Layamon's Brut (British Museum Ms. Cotton Caligula A.IX)

Lines 13301 through 13400

and smiten to a-uorenon; and feollen an hundred anan. Line 13301 Þa wenden Rom-leoden; þat Arður come riden. Line 13302 and weoren afered feondliche swiðe. and Bruttes after heom; Line 13303 and sloȝen of þan folke. fiften hundred; Line 13304 Þa com heom to fulste; of heore aȝe uolke. Line 13305 þa Arður þider hafde isend; sixtene þusund. Line 13306 baldere Brutten; mid burnen bihonged. Line 13307 Þa com þer ride; þat wes an eorl riche. Line 13308 Petreius ihate; heh of Rome. Line 13309 mid six þusend kempen; þan Romanisce to helpen. Line 13310 & mid muchelere strengðe. leopen to þan Brutten. Line 13311 and lut þer-of nomen; ah monie heo of-sloȝen. Line 13312 Bruttes to wude hælden; þe oðere after wenden. Line 13313 and þa Bruttes auoten; uaste aȝæin stoden. Line 13314 and þa Romanisce men; fuhten ridende. Line 13315 and Bruttes heom to heolden; & heore ((hors)) sloȝen. Line 13316 & moni þer nomen; & in þene wude droȝen. Line 13317

Line 13317 Þa iwarð Petreius wrað; þat his wes þa wurse þer. Line 13318 and he mid his uerde; from þan wude wende. Line 13319 and Bruttes heom to buȝen; and bi-æften heom sloȝen. Line 13320 Þa Bruttes weoren ut of wude; iȝein to þan felde. Line 13321 þa atstoden Rom-leoden; mid ræȝe strenȝe. Line 13322 Þa bi-gon þat muchele fiht; þer ueollen eorl%les & moni god cnih[t]. Line 13323 þer ueollen a dæi; fiften þusend. Line 13324 aðelere monnen; ær hit weore æfen. Line 13325 Þer he finden mihte; þe his main wolde fondien. Line 13326 hond aȝan honde; strongne ((aȝein str))[onge]. Line 13327 sceld aȝein scelde; scalkes þer ueollen. Line 13328 Vrnen þa streten; mid blode-stræmen. Line 13329 leien ȝeond þan ueldes; gold-faȝe sceldes. Line 13330 al þene dæi longe; heo heolden þat feht stronge. Line 13331 Petreius an his halue; his folc heold to-somne. Line 13332 þa iwræð sone; þat Bruttes hafden þat wurse. Line 13333 Þat isæh þe eorl heȝe; of Oxeneuorde. Line 13334 Beof wæs ihæten; hæh Bruttisc mon. Line 13335 þat a nare wisen; ne mihte hit i-wurðen. Line 13336 þat Bruttes ne mos((ten)) reosen; buten heo ræd haueden. Line 13337 Þa eorl þa cleopede; cnihtes aðele. Line 13338 of þan alre bezsten; of alle þan Brutten. Line 13339 and of þan kennesten; þe þer quike weoren. Line 13340 and tuhte hine ut a þan felde; aneouste þere ferde. Line 13341 and þus him iseide; an heorte him wes unneðe. Line 13342 Cnihtes hercnieð nu to me; Drihten us helpe. Line 13343 we beoð hidere icumen; and þis feht habbe((oð)) under-numen. Line 13344 buten Arðures rede; þe is ure hexte. Line 13345 ȝif us oht ilimpeð; we him þa bet likieð. Line 13346 and ȝif us ilimpeð uuelen. he us wule hatien. Line 13347 Ah ȝif ȝe wulleð minne ræd; þenne ride we al glad. Line 13348 We beoð þreo hundred cnihtes; ihelmede þeines. Line 13349

Line 13349 ohte men and kene; aðele iborene. Line 13350 Cuðeð eouwer cniht-scipe; we beoð of are cu[ð]ðe. Line 13351 Rideð þenne ich ride; and fulieð mine rede. Line 13352 Alle haldeð him to; to þan cnihte þa ich do. Line 13353 ne nime ȝe nenne stede; no nanes cnihtes iwede. Line 13354 ah æuer-ælc god cniht; slæn æuere adun-riht. Line 13355 Æfne þan worde; þe þe cniht sæide. of Oxene-uorde. Line 13356 to his iueren bisiden; þe gon he to riden; Line 13357 æfne al swa swiðe; swa hund þene heort driueð. Line 13358 and his iueren after; mid allen heore mahten. Line 13359 þurh-ut þene muchele uehte; al þa cniht-weorede. Line 13360 fluen an heore steden; uolc heo þere aqualden. Line 13361 Wo wæs heom iboren; þa i þan weie heom weoren biuoren. Line 13362 for alle heo hit to-treden; mid horsen & mid steden. Line 13363 and swa aneouste heo iwenden; and Petreium iuengen; Line 13364 Beo[f] him bi-arnde; and mid ærmen bi-clupte. Line 13365 & bræid hine of his stede; & to eorðe hine istræhte. Line 13366 he wuste him bihalues; balde his cnihte. Line 13367 Bruttes adun sloȝen; Petreius heo droȝen. Line 13368 and þa Rom-leoden; ræhliche fuhten. Line 13369 and a þan laste ne mihte mon wite. wha oðerne smite. Line 13370 þer wes muchel blod-gute; balu wes on compe. Line 13371 Þa isæh Walwain; þer he wes bihaluen. Line 13372 mid seouen hundred cnihten; þider he gon hælden. Line 13373 in his wæiȝe þat he funde; al he hit aqualde. Line 13374 and ridende igrap Petreiun; on richen his steden. Line 13375 and ladde uorð Petreiun; læð þeh hit weore him. Line 13376 þat heo to þan wude comen; þer heo wel wusten. Line 13377 sikerliche to halden; þene riche mon of Rome. Line 13378 and æft ut a þene ueld wenden and bi-gonnen to fehten. Line 13379 Þer me iseon mihte; sorȝen inoȝe. Line 13380 sceldes scenen; scalkes fallen. Line 13381 halmes to-hælden; hæh((ȝe)) men to-swelten. Line 13382 blodie ueldes; falewede nebbes. Line 13383 Bruttes heom to-ræsden; þa fluȝen Rom-leoden. Line 13384 Bruttes heom sloȝen; and monie heo quic. nomen. Line 13385 and þe dæi-ende þæ; wa wes Rom-leoden [þ]a. Line 13386 Þa bond men uaste; kempen Romanisce. Line 13387 and lædden heom to þan wude; biuoren Walwaine. Line 13388

Line 13388 heom biwakeden a þere nihte. twenti hundred cnihten. Line 13389 Þa hit dai wes amarȝen; duȝeðe gon sturie. Line 13390 forð heo gunnen liðe. to heore kine-lauerde; Line 13391 and swulc lac him brohte; þat leof him wes to habben. Line 13392 Þa spac Arður him þus; Wulcume Petreius. Line 13393 Nu ic þe wulle teche. Bruttisce spæche. Line 13394 Þu ȝulpe biforen þan kaisere; þat þu me woldest aquellen. Line 13395 Nimen mine castles alle; and mine kine-riche. Line 13396 and muchel þe sæl iwurðen; of þat þu wilnedest to habben. Line 13397 Ich wulle bitachen þe; ful iwis; minne castel inne Paris. Line 13398 and þer þu scalt wunien; swa þe beoð alre leoþest. Line 13399 ne scalt þu nauere. mare; þi lif þenne lede. Line 13400