; nes þer nan oðer. Line 15701 he wes icleoped Oswi; þe wes a swiðe duhti mon. Line 15702 þa þringes norðerne; makeden hine to kinge. Line 15703 for wa wes heom on life; for heore lauerdes deðe. Line 15704 Oswi nom to his hond; al his broðer kine-lond. Line 15705 Oswi hafde eme((s)) sunen; þe weoren; swiðe prute gumen. Line 15706 and ma of his cunne; þa weoren mod-fulle. Line 15707 heo hafden muchele onde; to þan kine-londe. Line 15708 and makeden muc%chel un-frið; and ofte fuhten him wið. Line 15709 and þohten hine aquellen; for his kine-londen. Line 15710 Ah Oswi wes cniht sturne; þat he þer cudde. Line 15711 alle þa him beren onde; he draf of þan londe. Line 15712 hiȝendliche he heom quehte; ouer þere Humbre. Line 15713 þat nes þer nan to laue; of þan þe him weoren laðe. Line 15714 And heo gunnen wenden; to þan kinge Pendan. Line 15715 and menden heom to Pendan; of Oswy þan kinge. Line 15716 þat he heom idriuen ut hafde; of al heore icunde. Line 15717 and heo bi-sohten Penda; þene king of Æst-londe; Line 15718 þat heom fulste; Oswy to for-uarne. Line 15719 and heo wolden bicumen his men; and his mon-scipe heȝen. Line 15720 ȝif he wolde Oswy [for]-don; oðer slæn oðer a-hon. Line 15721 Þa andswerede Penda; þe king of Æst-londe. Line 15722 At me nabbe ȝe nenne ræde; for ich æm wið Oswi iuæid. Line 15723 for ich Oswald aqualde; wihteste alre kinge. Line 15724 and Oswy his broðer is oht cniht; and arð heorte na-wiht. Line 15725 ȝif he me mihte cacchen; he me wolde quellen. Line 15726 Ah fareð to Cadwalane; þe king is on londe; Line 15727 and ȝif he me wulle sende. þat folc of his londe. Line 15728 vt of Corwale; cnihtes icudde. Line 15729 and of Walisce londe; mid seolure and mid golde. Line 15730 þenne wlle ich Oswy anan; mid ærmðen igreten. Line 15731 driuen hine of londe. leoden to sconde. Line 15732 oðer slan hine mid egge; laðest alle ginge. Line 15733

Line 15733 Þas cnihtes gunnen wende; to Cadwaðlane kinge. Line 15734 To Cadwaðlane heo come; mid falsæn dome. Line 15735 þan kingen heo tolden al þat heo wolden. Line 15736 Hit ilomp an ane time; to þan White-sune-tide; Line 15737 þat þe king hehte of londen; comen al to Lunden. Line 15738 alle þe wolden his grið; and wið þan kinge habben frið. Line 15739 Þider comen kinges; and æc here-þringes Line 15740 þider comen eorles; þider comen beornes. Line 15741 biscpes þider comen; and boc-ilerede men. Line 15742 riche and hene; þider heo comen alle. Line 15743 alches cunnes leoden; þa þene king lufeden. Line 15744 & þe king a þan daiȝe; his crune bar an hæfde. Line 15745 þer wes muchel blisse; mid balde þan kinge. Line 15746 for þe king wes swiðe treowe mon; his treouþe wel he iheold. Line 15747 Þa þas leoden alle; iliðen weoren to-somne. Line 15748 þa stod him up Penda; biuore Cadwaðlane kinge. Line 15749 and þus he gon tellen; on false his spellen. Line 15750 Lauerd we beoð icumen; alse þu hafdest i-queðen. Line 15751 alle þine men iborne; Englisce and Bruttisce. Line 15752 eorles & beornes; cnihtes & clærckes. Line 15753 and we þine kinges; þa beoð þine underlinges. Line 15754 Ah Oswy seide æuere; þat nulle he come nauere. Line 15755 no þine heste iuorðen; ah bi-hateð hærm to don. Line 15756 Nert þu noht swa modi swa him is Oswy. Line 15757 he for-hoȝeð ful iwis; to isechen þine hiredes. Line 15758 Ah ȝif þu wult me lenen; & þine læue iunnen. Line 15759 and þu me wulle fulsten; and ferde bi-tæchen. Line 15760 and swa muchel of þine garsume. god swa þe þunche; Line 15761 ich wulle uorð aneouste; and faren ouer Humbre. Line 15762 & Oswy þer makien; ærmest alre kingen. Line 15763 no scal he mid strenðe; þene stude uinde. Line 15764 þat ich hine nulle; þe an hond sulle. Line 15765 oðer quic oðer ded; þat me þuncheð god ræd; Line 15766 & ȝif þu þis nult don; þu scalt wurse under-fon. Line 15767 for Oswy is a swulc mon; þine scome he wulle don. Line 15768 Þa andswarede; Cadwalan þe kene. Line 15769 Penda ich hit þe sugge ouer-al; Oswy haueð for-wal; Line 15770 oðer he lið ibedde; ibunden mid ufele. Line 15771 oðer uncuðe leoden; icumen beoð to his þeoden. Line 15772

Line 15772 for nulle he nauere icnawen; þat he nolde him to cumen. Line 15773 þa ich hehte alle cumen; mid griðe mid friðe. and mid lufe. Line 15774 Ah Penda ga þider ut anan; ich wulle wið mine eorlen; Line 15775 mine rune halden. and minne red finden; Line 15776 wheðer ich þe ȝetten wullen. þa þing þe þu bede. Line 15777 and ich wulle after Oswine senden; aðele mine sonde. Line 15778 and haten hine hiȝindliche; cumen to mine riche. Line 15779 Þider ut eode Pe[n]da; an eorl wes his iuere. Line 15780 and Cadwaðlan wes þer-inne; mid swiðe feole monne. Line 15781 Þus him spac Cadwaðlan; þe king wes of Englen. Line 15782 Ȝe beoð mine men alle; þa beoð a þisse mote. Line 15783 and ȝe habbeoð alle iherd; whæt Penda king hafueð iseid. Line 15784 and hu he wulle taken on; & Oswi king al fordon. Line 15785 ȝif ic him lenen wulle; mine leoden to vulste. Line 15786 and ic wulle þat ȝe me reden; ((of wlchere deden. Line 15787 þa ich lete Oswi for-do;)) þa ich lete hine cumen me to. Line 15788 & ȝif he for mire sonde; for-sakeð hider to cumene. Line 15789 mine here ich lete seoððen; hine hene makien. Line 15790 Þa iwærð abolȝen; a Welisc king in þe hepen. Line 15791 he wes ihaten Margadud; monnen wurðe him ȝeomerist Line 15792 for æuere he Ænglisce men; bi-hehte; hærm þene meste. Line 15793 Þus seide Mærgadud; of Suð Wales he wes duc. Line 15794 Her nu me Cadwaðlan; whæt ich þe wulle cuðe. Line 15795 Þu hauest þine willen iseid; ah þis nis noht god red. Line 15796 Hit is swiðe ȝare; þat Bruttes comen here. Line 15797 and mid him ure ældre; þe Bruttes weoren aðele. Line 15798 and þis lond ieoden; Bruttisce leoden. Line 15799 and longe hit walden; after heore willen. Line 15800