Layamon's Brut (British Museum Ms. Cotton Caligula A.IX)

Lines 1301 through 1400

Heo him to lupen; on alchere halue. Line 1301 & to-luken þene king; & his leomen to-drowen. Line 1302 & his hors al-swa. þat deade heo weoren bo twa. Line 1303 & þus ferde Membriz; þe his broðer bi-swac Malin. Line 1304 Enne sune he hafde; bi seoluan his quene. Line 1305 þe was ihaten Ebrauc; æðelest alre kingen. Line 1306 þe æuer sculde halden lond; oþer bi-witen leode. Line 1307 Al his cun he wurðede; richen & wrecchen. Line 1308 þa richen he lette beon stille. þa wrecchen hefden heore wille. Line 1309 þat lond heo lette tilien; him tuwen hired-men to. Line 1310 blisse wes on londe; a feole kunne þinge. Line 1311 Heo heold swiðe god grið; ne breac na man his frið. Line 1312 Cnihtes he hæfde gode; stronge & wode. Line 1313 heo wilneden after worre; for heom wes heora Drihten wroð. Line 1314 Þe king hit wel wuste; þeh he hit suggen ne durste. Line 1315 He lætte bi sæ-flode; ȝearkien scipen gode. Line 1316 vmben ane stunde; þa scipen ȝaru weoren. Line 1317 & he dude þer-inne; his drihtliche cnites. Line 1318 & sende heom in-to France; mid muchelere ferde. Line 1319

Line 1319 & heo herȝeden France; & feor þer bi-ȝeonden. Line 1320 & alle þa londes þa þer-to leȝen. Line 1321 Muchel wes þa gersume; þe heo hæfden inome. Line 1322 & comen eft hider ham; al isund & ihal. Line 1323 Þes wes þe æreste king; þe ferde vt to ræuing. Line 1324 þat ouer sæ wende; vt of þisse londe. Line 1325 Swiðe longe þer-after; wes al þis leodisc folc. Line 1326 vnimete riche; of þere ræuinge. Line 1327 Þa com hit to mode; Ebrauc þon gode. Line 1328 þat he wolde bulden; twa burh stronge. Line 1329 He nom his folc & ferde forð; & droh him rites norð. Line 1330 a ðas half Scotlonde; þer he wolde at-stonde. Line 1331 Ærest he makede ane burh; & Kaer Ebrauc heo clepede. Line 1332 þa oðer on are dune; Adud he heo hahte. Line 1333 Þa heo wes icleped Kaer Ebrauc; seððen wes icleped Eborac. Line 1334 Seoððen comen vncuðe men; & Eoverwic heo hahten. Line 1335 & þa norþerne men; nis hit nawiht ȝeare. Line 1336 þurh ane unþewe; Ȝeorc heo ihæhten. Line 1337 Þa ferde þe king norður ma; & ane neowe burh makede. Line 1338 vppen Angnetes munte; mærliche feier. Line 1339 Maidene Castel he wes icleoped; nat ich for wan hit was swa idon. Line 1340 Ebrauc leofede swiðe longe. & lond heold mid mensce. Line 1341 Sixti winter he wes king; i griðe he heold his kine-lond. Line 1342 Ah he hæfde moni wif; þe his cun of a-wachede. Line 1343 he hefde on liue tuenti sunen. and alc hefde sundri moder. Line 1344 he wes þritti dohtren%ne fader. þeo wifmen weoren feire. Line 1345 Of his sunen hercne þa nomen; & ich heo þe wulle nemnen. Line 1346 Brutus Uært Escut. Margadud; Sisiluius. Regin; Bladud. Line 1347 Moruit. Lagon. Ebedloan; Ricar. Spaden. Gaul. Pardan. Line 1348 Ældad. Gangu. Kerin. Luor; Ruc. Assarac. Buel. Hector. Line 1349 Þeos weoren Ebraukes sunen; þes aðeles kinges. Line 1350 His dohter nomen hercna nu; þa hæȝe weoren iborene. Line 1351 Þa eldeste was ihaten Gloigin; Ocidas. Ourar; Ignogen. Line 1352 Guardid; Radan. Guendlian. Angarad. Guenboden; Meðelan. Line 1353 Malure. Ecub. Zangustel. Scadud. Kambreda; Methahel. Line 1354 Gaz. Echem. Nest. Gorgon. Wladus. Ebræn; Blangru. Egron; Line 1355 Bedra. Aballac. Eangnes; Andor. Scadiald. Galoes. Line 1356

