Layamon's Brut (British Museum Ms. Cotton Caligula A.IX)

Lines 13401 through 13500

Arður þa cnihtes nom; þe þer iuongen weoren. Line 13401 þreo hundred rideres; he nom eke anan. Line 13402 þe alle weoren iueren; Line 13403 cnihtes swiðe ohte; and kene men to uihte. Line 13404 and hæhte heom amorȝen; monliche arisen. Line 13405 bi[n]den Romanisce men; mid stronge rake-tehȝen. Line 13406 and lede Petreius; to þere borh ((of)) Paris. Line 13407 Feouwer eorles he hæhte; forð heom ibringen. Line 13408 Cador Borel; Beduer and Richer. Line 13409 he hehte heom beon iueren; þat heo siker weoren. Line 13410 and cumen aȝain sone; to heore kine-lauerde. Line 13411 Þis wes al þus ispeken; ah hit wes sone under-ȝeten. Line 13412 Hæwæres foren; ȝeond þas kinges ferden. Line 13413 & iherden suggen; soðere worden. Line 13414 wuder Arður wolde senden; þæ cnihtes. þe he haf[de] i benden. Line 13415 and þa hauweres forð-rihte; wenden uorð bi nihte. Line 13416 þat heo comen sone; to þan kaisere of Rome. Line 13417 and talden al heore tale; hu þas feouwer eorles sculden uare. Line 13418 and forð lede Petreius; to þære burh of Paris. Line 13419 and al heo talden þene wæi; þe intowardes Parise læi. Line 13420 and whar me heom kepen mihte; in ane slade deopen. Line 13421 and biraiuien of heom; Petreiun þene riche mon. Line 13422 & þa feouwer eorles ileggen; & fasten heom binden. Line 13423 Luces þis iherden; þe kaiser of Rome. Line 13424

Line 13424 and he leopt to wepne; swulc hit a liun weore. Line 13425 and ten þusend hehte; kempen iþoȝene. Line 13426 to horse & to wepnen; aneouste foren wenden; Line 13427 He cleopede Sextorius; of Libie he wes king of Turkie dux. Line 13428 he sende after Euander; þe of Babiloine wes icumen þer. Line 13429 he cleopede to þan senaturs; Bal Catel; Carrius. Line 13430 þeos weoren alle kine-borne; & þeos weoren alle icoren. Line 13431 aneouste to riden; and Petreium aredden. Line 13432 Anan swa hit was euen; forð heo iwenden. Line 13433 heom ladden twelue; of þan leod-folke. Line 13434 þa swiðe war%re weoren; and þa weiȝes cuðen. Line 13435 Þa riden Rom-leoden; riseden burnen. Line 13436 quahten on hafden; helmes heȝen. Line 13437 seldes on rugge; ræȝe Rom-leoden. Line 13438 Heo ferden alle nihte; neodliche swiðe. Line 13439 þet heo comen in þe wai; þa in-to Parise lei. Line 13440 þa weoren heo biuoren; and Bruttes biaften. Line 13441 Ah wale þat hit nuste; Cador þe kene. Line 13442 þat þa Rom-leoden; heom for-riden hafueden. Line 13443 Heo comen in ænne wude; on ænne swiðe faire stude. Line 13444 in ane dale deope; diȝelen bihælues. Line 13445 sweoren heom bitwænen; þat þer heo wolden kepen. Line 13446 Þer heo leien stille; ane lutle stunde. Line 13447 & hit agon daiȝen; and deor gunnen waȝeȝen. Line 13448 Þa comen Arðures men; quecchen after streten. Line 13449 riht þene ilke wæi; þer þe oðer uerde læi. Line 13450 heo riden singinge; segges weoren bli[ð]e. Line 13451 Neoþeles Cador wes þer; swiðe wis & swiðe war. Line 13452 he and Borel þe eorl riche; buȝen heom to-gæderes. Line 13453 & nomen heom bitweonen; fif hundred cnihtes. Line 13454 and biuoren wenden; iwepnede kempen. Line 13455 Richer and Beduer; wenden heom bafte þer. Line 13456 and þa cnihtes fereden; þa heo iuongen hafden. Line 13457 Petreium and his iueren; þa iwunne weoren. Line 13458 Þa heo comen riden; uppen Rom-leoden; Line 13459 & Rom-leoden ræsden to; mid ræȝere strengðen. Line 13460 and smiten a þan Brutten; mid swiðe bite[r]e duntes. Line 13461

Line 13461 breken Bruttene trume; balu wes on folke. Line 13462 þe wude brastlien gon. beornes þer feollen. Line 13463 Bruttes heom wið-stoden; and stærcliche heom weoreden. Line 13464 Þat iherde Richer; & þe eorl Beduer. Line 13465 hu heore i-ueren; heom b[i]uoren fuhten. Line 13466 Petreiun heo nomen; & heore inume allen. Line 13467 and mid þreo hu[n]dred sweinen; in-to wude senden. Line 13468 And heom-seolue fusden; to-ward heore ifæren. Line 13469 and smiten a Rom-leoden; mid raȝere strengðen. Line 13470 þer wes moni dunt iȝeuen; and moni mon þer wes islaȝen. Line 13471 Þa underȝæt Euander; þe heðene king wes swiðe war. Line 13472 þat heore uolc gon waxen; and Bruttes gunnen wonien. Line 13473 and buȝen heom to-somne; his cnihtes seleste. Line 13474 and uuenon þan Brutten; swulc heo heom wolden abiten. Line 13475 Bruttes wokeden þa; & heore wes þat wurse. Line 13476 heo sloȝen heo nomen; al þat heo neh comen. Line 13477 Wa wes Brutten þere; buten Arðure. Line 13478 heore helþ wes to lutel þere; at heȝere neode. Line 13479 Þer wes Borel of-slaȝen; and idon of lif-daȝen. Line 13480 Euander king hine aqualde; mid luðere his crafte. Line 13481 and þreo Bruttes eke; heȝe men iborene. Line 13482 Þer islaȝen weoren; þreo hundred of heore iueren. Line 13483 and monie quike nomen; & narwe heom ibunden. Line 13484 þa nusten heo godne ræd nanne; for alle heo wenden beon dede. Line 13485 neoþeles heo fuhten; swa ohtliche swa heo mahte. Line 13486 Þa wes ut ifaren; from Arðures ferden. Line 13487 þæ king of Peytouwe; har mon iblowen Line 13488 Guitard he hehte; Gascunne he ahte. Line 13489 he hæfde to iueren; fif hundred rideren. Line 13490 þreo hundred scuhten; kene men to uehten. Line 13491 and seouen hundred auoten; þa fuse weoren to harmen; Line 13492 Heo weoren ifaren into þan londe; fodder to biwinnen. Line 13493 æiþer uodder and mete; to læden to heore ferde. Line 13494 Þa luden heo iherden; of þan Rom-leoden. Line 13495 heore deden heo bi-lafden; and þiderward gunnen liðen. Line 13496 stið-imodede men & swifte; slauþe bidæled. Line 13497 þat heo comen sone; an-neouste þan fehte. Line 13498

Line 13498 Guitard and his cnihtes; þer-riht forð-rihtes. Line 13499 igrip%pen heore sceldes; swiðe balde cnihtes. Line 13500