Layamon's Brut (British Museum Ms. Cotton Caligula A.IX)

Lines 15601 through 15700

nefden heo nane are; of þan lasse no of þan mare. Line 15601 ah al þa ferde wes of-slaȝen; and idon of lif-daȝen. Line 15602 Of þan ((fehte)) fleh a gume; Edwines ȝungeste sune. Line 15603 wellen henden wes þe mon; Osric ihaten. Line 15604 nefde he to iueren; b[u]ten an hundred rideren. Line 15605 Þeos to wuden wenden; and þer gunnen wunien. Line 15606 and barnden Cadwalanes lond; and eoden him luðere an hond. Line 15607 & his folc sloȝen; a feole cunnes wissen. Line 15608 Þat iherde Cadwalan; þe king wes on londen. Line 15609 hu Osric Edwines sune; dude ut-laȝen wune. Line 15610 Cadwalan muchel uolc nom; and lette heom to wuden gan. Line 15611 and Osric heo funden; & wið him fehten. Line 15612 þer heo Osric sloȝen; and alle his iueren. Line 15613 Nu wes þe king Cadwalan; bliðest alre kempen. Line 15614 nu wes icleoped Cadwalan; king ouer Anglen. Line 15615 Penda wes king under him; and ma þa iqueme weoren him. Line 15616 Cadwalan aquald hefde; of Edwines cunne. Line 15617 al þat þer wes hende; wið-uten ane monne. Line 15618 he wes ihaten Oswald; under Drihtene bald. Line 15619 he wes of Edwines cunne; & him leofuest monne. Line 15620 & he wes hex monnen; of Edwines cunnen. Line 15621 Oswald nom on his hond; al to-gadere Edwines lond. Line 15622 eorles and kempen; his men al bicomen. Line 15623 me heold hine king hæhne; biȝeonde þere Humbre. Line 15624 þat iherde Cadwalan; and þus quað to his eorlen. Line 15625

Line 15625 Somnie we nu ferde; ȝeond alle mine ærde. Line 15626 nu ich mi lond habben bi-tald; nu hauið hit Oswald. Line 15627 ah þer-uore him scal ileoten; bitterest alre baluwen. Line 15628 For þan kinelond; ich hine aqualle wulle. Line 15629 and al his ferde; fallen to grunde. Line 15630 and al þat he of com; ich hit wulle for-don. Line 15631 and swa me scal him tache; to walden kineriche. Line 15632 Aleggen ich wulle his muchele mod; monnen he is me laðest. Line 15633 Cadwalan somnede uerde; mucle in þissen ærde. Line 15634 & ferde touward þere Humbre; ȝaru al to fehte. Line 15635 Oswald þis iherde; þas heȝes Godes icorne. Line 15636 and nom him al his ferde; þa hafde in his ærde. Line 15637 and for-soc þat feht sone; for-saken him weoren laðe. Line 15638 and fe[r]de æuere forðward. Line 15639 & Cadwalan him after wende; ah of-taken he hine ne mahte. Line 15640 Þa wes Cadwalan adred; for wið Scotten he wes iuæid. Line 15641 for he þat norðerne uolc hæuede; ineouðered ful swiðe. Line 15642 & nom him to rede; of swulchere neode. Line 15643 þat he aȝain wolde; for þer he kare hafde. Line 15644 and bi-teche Penda; þe wes his under-kinge. Line 15645 folc and his ferde; to flemen of arde; Line 15646 Edwines mæi Oswald. and driuen hine of londe. Line 15647 And al Cadwalan spede swa he ispeken hafde. Line 15648 aȝæn he gon wende; in-to þisse londe. Line 15649 and in þan norð ende; sette þene king Penda; Line 15650 to fleomen Oswalde; ut of þissen londe. Line 15651 Oswald þat iherde; þat Cadwalan chærde. Line 15652 and þer wunede Penda; to driuen hine of londe. Line 15653 þa was þæ king Oswald; an his þonke swiðe bald. Line 15654 and aȝæin him gon wende; muchele his ferde. Line 15655 to-ȝeines þan kinge Penda; to fleomen hine þenne. Line 15656 Penda hine bi-þohte; swiken hu he mahte. Line 15657 he sende to Oswalde; þen norðerne kinge. Line 15658 & seide þat he wolde; sahtnesse wurche. Line 15659 and timliche him speken wið; & makeȝen sehtnesse and grið. Line 15660 and beon saht and some; swulc heo weoren broðeren. Line 15661 and faren of þan ende; to Cadwalane kinge; Line 15662 and leten þene king Oswald; habben his riche. and his lond. Line 15663 Þene dæi; and þe stude heo setten; sæhnesse to makien. Line 15664 and þer-after ful sone; heo cumen to-somne. Line 15665 Oswald com muchel bi-foren; he wes to Godes hond icoren. Line 15666 þe studen hehte Houen-feld; þer Oswald sette his teld. Line 15667 he lette sone arere; a muchel cros and mare. Line 15668 and hehten al his ferde; fallen on heore cneowen. Line 15669 and bidden þane al-mihti Godd; þurh his milde mihti mod. Line 15670 þat he heom ȝiue mildze; of heore misde[de]. Line 15671 and ȝif Penda þat grið breke. þat ure Drihten hit awreke. Line 15672 Þa weren iended þas beden; þa com him Penda riden. Line 15673 and word seide. swikelest alre kinge. Line 15674 Oswald þu art wilcume; wunne þe is ȝeueðe. Line 15675 hafue þu al þi kine-lond; a[h] nim þi seoluer and þi gold. Line 15676 nim an hundred hunden; nim an hundred haueken. Line 15677 nim an hundred steden; nim gold-fah i-wede. Line 15678 and send þas gretinge; to Cadwaðlan kinge. Line 15679 and þus þu maht him wið; makien þe saht-nesse and grið. Line 15680 & ich wulle a þine stude beon; þat þa lufe scal wel iþeon. Line 15681 & ȝet ich þe suggen wulle; ane sunder rune. Line 15682 hu þu mihte fon on. þat hit ne buð nauere undon. Line 15683 and cleope mid þe tweien. þat þine treowe men beon beien. Line 15684 & ich wulle tweien to me; þa wel scullen reden. Line 15685 Þa rad forð a þan felde; falsest alre kinge. Line 15686 and Oswald rad a þene feld; næfde he sper ne nænne sceld. Line 15687 Penda his sweord ut a-droh; and he Oswald of-sloh. Line 15688 þis wes Seint Oswald; þe amurðered wes aquald. Line 15689 and Penda gon to fleonne; mid alle his ferde. Line 15690 þat isehȝen forð-rihtes; Oswaldes cnihtes. Line 15691 and after heom setten; mid allen heore mihten. Line 15692 muc%chel del heo sloȝen; of þan mon-weorede. Line 15693 and þe king Penda; uneðe gon a-wende. Line 15694 and neoðeles he at-ræd; þe Seint Oswald biswac. Line 15695 Penda com to þissen londe; to Cadwaðlan kinge. Line 15696

Line 15696 and talde al þan kinge; hu he iuaren hafden. Line 15697 Hit likede wel þan kinge; buten for ane þinge. Line 15698 hit of-þuhte him ful sone; for þan swikedome. Line 15699 Nu hafde Oswald; þe a morðe wes aquald. Line 15700