Layamon's Brut (British Museum Ms. Cotton Caligula A.IX)

Lines 14001 through 14100

And þa quene ich al to-snaðde; mid deore mine sweorede. Line 14001 and seo[ð]ðen ich heo adu[n] sette. in ane swarte putte. Line 14002 and al mi uolc riche; sette to fleme. Line 14003 þat nuste ich under Criste; whar heo bicumen weoren. Line 14004 Buten mi-seolf ich gon atstonden; uppen ane wolden. Line 14005 & ich þer wondrien agon; wide ȝeond þan moren. Line 14006 þer ich isah gripes. and grisliche fuȝeles. Line 14007 Þa com an guldene leo; liðen ouer dune; Line 14008 deoren swiðe hende. þa ure Drihten make[de]. Line 14009 Þa leo me orn foren to; and iueng me bi þan midle. Line 14010 & forð hire gun ȝeongen; & to þere sæ wende. Line 14011 And ich isæh þæ vðen; i þere sæ driuen. Line 14012 and þe leo i þan ulode; iwende wið me seolue. Line 14013 Þa wit i sæ comen; þa vðen me hire binomen. Line 14014

Line 14014 com þer an fisc liðe; and fereden me to londe. Line 14015 þa wes ich al wet; & weri of sorȝen and seoc. Line 14016 þa gon ich i-wakien; swiðe ich gon to quakien. Line 14017 Þa gon ich to biuien; swulc ich al fur burne. Line 14018 And swa ich habbe al niht; of mine sweuene swiðe iþoht. Line 14019 for ich what to iwisse; agan is al mi blisse. Line 14020 for a to mine liue; sorȝen ich mot driȝe. Line 14021 wale þat ich nabbe here; Wenhauer mine quene. Line 14022 Þa andswarede þe cniht; Lauerd þu hauest un-riht. Line 14023 ne sculde me nauere sweuen; mid sorȝen are((c))chen. Line 14024 þu ært þe riccheste mon; þa rixleoð on londen. Line 14025 and þe alre wiseste; þe wuneð under weolcne. Line 14026 Ȝif hit weore ilu[m]pe; swa nulle hit ure Drihte; Line 14027 þat Modred þire suster sune; hafde þine quene inume. Line 14028 and al þi kine-liche lond; isæt an his aȝere hond. Line 14029 þe þu him bitahtest; þa þu to Rome þohtest. Line 14030 and he hafde al þus ido; mid his swike-dome. Line 14031 þe ȝet þu mihtest þe awreken; wurð-liche mid wepnen. Line 14032 & æft þi lond halden; and walden þine leoden. Line 14033 and þine feond fallen; þe þe ufel unnen. Line 14034 and slæn heom alle clane; þet þer no bilauen nane. Line 14035 Arður þa andswarede. aðelest alre kinge. Line 14036 Longe bið æuere; þat no wene ich nauere. Line 14037 þat æuere Moddred mi mæi; Line 14038 wolde me biswiken. for alle mine richen. Line 14039 no Wenhauer mi quene; wakien on þonke. Line 14040 nulleð hit biginne; for nane weorld-monne. Line 14041 Æfne þan worde forð-riht; þa andswarede þe cniht. Line 14042 Ich sugge þe soð leofe king; for ich æm þin vnder-ling. Line 14043 þus hafeð Modred idon; þine quene he hafeð ifon. Line 14044 and þi wun-liche lond; isæt an his aȝere hond. Line 14045 he is king & heo is que[ne]; of þine kume nis na wene. Line 14046 for no weneð heo nauere to soðe; þat þu cumen aȝain from Rome. Line 14047 Ich æm þin aȝen mon; & iseh þisne swike-dom. Line 14048 and ich æm icumen to þe seoluen; soð þe to suggen. Line 14049 Min hafued beo to wedde; þat isæid ich þe habbe. Line 14050 soð buten lese; of leofen þire quene. Line 14051 & of Modrede þire suster sune; hu he hafueð Brut-lond þe binume, Line 14052

Line 14052 Þa sæt hit al stille; in Arðures halle. Line 14053 þa wes þer særinæsse; mid sele þan kinge. Line 14054 þa weoren Bruttisce men; swiðe vnbalde uor þæn. Line 14055 Þa umbe stunde; stefne þer sturede. Line 14056 wide me mihte iheren; Brutten iberen. Line 14057 and gunne to tellen; a feole cunne spellen. Line 14058 hu heo wolden for-deme; Modred & þa quene. Line 14059 and al þat mon-cun for-don; þe mid Modred heolden. Line 14060 Arður þa cleopede; hendest alre Brutte. Line 14061 Sitte[ð] a-dun stille; cnihtes inne halle. Line 14062 and ich eou telle wulle; spelles vncuðe. Line 14063 Nu to-mærȝe þenne hit dæi bið; & Drihten hine sende. Line 14064 forð ich wulle buȝe; in to-ward Bruttaine. Line 14065 and Moddred ich wulle s[l]an; & þa quen for-berne. Line 14066 and alle ich wulle for-don; þa biluueden þen swike-dom. Line 14067 And her ich bileofuen wulle; me leofuest monne. Line 14068 Howel minne leofue mæi; hexst of mine cunne. Line 14069 and half mine uerde; ich bilæfuen a þissen ærde. Line 14070 to halden al þis kine-lond; þa ich habbe a mire hond. Line 14071 & þenne þas þing. beoð alle idone; aȝan ich wulle to Rome. Line 14072 & mi wunliche lond bitæche; Walwaine mine mæie. Line 14073 and iuorþ((e)) m((i)) beot seo[ð]ðe; bi mine bare life. Line 14074 Scullen alle mine feond; wæi-sið makeȝe. Line 14075 Þa stod him up Walwain; þat wes Arðures mæi. Line 14076 and þas word saide; þe eorl wes abolȝe. Line 14077 Ældrihten Godd; domes waldend. Line 14078 al middel-ærdes mund; whi is hit iwurðen. Line 14079 þat mi broðer Modred; þis morð hafueð itimbred. Line 14080 Ah to-dæi ich at-sake hine here; biuoren þissere duȝeðe. Line 14081 and ich hine for-demen wulle; mid Drihtenes wille. Line 14082 mi-seolf ich wulle hine an-hon; haxst alre warien. Line 14083 þa quene ich wulle mid Goddes laȝe. al mid horsen to-draȝe. Line 14084 For ne beo ich nauere bliðe; þa wile a beoð aliue. Line 14085 and þat ich habbe minne æm; awræke mid þan bezste. Line 14086 Bruttes þa andswarede; mid baldere stefne. Line 14087 Al ure wepnen; sunden ȝarewe; nu to-marȝen we scullen uaren. Line 14088 A marȝen þat hit dæi wes; & Drihten hine senden. Line 14089 Arðu[r] uorð him wende; mid aðelen his folke. Line 14090

Line 14090 half he hit bilæfde; & half hit forð ladde. Line 14091 Forð he wende þurh þat lond; þat he com to Whit-sond. Line 14092 scipen he hæfde sone; monie & wel idone. Line 14093 ah feowertene niht fulle; þere læi þa uerde. Line 14094 þeos wederes abiden; windes bi-delde. Line 14095 Nu was sum for-cuð kempe; in Arðures ferde. Line 14096 anæn swa he demen iherde; of Modredes [d]eðe Line 14097 he nom his swein aneouste; and sende to þissen londe. Line 14098 and sende word Wenhaueren; heou hit was iwurðen. Line 14099 and hu Arður wes on uore; mid muclere ferde. Line 14100