Layamon's Brut (British Museum Ms. Cotton Caligula A.IX)

Lines 13501 through 13600

and alle þa scut%ten; scuuen heom bisides. Line 13501 and þa men auoten; to gunnen fusen; Line 13502 and alle somed smiten on; mid smarten heore dunten. Line 13503 At þan uorme smællen; Romaniscen veollen. Line 13504 fiftene hundred; folden to grunden; Line 13505 þer wes islæȝen Euander; þe king wes ful sturne. ær. Line 13506 Catellus of Rome; forȝæt his domes þære. Line 13507 Þæ astalden þer flem; þat ær staðel heolden. Line 13508 þa rugges to-wenden; & fluȝen Rom-leoden. Line 13509 Bruttes heom after buȝen; & mid baluwe heom. igrætten; Line 13510 and swa monie heo þer nomen; and swa monie heo þer sloȝen. Line 13511 þat no mihte Bruttene uerde; bi-ueolen na-mare. Line 13512 And þa Romanisce men; þe þer at-faren mihten. Line 13513 at-arnede ful sone; to þan kaisere. Line 13514 and talden him tidende; of Arðure þan kinge. Line 13515 for heo wenden to soðe; þat Arður þider comen. Line 13516 þer wes auared swiðe; þe kaisere & his ferde. Line 13517 þe Bruttes islaȝen hafden; þat heom sel þuhten. Line 13518 aȝein-ward heo buȝen þa; mid baldere biȝete. Line 13519 and to þan stude wenden aȝæin; þer þat feht hafde ibeon. Line 13520 and bureden þa deden; and þa quike gunnen forð leden. Line 13521 And senden after Petreiun; þæ heo ær nomen. Line 13522 & after his iueren; þæ ær inumen weoren. Line 13523 and senden heom alle fuliwis; into þære burȝe of Paris. Line 13524 and þreo castles fulden; and faste heom biclusden. Line 13525 after Arðures heste; aðelest kingen. Line 13526 Alle Brut-leoden; luueden Arðuren. Line 13527 alle heom stod him æie to; þat wuneden a þan ærde. Line 13528 swa dude þan kaisere; of Ærðure he hafde muchele kare. Line 13529 and alle Rom-leoden; of Arðure weoren a-færde. Line 13530 Þa wæs mid soðe ifunde; þat Mærlin sæide whilen. Line 13531 þat sculden for Ar[ð]ure; Rome ifullen afure. Line 13532 and þa wal of stanen; quakien and fallen. Line 13533 Þas ilke tacni[n]ge sculde beon; of Luces þan kæiseren. Line 13534

Line 13534 & of þan senature; þa mid him come of Rome; Line 13535 and of þan seoluen wisen; þæ þer gunnen resen. Line 13536 þat Merlin i furn-daȝen seide; al heo hit funden þere. Line 13537 swa heo duden ære. and seoððen wel iwhare; Line 13538 ær Arður iboren weore. Merlin al hit bodede; Line 13539 Þe kaisere i-herde suggen; soðere worden. Line 13540 hu his men weoren inu[m]en; and hu his folc æc of-slaȝen. Line 13541 Þa weoren inne his ferde; feole-valde sorȝe. Line 13542 summe mænden heore freond; summe þrætteden heore ueond. Line 13543 summe bonneden wepnen; balu heom wes ȝeueðe. Line 13544 Þa iseh Luces; þat luðere him ilimped wæs; Line 13545 for ælche dæi he losede; of his leod-folke. Line 13546 ah he herm iuredde; his heȝe men he losede. Line 13547 He iwærð afered þa; wunder ane swiðe. Line 13548 and nom him to ræde; & to som-rune. Line 13549 þat he wolde to Æust; mid alle his iuerde. Line 13550 forð bi Lengres he wolde uare; of Arðure he hafde muchele kare. Line 13551 Arður hafde his hauwares. an hirede þas kaiseres; Line 13552 and sone duden him to witen; whuder he wolde wenden. Line 13553 Ar[ð]ur lette sone; somnien his ferde. Line 13554 stilleliche bi nihte; his cnihtes seleste. Line 13555 and forð þe king wende; mid sele his folke. Line 13556 An his riht honde; he lette Lengres stonde. Line 13557 and i þæne wæi biforen ferde; þe Luces faren wolde. Line 13558 Þa he com in ane dale; vnder ane dune. Line 13559 þer he gon at-stonden; kennest alre kingen. Line 13560 þat dale is mid soðe; Sosie ihaten. Line 13561 Arður þer adun lihte; and hæhte al his duȝeðe; Line 13562 græðien heom to fihte; swa scolden cnihtes ohte. Line 13563 þat whenne Rom-leoden; þer comen riden. Line 13564 þat heo uengen heom on; swa ohte cnihtes sculden don. Line 13565 Alle þa sweines & þa un-wræ[st]e þeines. Line 13566 & of þan smale uolke; feole þusunde. Line 13567 þe king heom sette in ane hulle; mid feole here-marken. Line 13568 þat he dude for ȝepscipe; þer-of he ȝelpen þohte. Line 13569 al swa hit i-warð seoððe; þer-after ful sone. Line 13570

Line 13570 Arður ten þusend nom; of aðelen his cnihten. Line 13571 sende a riht honde; mid raue bihonge. Line 13572 he lette oðere ten þusende; an his lift honde. Line 13573 ten þusend biuoren; ten þusend biæften. Line 13574 mid heom-seoluen heo heolden; sixtene þusund. Line 13575 bi-halues he sende; in-to ane wude hende. Line 13576 seouentene þusend; selere cnihten. Line 13577 wel iwepnede men; þene wude to bi-wit%teȝen. Line 13578 þat heo mihte þider uare; ȝif him neod weore. Line 13579 Þa wes inne Gloucestre; an eorl mid þan bezste. Line 13580 Moruið wes ihate; mon swiðe kene. Line 13581 him he bi-tahte; þene wude & þa ferde. Line 13582 And ȝif hit ilimpeð; swa wule þe liuiende Godd. Line 13583 þat heo ouer-cumen beon; and biginnen to fleon. Line 13584 setteð heom after; mid allen æouwer mahten. Line 13585 and al þat ȝe of-take maȝen; doh hit of lif-daȝen. Line 13586 þa uatte & þa lene; þa riche and þa hene. Line 13587 For no beo in nauer nare leode; no in none leode. Line 13588 cnihtes al swa sele; swa beoð mid me seolue. Line 13589 cnihtes al swa ræȝe; cnihtes al swa riche. Line 13590 cnihtes al swa stronge; in nauer ane londe. Line 13591 Ȝe beoð under Criste; cnihten alre kennest. Line 13592 and ich æm rihchest alre kinge. vnder Gode seolue; Line 13593 do we wel þas dede. Godd us wel spede; Line 13594 Cnihtes þa andswarede. stille-liche under lufte; Line 13595 Alle we scullen wel don. and alle we scullen to-uon. Line 13596 Niðing wurðe þe cniht; þe ne cuðe his mahten her-riht. Line 13597 Þa sænde heo a ba siden; al þa men auoten. Line 13598 þa lette he sette up þene drake; heremærken unimake. Line 13599 bi-tæhte hine ane kinge; þe wel hine cuðe halde. Line 13600