Layamon's Brut (British Museum Ms. Cotton Caligula A.IX)

Lines 14701 through 14800

þa isah he leden; of Englisce leoden. Line 14701 þreo swiðe fæire men; faste ibunden. Line 14702

Line 14702 heo scolden beon iseolde; and þa paneȝes. weoren i-talde. Line 14703 Þa fræinede þa pape an-an; of feiȝere þan monnen. Line 14704 whonnene heo weoren; & hu heo þare comen. Line 14705 and of wulche stronde; heo istroned weoren. Line 14706 Þæ andswarede þe an; þat wes a swiðe fair mon. Line 14707 We beoð heðe((ne)) men; & hider beoð iladde. Line 14708 and we weoren ut isalde; of Anglene londe. Line 14709 and fulluht we to ((þe)) ȝeorneð. ȝef þu us wult ifreoiȝen. Line 14710 Þa[t] seiden men Anglisce; aðele iborene. Line 14711 Þa reousede Gregori; Godd hine luuede. Line 14712 and þas andsware saide; þe pape wes isele. Line 14713 Iwis ȝe beo[ð] Ænglisce. englen ilicchest. Line 14714 of alle þan folke; þa wunieð uppen uolde. Line 14715 eouwer cun is feȝerest of alle quike monnen. Line 14716 Þe pape heom freinede; of feole tidinde. Line 14717 of laȝen and of londen. and of þissere leodene kinge; Line 14718 and heo him al seiden; soð þat heo wusten. Line 14719 and he heom ureoiȝen lette; and fulluht on sette. Line 14720 and charde aȝein sone; eft into Rome. Line 14721 Anne cardinal cleopede; i-coren of his uolke. Line 14722 Austin wes ihotæn; aðelest clærken. Line 14723 þe pape him seide; in his som-rune. Line 14724 Austin þu scalt wende; mid soð-fæste þonke. Line 14725 in-to Engle-londe; to Æðelberte kinge. Line 14726 & beode þer Godes godd-spel; þe scal spede ful wel. Line 14727 And ich þe feouwerti bi-tæche wel gode clærkes. Line 14728 Nu to-marȝen bið þe dæi; þa þu scalt do þe i þene wæi. Line 14729 Forð ferde Austin; and his clærkes mid him. Line 14730 þat him wes ful iwil; at Tanette he com hider in. Line 14731 & swa he up is iwend; þat he com into Kent. Line 14732 Swa he uorð to Cantuare-buri; þer him þuhte swiðe muri. Line 14733 þer he funde Aðelbert þat king wes a þan ærd. Line 14734 Aðelberde he talde tidende; of þan heoueneliche kinge. Line 14735 he seide him þat godd-spel; and þe king him luste swiðe wel. Line 14736 wel he þat lar-spel unde((r))-nom an-eouste he ȝirnde Cristindom, Line 14737 Iuulȝed iwar[ð] A[ð]elberd king; and al his duȝeðe mid him, Line 14738

Line 14738 and anan he gon to wurche; ane swiðe feire chirche. Line 14739 a seinte ((Trinet))ðes nome; wel wes þan kinge þeruore. Line 14740 Þa iwende seint Austin vorð; æst and west and suð and norð. Line 14741 and seoððe þurh-ut Englelond. & turnde hit to Godes hond. Line 14742 clærkes he lerde; chirreches he arerde. Line 14743 seoke men he helde; þur Halindes mihte. Line 14744 And swa he droh suð-ward; þat he com to Dorchestre. Line 14745 þer he funde þa wurste men; þa on londe wuneden. Line 14746 he talde heom Godes leore; and duden him to scare. Line 14747 he tahten heom Cristindom; ((and heo grenneden him hon)) Line 14748 Þer stod seint Austin. and his clærkes mid him. Line 14749 and speken of Crist Godes sune; al swa wes ær heore iwune. Line 14750 þer heo iwurðen to; to wraðere hele. Line 14751 and nomen tailes of rehȝen; Line 14752 and hangede on his cape; an elchere halue; Line 14753 and bi-halues urnen. and wurpen hine mid banen; Line 14754 and seoððe ȝeiden him on. mid ȝeomerliche stanen. Line 14755 & swa heo hine gunnen sende; an driuen hine ut of þan ende. Line 14756 Seint Austin heo weoren lað; and he iwrað swiðe wrað. Line 14757 and he fif milen iwende; from Dorchestre. Line 14758 and com to ane munte. þe muchel wes & hende. Line 14759 þer he lai on cneowe ibede; and cleopede auere touward Gode. Line 14760 þat he hine awreke; a þan a-warriede uolke. Line 14761 þa hine isend hafden; mid heore scaðe deden. Line 14762 Vre Drihte hine iherde; in-to þere heoue((ne)). Line 14763 and his wreche sende; an wræstliche þan folke. Line 14764 þa þe rihȝen tailes; hangede a þan clarkes. Line 14765 Þa tailes heom comen on. þer-uoren heo maȝen iteled beon. Line 14766 Iscend wes þat mon-cun. mug%gles heo hafden. Line 14767 and inne hirede ælches; men cleopeð heom muglinges. Line 14768 and euer-elc freo mon; ful telleð heom on. Line 14769 & Englisce freomen; in uncuðe londen. Line 14770 for þan ilke dede; heo habbeoð neb rede. Line 14771 and monies godes monnes sune; in vncuðe londe. Line 14772 þe nauere ne com þer neh. is icleoped cued Line 14773 Austin him wunede; vnder ane munede. Line 14774 and his clarkes mid him eke. þeo comen of Rome; Line 14775

Line 14775 cleopede to Drihtene; þe scop daȝes lihte. Line 14776 særimod and sorhfulle; heom sceomeden wel sære. Line 14777 þat þat vni-wraste moncun; heom iscend hafden. Line 14778 Þa wolde he þer-after sone. wenden to Rome. Line 14779 and menen to Gregorie; þan holi appostolie. Line 14780 hu Dorchestre-seten; hine gunnen greten. Line 14781 Al swa he wes al ȝa[r]eou; & wolde his wei uaren. Line 14782 a þere ilke nihte; þa at-eoden him ure Drihte. Line 14783 and nemnede him his. rihte nome; welle uain wes he þer-uore. Line 14784 Whæt þenchest þu Austin; what þenchest þu leof min. Line 14785 Woldest þu þus sone; faren aȝein to Rome. Line 14786 No scalt þu noht ȝete; fusen of londe. Line 14787 þu ært swiðe leof me; and ich wulle wunien mid þe. Line 14788 and þu scalt iræd-liche; in-to hefne-riche. Line 14789 heofne is þe al ȝaru; þider scal þi saulen uaren. Line 14790 Þus spac ure Drihten; wið Austin his cnihten. Line 14791 Þa þe Austin under-ȝæt. whæt ure Drihten hæden isæid. Line 14792 and he isah ure Drihte; þe þus him bihehte. Line 14793 and ure Drihten waht to heofene; and Austin a cneowe heolde. Line 14794 adun to þere uolde; þer he iseh ure Drihten stonde. Line 14795 weopende he cleopede; to heuenliche kinge. Line 14796 ȝeorne he bad are; to þan almihtie Gode. Line 14797 ær he mid alle ueolle; adun to þere uolde. Line 14798 A þan ilke stude; þer stod ure Drihten. Line 14799 þer he pihte his stæf; him-seolf he cneoulede þer neh. Line 14800