Layamon's Brut (British Museum Ms. Cotton Caligula A.IX)

Lines 14601 through 14700

þer biforen he gon ȝeoten; draf and chaf and aten. Line 14601

Line 14601 Þus he hit gon dihten. and sparewen þerto liht. Line 14602 and he a þan uorme drahte; sw((iðe)) monie he ilahte. Line 14603 and he from þan grunde; nom heom mid isunde. Line 14604 þat alle heore whingen; noht awemmed neoren. Line 14605 Þa bi-sohte he nute-scalen; and lette þe curneles ut draȝen. Line 14606 & tinder nom and lette i þan scalen don. Line 14607 & foren to þære nihte; fur þer-on brohte. Line 14608 and to þan sparewen uoten; uaste heom icnutten. Line 14609 Þeos he lette forð wenden swiðe ueole sparewen. Line 14610 þa sparwen heore flut nomen; & fluȝen to heore innen. Line 14611 ȝeond þare burȝen; þær heo ar wuneȝende weoren; Line 14612 i þan ((e))ouesen he grupen. swa heo duden in þen muȝen. Line 14613 Anan swa þet fur wes hat; swa þe sparewe innere crap. Line 14614 þe wind com mid þere nihte; and þat fur awehte. Line 14615 and þa burh a feole studen; gon hure to bernen. Line 14616 an æst halue an west halue; wa wes Brutten þere. Line 14617 þenne heo wenden beon sikere; and fluȝen in ane ende. Line 14618 þenne aras þat fur anan; bi-uoren and bi-hinden. Line 14619 Gurmund lette blawen; hornes & bemen. Line 14620 fiften þusende; þarsten to blase. Line 14621 Bruttes for-burnen; Bruttes gunnen irnen. Line 14622 heo leopen ut of walle; and me heom sloh alle. Line 14623 Nes hit nohwhar iseid; no a bocken irad. Line 14624 þat æi folc swa feire; swa for-fare ((weore)) Line 14625 swa wes Caric and his genge. þe king wes of Bruttene. Line 14626 Þa burh born alle niht; þe brune wes vnimete. Line 14627 þat feht wes sone idon; þat fur heom eoden ouenon. Line 14628 And Carrich king him isah; þat he ouercume wæs. Line 14629 þe king him gon crepen; an heonden and a futen Line 14630 swulc he mid un-sunde; al uor-wunded weore. Line 14631 and swa he swiðe stille; bistal from his duȝeðe. Line 14632 and west him gon wenden; into þe Walsce londen. Line 14633 & þas waiȝes he wende; ut of þisse londe. Line 14634 and nuste nauere na man; whar Karic him bicom. Line 14635 buten ænes an ane tide; an cniht þer com ride. Line 14636 & seide Gurmunde; of Kariche tidende. Line 14637 þat he in Irlonde; somnede genge. Line 14638 and wolde mid fehte; æft faren hidere. Line 14639 Ah nuste nauere na man; to whan þe þret him bi-com. Line 14640 And þus wes Chirenchestre; and his londes aweste. Line 14641 and Gurmund ihouen to kinge; of al þisse kine-londe. Line 14642 for þenne þe burh wes biwunnen; mid swulc%ches cunnes ginnen. Line 14643 [mi]d sparewen þat beren þat fur; & sparewen heo forba((r))nden; Line 14644 And feole wintere seoððen; þat folc þa þer wunede. Line 14645 cleopeden heo Sparewenchestre; in heore leod-spellen. Line 14646 and ȝet hit dude summe men; to imuȝen þe alde deden. Line 14647 And þus wes þa riche burh; mid reouðen for-demed. Line 14648 and Gurmund wes on londe; iheouen her to kinge. Line 14649 and Gurmund wes an heðene mon; and for-dude þane Cristindom. Line 14650 Þa þis wes al þus ifare; þæ wes her sorȝe and muchel care. Line 14651 Gurmund falde þa munstres; and an-heng alle þa munkes. Line 14652 of cnihten he carf þe lippes; of madenen þa tittes. Line 14653 preostes he blende; al þis folc he scende. Line 14654 ælcne bilefued mon; he lette bi-limien. Line 14655 and þus he gon to taken on; and fordude al þisne Cristindom. Line 14656 And seoððen he uor to Lu[n]dene; to ane muchele hustinge. Line 14657 þider gunnen siȝe; alle Sex-leode. Line 14658 þa wuneden i þissen londe; mid Gurmu[n]de kinge. Line 14659 and his men bicome; mo[n]ie and vniuoȝe. Line 14660 heom heold for-ward; and aȝef heom sone al þis ærd. Line 14661 of him to heoldenne; and habben hine for kinge. Line 14662 And þe king hehte; al þa[t] hine lufede. Line 14663 þat whar-swa heo mihten finde; Bruttes i þissen londe. Line 14664 þat h((i))ne anan sloȝen; oðer mid horsen to-droȝen. Line 14665 buten he libben wolden; his lif in þral-dome. Line 14666 and for-saken Godes mæsse; and luuien hæ[ð]enesse. Line 14667 þenne moste he libben. þeou a þisse londe. Line 14668 Bisiden Allemaine; is a lond; Angles ihaten. Line 14669

Line 14669 þer weoren iborne; þa ilke þe weorn icorne. Line 14670 þa Gurmund an hond; bitahte al þis kinelond. Line 14671 alse he heom a forward hædde; ȝif he hit biwunne. Line 14672 Al his biheste; he heom bilaste. Line 14673 Of Englen heo comen; and þer-of heo nomen nomen. Line 14674 and letten heom cleopien ful iwis; þat folc þat wes Ænglis. Line 14675 & þis lond heo cleopeden Ængle-lond; for hit wes al on heore honde. Line 14676 Seo[ð]ðe ærest Bruttes; bæhȝen to þissen londe; Line 14677 Brutaine hit wes ihaten; of Brutten nom taken. Line 14678 a þat þis folc com; þa þisne nome. him bino[m]. Line 14679 And moniee of þan burȝen; and monie of þan tunen. Line 14680 and monie of þan londen. and of þan h((a))men; Line 14681 heo binomen heore namen; al for Bruttene sceome Line 14682 and nomen al þis lond; and setten hit al an heore hond. Line 14683 for Gurmund hit heom al ȝette; & him-seolf aȝein wende. Line 14684 Þa comen heo to Lundene; to þan muchele hustinge. Line 14685 and wolden ane king. makien; to þissere kineriche. Line 14686 Þa ne mihtte heom iwurðe. wha þis lond scolde aȝen Line 14687 and to-wende mid alle; a muchelere wraððe. Line 14688 and fif kinges a-neouste. heo makeden in þisse londe. Line 14689 And ælc nom of oðere; al þat heo mihten. Line 14690 ane while un-some; and an oðere while isahte. Line 14691 and þus heo wuneden here. an hundred and fif ȝere. Line 14692 þat neuere com here Cristindom; icud i þissen londe. Line 14693 no belle i-rungen; no masse isunge. Line 14694 na ch[i]rche þer nes ihaleȝed. no child þer nes ifuleȝed Line 14695 Þa wes inne Rome; a pape of Godes dome Line 14696 Gregori wes ihate. Godd seolf hine lufede; Line 14697 Þa wes hit in ane stunden; þat þe pape wolde wenden. Line 14698 þat he wol((de)) [speden] an ane of his neoden. Line 14699 Þa com he in are strete; þat strahte to Rome. Line 14700