Layamon's Brut (British Museum Ms. Cotton Caligula A.IX)

Lines 14501 through 14600

& we wulleð þine men bi-cumen; to ȝislen sullen þe ure sunen. Line 14501 And ȝif hit þi wille weore; þat þu hider woldest wende. Line 14502 þas forwarde makien; and þas spechen uæstnien. Line 14503 we wulleð ouer-al. atlien to þe seluen. Line 14504 a watere and a londe; halden þe uor kinge. Line 14505 Þa bi-gon to spekene; Gurmund þe kene. Line 14506 Ȝarkieð mine scipen biliue; forð ic wulle liðe. Line 14507 Seiles heo up droȝen; forð heo gunnen siȝen. Line 14508 luken rapes longe. liðen forð mid uðen. Line 14509 and swa heo gunnen wenden; to Norð-humbre-londe. Line 14510 and speken wið Sexisce men; and sæhte i-wurðen. Line 14511 and sworen þat heo wolden; heore forward halden. Line 14512 Þa weoren heo al an; Gurmund and Sexesce men. Line 14513 þa somneden heo uerde; vnimete an ærde. Line 14514 & ferde touward Karriche; þan kinge of þissere riche. Line 14515 and æuere heo sungen mid hokere; of Kinriche þan kinge. Line 14516 Caric his Bruttes gadere[de]; and beide heom to-somne. Line 14517 and him to wende; al þat was on londe. Line 14518 for rihtere neode nusten heo red betere. Line 14519 Caric muchel folc hafde; and ferde vnimete. Line 14520 & ofte he com to compe; to Gurmu[n]de kinge. Line 14521 and ofte he him faht wið; and neuere no ȝirde his grið. Line 14522 and for heo hokerede him on; he i-warð swiðe kene mon. Line 14523 & ȝif he hafde genge; efne wið Gurmunde. Line 14524 Gurmund weore sone islaȝen; his folc idon of lif-daȝen. Line 14525 Ah æuere a þan ende; wæx Gurmundes genge. Line 14526 and æuere a þan ende; feol Carriches genge. Line 14527 Gurmund draf Carriche wide ȝeond þas riche. Line 14528

Line 14528 and Carric at Cherinchestre; biclusde hi[ne] ful faste. Line 14529 and moni dæi þer biuoren; he lette þider fusen. Line 14530 al þat he hafde ihalden; þat corn of þissen londe. Line 14531 and þa walles fastnede; wunder ane stronge. Line 14532 Gurmund þet i-herde. and þider he gon ride. Line 14533 and bi-læi Chirenchestre; wið-utene swiðe faste. Line 14534 And Gurmund al þis kinelond; walde to his aȝere hond. Line 14535 burȝes he for-barnde; tunes he for-swelde. Line 14536 Bruttes he aqualde; balu wes on londe. Line 14537 munekes he for-pinede on mani are wise. Line 14538 þa riche wif he lette his hired-men; makien to horen. Line 14539 preostes he alle of-slæh; alle þa chirchen he to-droh. Line 14540 clærkes he aqualde; alle þa he funde. Line 14541 [e]che [child] he lette seoðe; . . . . Line 14542 alle þa cnihtes. he lette hon forð-rihtes. Line 14543 al þis lond for-ferde; a ueole cunne wise. Line 14544 Wulc wræcche folc swa mihte; fleh ut of þeode. Line 14545 su[m] to Wales wende; sum to Cornwale. Line 14546 sum in-to Neustrie; þe hatte nu Normandie. Line 14547 sum fleh bi-ȝeonden sæ; in-to Bruttaine. Line 14548 and gunnen wunien seoððe; æn þet lond heht Armoriche. Line 14549 & summe heo fluȝen to Irlonde; for þan æie of Gurmunde. Line 14550 and þer wuneden þeouwe; inne þral-dome. Line 14551 heo and al heore cun; and her ne come nauere aȝen. Line 14552 And þus losede Bruttes; al þas kine-londes. Line 14553 And Gurmund bilæi Chirenchestre; abuten swiðe uaste. Line 14554 and Caric wes wið-innen; and moni of his monnen. Line 14555 wa wæs þan leoden; þe þa weoren on liuen. Line 14556 Hit was in ane dæie; þat Gurmund mid his duȝeðe. Line 14557 dringes heðene; riden a slatinge. Line 14558 Þa com þer an gume riden; to Gurmunde kingen. Line 14559 he wes ihaten Isemberd; inne France wes his ærd. Line 14560 he wes Louweises sune; þas kinges of þere þeode. Line 14561 his fader hine hafuede ut idriuen. of al his kinerichen. Line 14562 þat no moste he neouwar wunie; on al his onwalde. Line 14563 and he fleh to þissen londe; to Gurmu[n]de kinge. Line 14564 he hafde to iueren; twa þusend rideren. Line 14565 and Gurmund%des mon he bicom; ne mihte he na wurse don. Line 14566 for Crist seolue he for-soc; and to þan Wursen he tohc. Line 14567 and þer for[let]e he Cristindom; and heðe-scipe nom him on. Line 14568 And swa heo uoren beien; mid mucle heore uerde. Line 14569 and bi-leien Chirenchestre; an elche halue wel faste. Line 14570 Wel ofte Kariches men; comen ut of burhȝen. Line 14571 and ræsden an Gurmunde; mid ræȝere strenðe. Line 14572 and sloȝen of his folke; feole þusende. Line 14573 & senden heom to helle; heðene hundes alle; Line 14574 Karic wes swiðe goud cniht; and swiðe wel he heold his fiht. Line 14575 and faste he heold Chirchestre; mid strengðe þan mæste. Line 14576 þat ne mihte Gurmund; næuere mæren his ferde. Line 14577 ar he lette heom mid ginnen; biswiken wið-innen. Line 14578 Gurmund castles makede; abuten Chirenchestre. Line 14579 þreo he bitahte; þreom heðene cnihte. Line 14580 him-seoluen he heol[d] þat ane. Isembard þat oðer; Line 14581 Gurmund makede ænne tur; þer-inne he bulde ænne bur. Line 14582 þer-inne he pleoȝede his plaȝen; þa me luuede a þeon daȝen. Line 14583 þer-inne he hafde his maumet; þa he heold for his god. Line 14584 Hit i-lomp on ane dæiȝe; þat Gurmund mid his duȝeðe. Line 14585 weoren swiðe bliðe; and drunc%ken of wine; Line 14586 Þa com þer an heðene mon; a-waried wurðen he forþan. Line 14587 and askede tidende; Gurmunde þe kinge. Line 14588 Seie me lauerd Gurmund; þu art swiðe riche king. Line 14589 heou longe wult þu beoȝie; abuten þissere burȝe. Line 14590 what wult þu ȝiuen me; ȝif ich þe burh ȝiuen þe. Line 14591 and al þat is wið-inne; to don þine iwille. Line 14592 þat noht no bið to leue; al þu hit slat aȝe. Line 14593 Þa andswa((re))de Gurmund; þe riche heðene king. Line 14594 Ich ȝiue þe ane eorl-dom; auere to aȝe. Line 14595 wið þat þu a-neoste; þe burh me bi-tache. Line 14596 Þis for-ward wes imaked anan; lut men hit wuste; Line 14597 Þa þes heðene cniht; up aras forð-rit. Line 14598 & nettes bi-sohte; ibroiden swiðe narewe. Line 14599 and þa tolen þer-to; and cuht heom swiðe narewe. Line 14600