Layamon's Brut (British Museum Ms. Cotton Caligula A.IX)

Lines 14401 through 14500

Þa com an of his cunne; Carric wes ihaten. Line 14401 and nom þisne kine-dom. and mid seorȝen wunede þer-on. Line 14402 snel cniht wes Carric; ah he nes noht iseli. Line 14403 þat wes for un-leoden; spilden al his þeoden. Line 14404 Þeos king wes aðel Bruttisc mon; hux and hoker me warp him on. Line 14405 he for-lætte Carriches; & Kinric hine cleopede. Line 14406 and ȝet on feole bocken; his nome me swa writeð. Line 14407 Folc hine gunnen hænen; folc hine gunne hatien. Line 14408 and hoker loð sungen; bi laðen þan kingen. Line 14409 Þa bigon weorre; ouer al þissen arde. Line 14410 and Sexisce men sone. seileden to londe. Line 14411 and herberȝe token a-neouweste; bi-ȝeonde þere Humbre. Line 14412 and þe king wæilien agon; wide ȝeon þas þeoden. Line 14413 læð he wes al folke; þa him on lokede. Line 14414

Line 14414 Þa wes in Aufrike a king swiðe riche. Line 14415 he wes an Aufrican; Anster ihaten. Line 14416 he hafde sonen tweien; snelle cnihtes beien. Line 14417 Gurmund hehte þe eldere; & Gerion hehte þe ȝeongere. Line 14418 Þe alde king deȝede; his daȝes weoren aȝeongen. Line 14419 he bitahte his sune Gurmunde; selen his riche. Line 14420 Ah Gurmund hit for-hoȝede; and habbe he heo nolde. Line 14421 and þohte al oðer; and ȝef heo his bro[ð]er. Line 14422 and seiden þat he nolde; aȝen nane riche. Line 14423 bute he heo biwunne; mid wepnen and mid monnen. Line 14424 ah mid compe he wolde; aȝen kineriche. Line 14425 oðer nauermare; nolde he habbe nane. Line 14426 Gurmund was kempe; i-costned on mæine. Line 14427 and he wes þe strongeste mon; þæ æi mon lokede on. Line 14428 He bi-gon to sende; ȝeond al þan londe. Line 14429 in-to Babilonie; in-to Macedonie. Line 14430 in Turkie. in-to Persie. Line 14431 in-to Nubie. in-to Arrabie. Line 14432 & bad alle þe ȝeonglinges; ȝeond þa hæðene londes. Line 14433 þat heo heom biȝeten; wurðliche wepnen. Line 14434 and he heom forð-rihtes; wolden makien cnihtes. Line 14435 and seo[ð]ðen mid heom wenden; and fonden whar he mihten. Line 14436 mid strongen kempen; biwinnen kineriche. Line 14437 Hit halde touward Aufrike of ((feole)) kuneriche. Line 14438 monies riches monnes sune; monie haðene gume. Line 14439 comen to Gurmunde; þan hæðene þringe. Line 14440 Þa þis ferde wes isomned; and his folc arimed. Line 14441 þa weoren þer italde; cnihtes swiðe balde. Line 14442 an hundred and sixti þusend; f((r))eoliche iwapned. Line 14443 wið-uten heore scutten; þa biuoren scolden scuuen. Line 14444 wið-uten þan craftmonnen; þe comen to Gurmunde. Line 14445 Forð heo iuusden; vnimete uerden. Line 14446 to þare se wenden; þa heo wind hafden. Line 14447 in-to scipe halden; haðene kempen. Line 14448 Seouentene þer foren; þat kinges sunen weoren. Line 14449 þer weoren twenti and æhten; of eorlene streone. Line 14450

Line 14450 suipten from londe; seouen hundred scipene. Line 14451 a formeste flocke; wið-uten þa feoliende. Line 14452 Forð flet mid vðe; folc vnimete. Line 14453 þa æit-londes allen; þa heo biforen funden. Line 14454 alle heo eoden an honde; þan kinge Gurmunde. Line 14455 moniane kinge he faht wið; and alle heo ȝirnden his grið. Line 14456 & alle þe londes he biwon; þat he lokede on. Line 14457 And þa a þan ende; he com to Irlonde. Line 14458 and þat lond he al biwon; and aqualden þa leoden. Line 14459 and wes icleoped king þere; of þan kine-londe. Line 14460 & seo[ð]ðen he gon wende; in-to þissen londe. Line 14461 seil heo droȝen to hune; and comen to Suð-hamtune. Line 14462 Þa wunede bi-ȝeonde þere Hunbre; of Hengestes cunne. Line 14463 in þan norð ende; drenches sume sixe. Line 14464 heo iherden tiðinde; of Gurmund þan kinge. Line 14465 ofte heo heom biþohte; what heo don mihten. Line 14466 hu heo mihten biswik[e]n; Karic of his richen. Line 14467 and Bruttes alle aquellen; mid luðeren heore craften. Line 14468 Sexisce men senden sonde; to Karic þan king. Line 14469 and seiden þat heo wolden; wið hine grið i-wurchen; Line 14470 leofere heom weore; to here Karic Line 14471 þene Gurmunde. þan vncuðe kinge; Line 14472 ȝef he heom wolde gri[ð]ien; þat heo mosten liuien. Line 14473 & aȝeuen heom þat lond; þat while Uortigerne þe king; Line 14474 Hengeste bitahte. þa he nom his dohter leoue; Line 14475 and heo him wolden senden; gauel of þan londe. Line 14476 halden hine for hehne king; Karic heore deorling. Line 14477 & þis heo him to-ȝeornden; mid ȝislen to isoðien. Line 14478 And Karic heom ilefde; al heore leosinge. Line 14479 and þis grið ȝette; and dai heom sette. Line 14480 Þa wes Karic biswiken; al mid heore craften. Line 14481 Karic auer seoðen; Kine-ric he hehten. Line 14482 al mid hoker-worden; þe king heo for-husten Line 14483 Karic ileouede to soðe; Sexisce monne lare. Line 14484 Vnder þan worden; heo letten writ makien. Line 14485 & senden heore sonden; to Gurmunt þen kinge. Line 14486

Line 14486 and þus þa word seiden; þa a þan writ stoden; Line 14487 Hail seo þu Gurgmund; hal seo þu heðene king. Line 14488 heil seo þi duȝeðe; hail þine drihtliche men. Line 14489 We sunden men Sexisce; selest of þan kunne. Line 14490 þa Hengest of Sex-londe; hider mid him brohte. Line 14491 wunieð inne Brutaine; bi norðe þere Humbre. Line 14492 þu art heðene king; we heðene kempen. Line 14493 Karic is Cristine mon; he is us lað forðan. Line 14494 and ȝif þu wult al þis lond; nimen to þire aȝere hond. Line 14495 we wulleð mid þe uehten; mid f((u))llere strenðen. Line 14496 and Caric of-slæn and alle his cnihtes flan; Line 14497 & setten al þis kine-lond; a þire aȝere ((hond)). Line 14498 ȝif þu hit wult us a-ȝiuen; we þe wulleð ȝelden. Line 14499 sixti hundred punden; to alches ȝeres firsten. Line 14500