Layamon's Brut (British Museum Ms. Cotton Caligula A.IX)

Lines 14201 through 14300

Þa wes hit itimed þere; þat Merlin seide while. Line 14201

Line 14201 Ærm wurðest þu Winchæstre; þæ eorðe þe scal forswalȝe. Line 14202 swa Merlin sæide; þe witeȝe wes mære. Line 14203 Þa quene læi inne Eouwerwic; næs heo næuere swa sarlic. Line 14204 þat wes Wenhauer þa quene; særȝest wimmonne. Line 14205 Heo iherde suggen; soððere worden. Line 14206 hu ofte Modred flah; and hu Arður hine bibah. Line 14207 Wa wes hire þere while; þat heo wes on life. Line 14208 Ut of Eouerwike; bi nihte heo i-wende. Line 14209 & touward Karliun tuhte; swa swiðe swa heo mahte; Line 14210 þider heo brohten bi nihte; of hire cnihten tweiȝe. Line 14211 and me hire hafd bi-wefde; mid ane hali rifte. Line 14212 and heo wes þer munechene; kare-fullest wife. Line 14213 Þa nusten men of þere quene; war heo bicumen weore. Line 14214 no feole ȝere seoððe; nuste hit mon to soðe. Line 14215 whaðer heo weore on deðe. Line 14216 þa heo hire-seolf weore; isunken in þe watere. Line 14217 Modred wes i Cornwale; & somnede cnihtes feole. Line 14218 to Irlonde he sende; a-neoste his sonde. Line 14219 to Sex-londe he sende; aneouste his sonde. Line 14220 to Scotlonde he sende; aneouste his sonde. Line 14221 he hehten heom to cume alle anan; þat wolde lond habben. Line 14222 oðer seoluer oðer gold; o[ð]er ahte o[ð]er lond. Line 14223 on ælchere wisen; he warnede hine seoluen. Line 14224 swa deð ælc witer mon; þa neode cumeð uuen-an. Line 14225 Arður þat iherde. wraðest kinge; Line 14226 þat Modred wæs i Cornwale. mid muchele monweorede; Line 14227 & þer wolde abiden þat Arður come riden. Line 14228 Arður sende sonde; ȝeond al his kine-londe. Line 14229 and to cumen alle hehte; þat quic wes on londe. Line 14230 þa to uihte oht weoren; wepnen to beren. Line 14231 and w[ha]-swa hit for-sete; þat þe king hete. Line 14232 þe king hine wolde a folden; qui[c] al for-bernen. Line 14233 Hit læc to-ward hirede; folc vni-mete. Line 14234 ridinde & ganninde; swa þe rim falle[ð] adune. Line 14235

Line 14235 Arður for to Cornwale; mid uni[me]te ferde. Line 14236 Modred þat iherde; & him toȝeines heolde. Line 14237 mid vnimete folke; þer weore monie uæie. Line 14238 Uppen þere Ta[m]bre; heo tuhten to-gadere. Line 14239 þe stude hatte Camelford; euer-mare ilast þat ilke weorde. Line 14240 And at Camelforde wes isomned; sixti þusend. Line 14241 & ma þusend þer-to; Modred wes heore ælder; Line 14242 Þa þider-ward gon ride. Arður þe riche; Line 14243 mid unimete folke. uæie þah hit weore. Line 14244 Uppe þere Tambre; heo tuhte to-somne. Line 14245 heuen here-marken. halden to-gadere; Line 14246 luken sweord longe. leiden o þe helmen; Line 14247 fur ut sprengen; speren brastlien. Line 14248 sceldes gonnen scanen; scaftes to-breken. Line 14249 þer faht al to-somne; folc vnimete. Line 14250 Tambre wes on flode; mid vnimete blode. Line 14251 mon i þan fihte non þer ne mihte; ikenne nenne kempe. Line 14252 no wha dude wurse; no wha bet. swa þat wiðe wes imenged. Line 14253 for ælc sloh adun-riht; weore he swein weore he cniht. Line 14254 Þer wes Modred of-slaȝe; and idon of lif-daȝe. Line 14255 in þan fihte Line 14256 Þer weoren of-slaȝe; alle þa snelle. Line 14257 Ar[ð]ures hered-men. heȝe [and lowe] Line 14258 and þa Bruttes alle; of Arðures borde. Line 14259 and alle his fosterlinges; of feole kineriches. Line 14260 And Arður forwunded; mid wal-spere brade. Line 14261 fiftene he hafde; feondliche wunden. Line 14262 mon mihte i þare laste; twa glouen iþraste. Line 14263 Þa nas þer na-mare; i þan fehte to laue; Line 14264 of twa hundred þusend monnen. þa þer leien to-hauwen; Line 14265 buten Arður þe king ane; & of his cnihtes tweien. Line 14266 Arður wes for-wunded; wunder ane swiðe. Line 14267 þer to him com a cnaue; þe wes of his cunne. Line 14268 he wes Cadores sune; þe eorles of Corwaile. Line 14269 Constantin hehte þe cnaue; he wes þan kinge deore. Line 14270 Arður him lokede on; þer he lai on folden. Line 14271 and þas word seide; mid sorhfulle heorte. Line 14272

Line 14272 Costæntin þu art wilcume; þu weore Cadores sone. Line 14273 Ich þe bitache here; mine kineriche. Line 14274 and wite mine Bruttes; a to þines lifes. Line 14275 and hald heom alle þa laȝen; þa habbeoð i-stonden a mine daȝen. Line 14276 and alle þa laȝen gode; þa bi Vðeres daȝen stode. Line 14277 And ich wulle uaren to Aualun; to uairest alre maidene. Line 14278 to Argante þere quene; aluen swiðe sceone. Line 14279 & heo s[c]al mine wunden; makien alle isunde. Line 14280 al hal me makien; mid haleweiȝe drenchen. Line 14281 And seoðe ich cumen wulle. to mine kineriche. Line 14282 and wunien mid Brutten; mid muchelere wunne. Line 14283 Æfne þan worden; þer com of se wenden. Line 14284 þat wes an sceort bat liðen; sceouen mid vðen. Line 14285 and twa wimmen þer-inne. wunderliche idihte; Line 14286 and heo nomen Arður anan; and aneouste hine uereden. Line 14287 and softe hine adun leiden; & forð gunnen liðen. Line 14288 Þa wes hit iwurðen; þat Merlin seide whilen. Line 14289 þat weore uni-mete care; of Arðures forð-fare. Line 14290 Bruttes ileueð ȝete; þat he bon on liue. Line 14291 and wunnien in Aualun; mid fairest alre aluen. Line 14292 and lokieð euere Bruttes ȝete; whan Arður cumen liðe. Line 14293 Nis nauer þe mon iboren; of nauer nane burde icoren. Line 14294 þe cunne of þan soðe; of Arðure sugen mare. Line 14295 Bute while wes an witeȝe; Mærlin ihate. Line 14296 he bodede mid worde; his quiðes weoren soðe. Line 14297 þat an Arður sculde ȝete; cum Anglen to fulste. Line 14298 Costantin þus leouede on londe; & Bruttes hine lufede. Line 14299 and swiðe deore heom he wes. and w((r))ðeliche heo hine heolden; Line 14300