Layamon's Brut (British Museum Ms. Cotton Caligula A.IX)

Lines 13901 through 14000

& þider i-beren lette; Luces þene kaisere. Line 13901 and lette hine bitillen; mid gold-faȝe pallen. Line 13902 and bi-witen hine þer lette; þreo daȝes fulle. Line 13903 þe while he wurchen lette; an werc swi[ðe]riche. Line 13904

Line 13904 ane cheste longe; and wreon heo al mid golde. Line 13905 And lette leggen þer-inne; Luces of Rome. Line 13906 þat wes a swiðe duhti mon; þa while his daȝes ilasten. Line 13907 Þa ȝet dude Arður mære; aðelest alre Brutte. Line 13908 Arður asechen lette; alle þa riche. Line 13909 kinges and eorles; and þa riccheste beornes. Line 13910 þa i þan fehte weoren i-slaȝen; and idon of lif-dæȝen. Line 13911 he lette heom burien; mid baldere pruten. Line 13912 Buten þreo kinges; he beren lette. Luces þan kaisere. Line 13913 and lette makien beren; riche and swiðe maren. Line 13914 and lette heom sone; senden to Rome Line 13915 and grette Rom-weren alle; mid græten ane huxe. Line 13916 and seide þat he heom sende; þat gauel of his londe. Line 13917 and efte wold heom al-swa; senden heom gretinge ma. Line 13918 ȝif heo ȝirnen wolden; of Arðures golden. Line 13919 and þer-after wulle sone; riden into Rome. Line 13920 and tellen heom tiðinge; of Brutlondes kinge. Line 13921 and Rome walles rihten; þe ȝare weoren to-fallen. Line 13922 And swa ich wulle ((awelden)); þe wode Rom-leoden. Line 13923 Al þis ȝelp wes idel i-do; for eoðer weis hit eode. Line 13924 al oðer hit itidde; þe leoden he bilæfden. Line 13925 al þurh Modred is mæin; for-cuðest alle monnen Line 13926 A þan muchele fihte; Arður of his cnihtes losede; Line 13927 fif and twenti þusend. a uolden to-hav%wen; Line 13928 of Brutten swiðe balde; biræued at liue; Line 13929 Kæi wes forwunded seore; wunder a swiðe. Line 13930 to Kinun he wes ilad; and sone þer-after he wes ded. Line 13931 bi-bured he wes þere; bi-halue þan castle. Line 13932 i-mong heremiten. þat wæs þe riche mon; Line 13933 Kæi hehte þe eorl. Kinun þe castel. Line 13934 Arður ȝæf him þene tun; and he þer-to tumde; Line 13935 and sette þer þene nome. after him-seoluen. Line 13936 for Keises dæðe; Kain he hit hehte. Line 13937 nu and auere mare; swa hit hehte þere. Line 13938 Seoððen Beðuer wes islæȝen; and i-don of lif-dahȝen. Line 13939 Arður hine beren lette; to Bæios his castle. Line 13940 and biburied he wes þere; inne þere burȝe. Line 13941

Line 13941 wið-uten þan suð ȝæte; in eorðe me hine sette. Line 13942 Howeldin iulut wes; forð into Flandres. Line 13943 and alle his bezste cnihtes; þer flutten uorð-rihtes. Line 13944 in-to þan eorldomen; þenne heo þer comen. Line 13945 and alle þa dede; in eorðe me heom leide. Line 13946 inne Teruane; heo liggeoð alle clane. Line 13947 Leir þene eorl me ladde; in-to Buluine. Line 13948 & Arður þer-æfter seoððe; wunede in ane londe. Line 13949 inne Burguine. þer him bezst þuhte; Line 13950 Þat lond he al biwuste. and alle þe castles sette. Line 13951 and seide þat he wolde; him-seolue þat lond holde. Line 13952 And seoððen he his beot makede; a sumere þat he wolde. Line 13953 faren into Rome; & ahnien al þa riche. Line 13954 and beon him-seolf kaisere; þe Luces wuneden ære. Line 13955 And monie of Rom-leoden; wolden þat hit swa eoden. Line 13956 for heo weoren a-dradde; to heore bare deðe. Line 13957 þat monie þer awæi fluȝen; and heore castles bibuȝen. Line 13958 and monie sende sonde; to Arðure þan stronge. Line 13959 and monie him speken wið; & ȝirnden Arðures grið. Line 13960 and summe heo wolde; aȝein Arðure halden. Line 13961 and halden wið him Rome; & weren þa leode. Line 13962 And neoðeles heo auered weoren; for heore uæie-siðen. Line 13963 þat nusten heo under Criste; nenne ræd godne. Line 13964 Þa wes hit itimed þere; þat Merlin saide while. Line 13965 þat Rom-walles sculden; aȝein Ar[ð]ure to-uallen. Line 13966 þat was agan þære; bi þan kaisere. Line 13967 þa ueol þer-inne fehte; mid fifti þusund monne. Line 13968 ruren þer to grunde; riche Rom-leoden. Line 13969 Þa Arður wende to soðe; to aȝen al Rome. Line 13970 & wunede inne Burguine; richest alre king. Line 13971 Þa com þer in are tiden; an oht mon riden. Line 13972 and brohte tidinge; Arðure þan kinge. Line 13973 from Moddrede his suster sune; Arðure he we((s)) wilcume. Line 13974 for he wende þat he brohte; boden swiðe gode. Line 13975 Arður lai alle longe niht; and spac wið þene ȝeonge cniht. Line 13976 swa nauer nulde he him sugge; soð hu hit ferde. Line 13977 Þa hit wes dæi a marȝen; and duȝeðe gon sturien. Line 13978

Line 13978 Arður þa up aras; and strehte his ærmes. Line 13979 he aras up and adun sat; swulc he weore swiðe seoc. Line 13980 Þa axede hine an uæir cniht; Lauerd hu hauest þu iuaren to-niht. Line 13981 Arður þa andswarede; a mode him wes uneðe. Line 13982 To-niht a mine slepe; þer ich læi on bure. Line 13983 me imætte a sweuen; þer-uore ich ful sa((ri)) æm. Line 13984 Me imette þat mon me hof; uppen are halle. Line 13985 þa halle ich gon bi-striden; swulc ich wolde riden. Line 13986 alle þa lond þa ich ah; alle ich þer ouer sah. Line 13987 and Walwain sat biuoren me; mi sweord he bar an honde. Line 13988 þa com Moddred faren þere; mid unimete uolke. Line 13989 he bar an his honde; ane wiax stronge. Line 13990 he bigon to hewene hardliche swiðe. Line 13991 and þa postes for-heou alle; þa heolden up þa halle. Line 13992 Þer ich iseh Wenheuer eke; wimmonnen leofuest me. Line 13993 al þere muche halle rof; mid hire honden heo to-droh. Line 13994 Þa halle gon to hælden; and ich hæld to grunden. Line 13995 þat mi riht ærm to-brac; þa seide Modred Haue þat. Line 13996 Adun ueol þa halle; & Walwain gon to ualle. Line 13997 and feol a þere eorðe his ærmes brekeen beine. Line 13998 & ich igrap mi sweord leofe; mid mire leoft honde. Line 13999 and smæt of Modred is hafd þat hit wond a þene ueld. Line 14000