Layamon's Brut (British Museum Ms. Cotton Caligula A.IX)

Lines 14301 through 14400

Nu hæfuede Modred sunen tweie. an main((e)) swiðe stronge. Line 14301 hei iseȝen hu hit ferde here; of Ar[ð]ure þan kaisere. Line 14302 and hu heore fader wes of-slaȝe; & i-don of lif-daȝen. Line 14303 & hu Bruttes to-dreued weoren; mid feole cunne bursten. Line 14304 Þa ilke tweie broðeren; speken heom bi-tweohnen. Line 14305 and somneden þa cnihtes alle; selest þa heom þuhte. Line 14306 þa weoren wide to-flo((ȝen ut)) of þan wiðer-uehte. Line 14307 and somneden uerde; wide ȝeond þan arde. Line 14308

Line 14308 and þuhten to slan Costantin; and al his lond binimen him. Line 14309 Þat iherde sugge Costantin; þe king wes a-bolȝen; Line 14310 and sende his sonde; wide ȝeond his londe. Line 14311 and hirede hehte cume; þan kingge to helpe. Line 14312 Siȝen toward hirede; ȝeonglinges snelle. Line 14313 þritti þusend anan; somned comen þrasten. Line 14314 and þe king forð-rihtes; makeden hom cnihtes. Line 14315 Þa oðere cnihtes þer comen; þa at þan fehte ar weoren. Line 14316 þa hafde he to-somne; sixti þusende. Line 14317 Þat iherde bodien; beien Mod%dredes sunen. Line 14318 and nomen heom to rade; and to som-rune. Line 14319 þat þe an liðen wolde; in-to Lundene. Line 14320 and þe o[ð]er liðen wolde; in-to Winchastre. Line 14321 and þer heo wolden abiden; þat þe king comen riden. Line 14322 and wolden wið him fehten; mid allen heore mehten. Line 14323 A[h] þæ hit com to neode; oðer weis hit eode. Line 14324 Costantin gon liðe; touward Lundenne. Line 14325 Þat iherden bodien; þeo þa burh biwusten. Line 14326 hælden to-somne; to heore hustinge. Line 14327 heo nomen heom to rade; and to som-rune. Line 14328 þat heo wolden halden alle; mid Costantin þan kinge. Line 14329 and for-saken Modredes sune; þæ þat morð wrohte; Line 14330 Modredes sune flah; and in-to ane munestere teh. Line 14331 And Constantin him after wende. and þer hine icæhte; Line 14332 þe king mid his sweorde; þat hefd him of-swipte. Line 14333 And þus þe king wordede; wræð on his þonke; Line 14334 Liȝe þer þu laðe mon; leof þu beo þan Sucke. Line 14335 slæð heom aneouste; al þat ȝe findeð þere. Line 14336 mine wiðer-i-winnen; weorpeð heom to grunden. Line 14337 Þis slaht wes sone idon; for moni mon þer wenden to. Line 14338 Seoðen lette Costantin þe king wes on londe; Line 14339 blawen his bemen; and bonnien his ferden. Line 14340 and wende riht þene wai; þe touward Winchæstre lai. Line 14341 and forð ladde mid him; þa Bruttes of Lundene. Line 14342 and to Winchæstre comen; and a-neouste binnen wenden. Line 14343 Þat isæh Meleou; þe wes Modredes sone. Line 14344

Line 14344 and from his iueren cherde; and fleh to are chirche. Line 14345 and forð-riht anan wende; forn to ane wefde. Line 14346 Costantin braid ut his sweorde; & þat hafde him of-swipte. Line 14347 þat seint Anfibales weofd; iwrað þer-of a blode. Line 14348 and seoðen he lette slen; alle Melaeoues men; Line 14349 Þeo wes Costantin king here; of þessere kine-riche. Line 14350 þa bigunnen blissen; in Brutene to wunien. Line 14351 her wæs grið her wes frið; and freoȝ laȝen mid folke. Line 14352 and ful wel heo[l]den þa ilke laȝen; þat stoden on Arðures daȝen. Line 14353 Ah þat ilke i-laste; to lutele while. Line 14354 for no ilast he buten feouwer ȝer; his feond hine aqualde. Line 14355 and his folc hine uerede; in-to Stan-henge. Line 14356 and þer hine leide; bi leofen his aldren. Line 14357 Seoððen wes Conan; ihouen her to kinge. Line 14358 þat wes þe for-cuðeste mon; þet sunne here scean on. Line 14359 Costantines suster sune; his æm he biswac to deðe. Line 14360 for he hefde rihte; to þissere kine-riche. Line 14361 Conan mid attere; his æmes sune aqualde; Line 14362 He bigon un-frið. ((is men)) him fuhten wið. Line 14363 and he gon sechien; to his twam susteren. Line 14364 alc burh i þan londe; ferde al to sconde. Line 14365 astured wes al þas þeode; strong-liche swiðe. Line 14366 Six ȝere ilaste; þas særinesse on londe. Line 14367 þa veol þe king of horse; and fæi-sið makede. Line 14368 wel wes al þis folke; for his fæie-siðe. Line 14369 Þa þis wes al ido þus; þa i-warð king Uortiporus. Line 14370 Þeo comen Sexisce men; seilen to londe. Line 14371 and m((u))chelne harm wrohten; biȝeonde þere Hunbren. Line 14372 sloȝen & nomen; al þat heo neh comen. Line 14373 And Uortiporus þe hen((de)) sende after genge. Line 14374 and ferede heom ouenon; and feolde Sexisce men. Line 14375 and monie þusend sente; to þare se-grunde. Line 14376 and þus he heom a-ferde; and flemde of londe. Line 14377 þat næuer seo[ð]ðen bi his daȝen; ne lusten heom hider uaren. Line 14378

Line 14378 His daȝes ilaste seuen ȝere; and seoððen he deiȝede Line 14379 And seo[ð]ðen nom þas riche; Malgus þe reȝe. Line 14380 þat was þe faireste mon; wið-uten Adam & Absolon. Line 14381 swa alse þe boc us suggeð; þa æuere iboren weore. Line 14382 Þes lette his hired dihte; al wið o[h]te cnihten. Line 14383 þuhten alle þes sweines; swulche heo weoren þeines. Line 14384 haueden alle his hired-cnafe; ælches godes sweines laȝe. Line 14385 Ne durste nauere nan vn-hende mon; þas kinges hus isechen. Line 14386 He biwun þa londes alle; þa stoden him an honde. Line 14387 Þa wes al þas Bruttene; afeolled mid blisse. Line 14388 þa bleden uorð comen; ȝeond al þis kine-domen. Line 14389 Þe king ne rohte of æhte; ah al he hit ȝaf his cnihten. Line 14390 no mihte no mon sugge; of wundere na-mare. Line 14391 þene wes mid þan kinge; bu((ten)) of ane þinge. Line 14392 He luuede þane sunne; þe lað ((is)) ure Drihtene. Line 14393 þa wifmen heo for-soken; to mare sunne heo token. Line 14394 wapmon luuede wapmon; wifmen heom laðe weoren. Line 14395 swa þat monie þusende; wenden of þissen lond. Line 14396 wifmen swiðe feire; ferden to oðere þeoden; Line 14397 for muc%chel scome heo[m] þuhte; þat wepmen heom ne rohte. Line 14398 Þurh-ut alle cunnes þinge; þis ilke wes a god kinge. Line 14399 buten of þere sunne; þat ich iseid habbe. Line 14400