Line 1356 Efter þissere Galoes; Wales wes inemned. Line 1357 Galoes wes feirest; of alle þan oðren. Line 1358 leouest þone kinge; of þan sustren & of þon breoð[er]en. Line 1359 & Anoþer wes alre best itowen; hire tuhtlen weren gode; Line 1360 Gloigin hehte þa alre elduste; þeo wes þurh alle þing þa æðeleste. Line 1361 alle heo weoren wel bi-hedda. Line 1362 Þe king of Lumbardie Siluius; he wes heora nexta cunnes-mon. Line 1363 richeliche he nom his sonde; & sende to Ebrauke kinge of þisse londe. Line 1364 He bad hine senden him; alle his dohtren. Line 1365 & he heom wolde ȝeuen; richen his monnen. Line 1366 swiðe riche cnihten; of Troinisce cunne. Line 1367 þa weoren in Lumbardie of heore strund; þah stræmes he((o))m to-dæleden. Line 1368 & þa wifmen of Lumbardie; weoren heom swiðe laðe. Line 1369 for þi þe king sende after þisse maidenen; to ȝeuen his riche monnen. Line 1370 swa he dude & þus hit wes; wa wes Lumbardisce folc þes. Line 1371 Þa hefde þe king Siluius his wille; & Lumbardie he walde. Line 1372 & al his Troinisce cun; tuhten to him-seoluan. Line 1373 Summe þa breo[ð]eren Ebraukes sunen; comen þider mid heora sustren. Line 1374 Heo biȝeten wepnen heo biȝeten scipen; heo biȝeten men þe heom cuðen witen. Line 1375 heo senden ouer al þan ærde; to biȝeten muchele ferde. Line 1376 Þa comen þas cnihtes ut of Brutaine; ferden of Lumbardie to Alamaigne. Line 1377 Assarac þe com ut of þissen eard; his broðren hine cleopeden heora lauerd. Line 1378 Heo færden mid ȝeapscipe & mid wisdome; swa longe þat heo to Alamaine comen. Line 1379 Muchele castles heo bigunnen; heo slowen heo barnden; & þæt lond bi-wunnen. Line 1380 Ebrauc heora fader heold þis lond; sixti winter he wes heore king. Line 1381 He hæfde her his eldeste sune; iholden mid him-seoluan. Line 1382 his nome wes wel wide cuð; he hehte Brutus Uært Escud. Line 1383 Tueolf ȝer he heold þis kine-lond; seoððen his fader hit bilefde. Line 1384 Ænne sune he hefde ihaten Lei[l]; he heold þis kine-lond after him. Line 1385 fulle fif & twenti ȝer; æfter his fader daie Line 1386 He makede ane heȝe burh; feier & hende Line 1387 to imonien Lei[l] þene king; & Kaer Leil heo clepede. Line 1388 In alle þon norð ende; nes nan burh swa hende. Line 1389

Line 1389 Lei[l] þe king heold wel þis lond; & lawen he hafde stronge. Line 1390 ah toward his lifes ende; him ilomp wel luðere. Line 1391 þat alle his riche eorles; & alle his heȝe beornes. Line 1392 makeden muchel unfrið; & for þon kinge heo nolden holden grið. Line 1393 Nefden heo of heore kinge; buten heora scærninge. Line 1394 & euer-ælc wilde mon; hefde al his wil to don. Line 1395 Þa iwerð þe king sec; þurh hefeȝere seorwe. Line 1396 & sone þer-after com þe dai. þat þe king dead lai. Line 1397 Þes king hefde enne sune; þe wes swiðe god mon. Line 1398 he wes swiðe god knit; Ruhhudibras ihaten. Line 1399 Þe cniht nom þæs riche; & þene kinedom æke. Line 1400