Layamon's Brut (British Museum Ms. Cotton Caligula A.IX)

Lines 15301 through 15400

of feole cunne þinge; þat him weoren to cumene Line 15301 Caðwaðlan þan gode. wa wes on mode. Line 15302 and ofte spæc wið Brien; þe wes his deoreste mon. Line 15303 and nomen heom to rede; and to som-rune. Line 15304 þat alle þa while; þe Pelluz weore alife. Line 15305 no mihte Cadwaðlan; comen to þissen londe. Line 15306 mid nauer nare lisse; þat Edwine hit nuste. Line 15307 Brien bonnede his fare; Brien hafde mucle care. Line 15308 nom him an honde; of seoluer and o golde Line 15309 maðmes unimete; moniare cunne. Line 15310 nom he tunnen gode; and þa æhte dude þer-inne. Line 15311 To þære sæ he wende; and seilede mid vðe. Line 15312 he hafde on his uore; wintunnen inoȝe. Line 15313 on sæ and on londe; his win he lette fonden. Line 15314 and on alle wissen he toc him on; swulc he weore a chepmon. Line 15315 In he wende at Barbe-fleot and at Suð-hamtune up a-leop. Line 15316 þer he ut draȝen lette; win of his tunne. Line 15317 and hendeliche hit delde; alle þare duȝeðe. Line 15318 þa him abuten weore; riche and henen. Line 15319 and alle luuede þene chapmon; þa him lokede on. Line 15320 V[m]be seouennihten; he spac wið his cnihten. Line 15321 alle weoren his iueren; swulc heo chapmen weoren. Line 15322 and eorð-hus heo hureden; stið biwaled on eorðen. Line 15323 heo cluseden þer wið-innen; alle heore win-tunnen. Line 15324 heo scupten heore lauerde; ænne nome neowe. Line 15325 heo hahten hine Kinebord; ut of Spainisce ard. Line 15326 He saiden þat he wenden wolde; wide ȝeond þissen londe. Line 15327 & fondien wher he mihte; his win sullen on wille. Line 15328 Forð he wende bi nihte. mid one of his cnihte. Line 15329

Line 15329 forð he gon liðe; in-to Lundene. Line 15330 and aneouste gunnen wende; on-fast Westmustre. Line 15331 and fraineden tiðinde; of Edwine kinge. Line 15332 Sone men him talde; soð þat heo funde. Line 15333 þat þe king in Eouerwic wnede; mid allen his folke. Line 15334 mid muchere blisse; men he hafde inoȝe. Line 15335 Brien gon to farene; uorð mid ane iuere. Line 15336 ut of Lundene; derneliche he liðede. Line 15337 þene wæi touward Eouuerwike; wrað on his mode. Line 15338 Þa he iuaren hafde; fulle seouen nihte. Line 15339 þa imette he enne pilegrim; pic bar an honde. Line 15340 hiȝend-liche þe com; from þas king%ges hirede. Line 15341 Brien hine gon fræine; of his fare-coste. Line 15342 þe pillegrim him talde; al þat he wolde. Line 15343 Wið him warfte Brien; al his iweden. Line 15344 and æiþer gon liðe; þider him to luste. Line 15345 Brien enne smið funde; þe wel cuðe smiðie. Line 15346 and saide þat he wes pelegrim; ah pic nefden he nan mid him. Line 15347 þene þridde dæi þer bi-fore; at his inne he wes forlore. Line 15348 His fore-ward he makede; þe smið gon to smiðeȝe; Line 15349 ane pic swiðe long; swiðe muchel an swiðe strong. Line 15350 sw[ið]e sca((r))p wes þe pic; þe staf wes swiðe sellic. Line 15351 Þene staf he nom an honde; and ferde ouer þan londe. Line 15352 þat he com sone liðe; to þas kinges hirede. Line 15353 Brien eode upward; Brian eode dun-ward. Line 15354 ne mihte he iheren; word of his suster nan. Line 15355 no he uraini ne durste; for þes kinges folke. Line 15356 Þa hit wes dai a-marȝe; þat Drihten hine sende. Line 15357 þe king lette feden alle; þa neode hafden. Line 15358 alle þe blæðe; þe wuneden on þe burȝe. Line 15359 me heom hehtte on-neouste; cume to þan castele. Line 15360 bi þusend and bi þusunde; þræsten gunnen binward Line 15361 Brien wenden binne; mid oðer wrecche monnen; Line 15362 his lætes weoren alle. swulc he lome weore. Line 15363 alle his hateren weoren to-toren. nas he noht to þan iboren. Line 15364 Þe an hine putte hider-ward; and þe oðer hine putte ȝeond-ward. Line 15365 uncuð him wes swiðe; swulc craft on folcke. Line 15366 his pic he heold bi-siden; and sat imong þan oðeren. Line 15367

Line 15367 Þe king him gon to þeinen; mid alle his here-cnihten. Line 15368 þæ quene bar to drinken; & alle hire bur-lutlen. Line 15369 Þa i-lomp hit seoððe; þe[r]-after ful sone. Line 15370 þat Galarne þat maiden; com hire ȝeongen. Line 15371 bolle heo hafde an honden; þer-mide heo bar to dringen. Line 15372 þa isæh heo Brien þer; deore hire broð[er]. Line 15373 on wræcches monnes liche; þeh he weoren riche. Line 15374 Anan swa þat maiden hine i-sæh; sone heo him to bæh. Line 15375 and droh of hire uingre; an of hire ringe. Line 15376 and salde him an honde; ænne ring of rede golde. Line 15377 and þus sæide Galerne; þat god-fulle maide. Line 15378 Haue þis gold wræcche; Godd þe wurðe milde. Line 15379 and buȝe þe þer-mide hateren; þat wið chele þe maȝen werien. Line 15380 Þa wuste he to soðe; þat his suster icneou hine. Line 15381 & þas word seide; Brien þe sele. Line 15382 For-ȝelde hit þe Drihten; þe sop þas daȝes lihten. Line 15383 þat þu þissen lome monne; ȝiue of þine golde. Line 15384 Ymong þan wrecche uolke; þat maiden heo hudde. Line 15385 bitwxen twam wi[n]dewen; þat maiden iwarð an selden. Line 15386 and spæc wið hire broðren; þa bet hire wes on heorten. Line 15387 and talden him tiðende; al of þas kinges hirede. Line 15388 and heo him tahte Pelluz; þene clarc þe com from Spæine; Line 15389 and he lokien agon; in læðest alre monne. Line 15390 Þa heo to-gadere hafden ispeken. sone heo gunen to-delen. Line 15391 for nauer neoðer nalde; for his æfne wiht of golde. Line 15392 þat þe king hit wusten; þat heo to-gaderen weoren. Line 15393 for sone heo weoren for-don ba; oðer of-slaȝen oðer an-hon. Line 15394 Þat folc hafden alle iȝeten; and arisen from heore seten. Line 15395 dremeden drunkene men; dune wes on folke. Line 15396 Pelluz wes aneoste; and ȝemde þene nap. Line 15397 Brien him atlede to; for he hafde him ful wa ido. Line 15398 his pic he nom an honden; & helede hine under capen. Line 15399 swa longe he gon atlen; þat he com him baften; Line 15400