Layamon's Brut (British Museum Ms. Cotton Caligula A.IX)

Lines 13201 through 13300

Cnihtes fareð eou aȝæin; and cuðeð eower kinge. Line 13201 [Bruttes beoþ bolde] a[c] heo beoð unwræste italde. Line 13202 for æuere heo ȝelp makieð; heore monscipe is lut%tel. Line 13203 Mare he þohte to suggen; þa Walwain bræid to sweorden. Line 13204 and smat hine ufenen þat hafde; þat he atweo hælde. Line 13205

Line 13205 & he hiȝenliche anan; heolde to his horsen. Line 13206 and heo up leopen; mid grimliche lechen. Line 13207 and þas word seide; Walwain þe sele. Line 13208 Swa me helpe þe ilke lauerd; þe scop þes daȝes lihte. Line 13209 ȝif æuer-æie is swa kene; of eouwer moncunne. Line 13210 þat us after kenne; ich hine wulle aquelle Line 13211 he scal beo to-swungen; mid brade mine sweorden. Line 13212 Efne þare ilke tale; þa cleopede þe kaisere. Line 13213 Haldeð heom haldeð; alle heo sculleð heongien. Line 13214 heȝe uppen treouwe; oðer mid horsen beon to-draȝene. Line 13215 Efne þissere sæȝe; þa þe kaisere seide. Line 13216 þe eorles gunnen riden; & spureden heore steden. Line 13217 heo scæken on heore honden; speren swiðe stronge. Line 13218 beren bi-foren breosten; brade heore sceldes. Line 13219 Aneouste gunnen ride; eorles ræȝe. Line 13220 and æuere þæ kaisere; lude gon cleopie. Line 13221 Nimeð heom slæh heom. i-scend heo us habbeoð. Line 13222 Þer me mihte ihere; þe þer bihalues weore. Line 13223 clupien þusende; of þan þeod-folke. Line 13224 Hider hider wepnen; Wende we heom æfter. Line 13225 Hider ure sceldes; þe scalkes atwendeð. Line 13226 Sone heom after wenden; iwepnede kempen. Line 13227 þer sixe þer seouene; þer æhte þer niȝene. Line 13228 And æuere þa eorles; arnde biliues. Line 13229 and æuere umbe stunde; biseȝen heom bi-hinde. Line 13230 and euere þa cnihtes of Rome; after biliue come. Line 13231 And þer com aneouste; alre swiðest ærne. Line 13232 & euere cleopede; kenlich swiðe. Line 13233 Wendeð a-ȝæin cnihtes; and werieð eo mid fihtes. Line 13234 Hit is eo muchel scome; þat ȝe wulleð at-sceken. Line 13235 Walwain icneo þene reme; of þan Romanisce men; Line 13236 he wende his stede; & to him gon ride. Line 13237 & smat hine þurh mid þan spere. swa he ispited weore. Line 13238 & bræid to him þat spere; þe gume iwat sone. Line 13239 & þæs word kende; Walwain þe kene. Line 13240 Cniht þu ride to swiðe; betere þe weore at Rome. Line 13241 Marcel hehte þe cniht; heȝere monnen. Line 13242 Þa Walwain i-sæh; þat he to grunde bæh. Line 13243

Line 13243 sone his sweord he ut abræid; smat of Marcele þat hefd. Line 13244 and þas word sæide; Walwain þe sele. Line 13245 Marcel far to helle; & tel heom þer spelles. Line 13246 and wune þer to-ȝere; mid Quencelien þin ifere. Line 13247 and haldeð þer unker rune; betere inc weoren inne Rome. Line 13248 for þus we eou scullen techen; ure Bruttisce speche. Line 13249 Gerin isæh hu hit ferde; hu þe Romanisce lai þer dune; Line 13250 and his hors muneȝede; and ænne o[ð]erne imette. Line 13251 and smat hine þurh-ut mid his spere; and þas word spilede; Line 13252 Rid nu swa Romain; and reos þe to hellen. Line 13253 and þus we scullen grundien; ȝif Godd us wule fulsten. Line 13254 Nis noht wurð þratte; buten þer beo dede æ[c] Line 13255 Bos isæh þe ohte mon; hu his iueren hafden idon. Line 13256 & his hors wende; wunder ane swiðe. Line 13257 and mid alle his mitte; teh to ane cnihte. Line 13258 & smat hine buuen þan scelde; þat to-barst his gode burne. Line 13259 & þurh-ut þene sweore; þe swælt ful sone. Line 13260 And þus þe eorl cleopien agon; kenliche on his feren. Line 13261 Bruttes us wulleð scenden; ȝif we heonne wendeð. Line 13262 bute we bet aginnen. ær we heonene iwenden. Line 13263 Efne þere speche; þe þe eorl [k]ende. Line 13264 heo bi-wenden heom sone; wunder ane swiðe. Line 13265 and ælc his sweord swiðe adroh; and ælc his Rumain of-sloh. Line 13266 & seoððen heore hors wenden; & heore wæi heolden. Line 13267 And þæ Romanisce men; riden eouere after heom. Line 13268 ofte heo heom on smiten; ofte heo heom at-witen; Line 13269 ofte heo sæiden heom [t]o; Abuggen ȝe scullen þa dede. Line 13270 ah ne mihten heo þurh nane þinge; heore nenne adun bringe. Line 13271 no nenne hærm þer don heom; i þan wiðer-happen. Line 13272 Ah æuere umbe whilen; þe eorles aȝain wenden. Line 13273 and ær heo to-twemden; þe wurse wes Rom-leoden. Line 13274 Þus heo iuerden; fiftene milen. Line 13275 þat heo comen to ane stude; vnder ane ueire wude. Line 13276 on-uast þan castle; þer Arður lei uaste. Line 13277 Þreo milen þer-from; to þan wuden þrungen; Line 13278 niȝe þusende; þe Arður þider senden. Line 13279 baldere Brutten; þe bezst þat lond cneowen. Line 13280 heo wolden wite þat soðe; of Walwain þan kene. Line 13281

Line 13281 and of his iueren; hu heo iuaren weoren. Line 13282 whaðer heo liue weoren; þa heo bi wæie læien. Line 13283 Þæs cnihtes siȝen þurh þene wude; wunder ane softe. Line 13284 uppen ane hullen; and ȝeorne biheolden. Line 13285 Heo letten alle þa horsmen; i þan wude alihten. Line 13286 and rihten heore i-wepnen; and alle heore iweden. Line 13287 buten an hundred monnen; þe þer sculden bi-halden. Line 13288 ȝif heo on-ȝiten mihten; þurh æies cunnes þingen. Line 13289 Þa iseȝen heo feorren; in ane uelde muchelen. Line 13290 þreo cnihtes ærnen; mid allen heore mainen. Line 13291 After þan þreom cnihten; þritti þer comen. Line 13292 after þan þrittie; heo iseȝen þreo þusende. Line 13293 þer-after comen þrasten; þritti þusen anan. Line 13294 Romanisce leoden; mid ræue bihonged. Line 13295 And þa eorles bi-uoren heom; aneuste at-arnden. Line 13296 euere þene rihte wæi; þe touward þan wude lai. Line 13297 þer heore iueren; wel ihudde weoren. Line 13298 Þa eorles ærden to þan wuden; þa Romanisce after riden. Line 13299 þa Bruttes to-ræsden; on heore iræste steden. Line 13300