Layamon's Brut (British Museum Ms. Cotton Caligula A.IX)

Lines 14801 through 14900

and his iueren he seide lar-spel; and hit likede him ful wel. Line 14801 Þa he isaid hauede; þa sæȝen of ure Drihten. Line 14802 his staf he nom an honde; & wolde to his inne ȝeonge. Line 14803 Up he læc þene staf; þat water þer-after leop. Line 14804 Þe ueȝereste welles stræm; þe irneð on uolden. Line 14805 Ær nes þer na tun; no wunende na man. Line 14806 Sone uolc gadere[de] to Austin þan gode. Line 14807 and al bi his læuen; þider gunnen liðen. Line 14808 and bi-gunnen þer to bulden; bi þan watere þa was hende. Line 14809 Moni mon þer uætte hele; þene stude he cleopede Cernele. Line 14810 cerno cernis; þat is Latin ful i-wis. Line 14811 cerno an Englisc leoden; ich iseo swa hit is iqueðen. Line 14812 el is Ebreowisc; þat is Godd ful iwis. Line 14813

Line 14813 þene tun he c[l]eopede Cernel; ich iseo Drihten iwil-del. Line 14814 to þissere weorlde longe; þe nome þer scal stonde. Line 14815 al-se hit is iqueðen; after Godes leoden. Line 14816 þene stude to iwurðien; þer stod ure Drihten. Line 14817 and his engles mid him; þa he spac wið Austin. Line 14818 Austin wende wide ȝeond Englene londe. Line 14819 he fullehtede kingge; and heore here-dringes. Line 14820 he fullehtede eorles; he fullehtede beornes. Line 14821 he fullehtede Englisce men; he fullehtede Sexisce men; Line 14822 and sette an Godes honde; al þat was on londe. Line 14823 Þa wes he ful bliðe-mod; þat folc he hafde iblissed. Line 14824 Norð in Engle-londe; Bruttes hæfden an honde. Line 14825 muchel del of londe; and castles swiðe stronge. Line 14826 Þa Bruttes nalden; þan Enlisce buȝen. Line 14827 imong heom munekes weoren; muchelere weorede. Line 14828 Seint Austin funde; inne þisse londe. Line 14829 seouen biscopes to iwisse; singende masse. Line 14830 and enne ærchebiscop; þe at Karliun at-sto[d]. Line 14831 and at Bangor wes a munecclif; mid muneken uni-uoȝe. Line 14832 Dionot hæhte heore abbeod; he wes of heȝe monnen. Line 14833 he hæfden on seuen hepen; sixtene hundred muneken. Line 14834 and ȝet ma þer-to; munekes swiðe balde. Line 14835 and of Bruttisce streonen; stiðe imodede men; Line 14836 Writen sende Austin. to þan seouen biscopen; Line 14837 and hehte heom comen sone; and speken wið him-seolue. Line 14838 & don him hersumnesse; and þurh him singen masse. Line 14839 for he hauede an honde; þa hehnesse of þissen londe. Line 14840 he was icleop%ped legat; of þissen londe he wæs primat. Line 14841 & þas þinges weoren idone; þurh þene pape of Rome. Line 14842 Þas biscopes reiȝe weoren; and andswere aȝeuen. Line 14843 Ne beo we na-wit under him; þe is ihaten Austin. Line 14844 ah we beo on londe; heȝe men and stronge. Line 14845 and habbeoð ure irihte; of ure arche-biscpe. Line 14846 þe wuneð inne Karliun; godd clarc and wel idon; Line 14847 þa haueð his cantel-cape on. of Gregorie þan pape; Line 14848 and mid wurð-scipe mucle; haldeð his wike. Line 14849 For no scal hit nauere iwurðen; a þissere worlde-richen. Line 14850 þat we auere buȝen; Austine þan uncuðen. Line 14851

Line 14851 for he is ure fulle ifa; & his iferen al-swa. Line 14852 For Austin is iboȝen hidere; in-to þissen londe. Line 14853 and haueð i-fulleȝed þene king; Cantuaren aðeling. Line 14854 Aðelbert ihaten; heh inne Anglene. Line 14855 and he hafueð ifunden here; hundes heðene. Line 14856 þa comen of Sexlonde; mid Gurmu[n]de þan kinge. Line 14857 þeo he alle fullehteð; and to Gode fuseoð. Line 14858 þeo haldeoð ure kinelond; mid unrihte on heore hond. Line 14859 Cristine we beoð alle; and of Cristine cunne. Line 14860 and ure elderne swa weoren; agan is þreo hundred ȝeren. Line 14861 & heo beoð neowene icumen; and Cristindom habbeoð under-numen. Line 14862 and Austin heom fullehteð; and to Gode fuseoð. Line 14863 For þan we hine hatiȝen uulleð; ((& heren h))[ine nulleð] Line 14864 nauere to ure liue. no scullen we him wurðen liðe. Line 14865 Þæs tiðende come; to Austine sone. Line 14866 hu þe biscopes hine scenden; & wulc andsweore him senden. Line 14867 and hu Bruttisce clerekes; him seiden hokeres. Line 14868 Þa wes he sari-mod; and sorh-ful an heorten. Line 14869 and fuse him gon sone; and ferde to þan kinge. Line 14870 and mænde to [Aðel]berte; þan kinge of Æst-Angle. Line 14871 hu Bruttisce biscopes; hine grætte mid huxes. Line 14872 and hu heo uorhoȝeden; to halden hine for herre. Line 14873 Þe king hine iwraðede; wunder ane sweðe. Line 14874 and saide þat he wolde; aquellen heom a londe. Line 14875 and swe ((he)) dude seoððe; þer-after ful sone. Line 14876 Aðelbert wes inne Kintte; king of þan londe. Line 14877 þa hafde he enne mæi; Æluric wes ihaten. Line 14878 inne Norð-humberlonde; fur-cuðest alre kinge. Line 14879 he radde al þa redes; þat dede weoren þa biscopes. Line 14880 þat heo weoren alle of-slaȝen; and i-don of lif-daȝen. Line 14881 Nu nuste noht Bruttes þere; þat balu heom wes ȝiueðe. Line 14882 Aðelbert sende sonde; wide ȝeond his londe. Line 14883 Æluric sende so[n]de; ȝeond Norh-humberlonde. Line 14884 heo somneden uerde; mucle on arde. Line 14885 & wolden þa Bruttes al for-don; þa clærkes fordemen. Line 14886 heo uoren to Leir-chæstre; and þa burh bileien uaste. Line 14887

Line 14887 heo wusten þer-inne Brochinal þat wæs a Bruttisc eorl. Line 14888 cniht mid þan bezsten; wunede inne Leir-chastre. Line 14889 Bruch((i))[n]al ut wende; and ȝarewede his ferde. Line 14890 and wende him ut to uihtes; wi[ð] Aðelbertes cnihtes. Line 14891 and sone wes him ouer-cumen; and alle his Bruttes weoren inumen. Line 14892 & swa heo gunnen þrasten; into Leirchæstren. Line 14893 sloȝen & nomen al þat heo neh comen. Line 14894 and seiden þat heo wolden; in-to Wales wenden; Line 14895 & slæn al þa Bruttes; þa þer weoren bihalues. Line 14896 Æluric luuede murie; inne Leir-chastre. Line 14897 Vnder þan ilke þinge; comen to Æluric þan kinge. Line 14898 munekes and eremite; & canunes white. Line 14899 biscopes and clærckes; and preostes mid Godes mærkes. Line 14900