Layamon's Brut (British Museum Ms. Cotton Caligula A.IX)

Lines 13101 through 13200

he wes iued inne Rome; wel feole wintre. Line 13101 Þe king nom þas þreo cnihtes hende; and to þan kaisere heom sende. Line 13102 and hehte hine mid his ferde; faren aȝæin to Rome. Line 13103 & þat he næuere into France; his ferde no ladde. Line 13104 And ȝif þu þider wendest; and þine ferde ledest. Line 13105 þu scalt beon under-uonge; to þine uæie-siðe. Line 13106 For France is min aȝen; and ich heo mid fehte biwon. Line 13107 and ȝif þu nult bilauen; þat þider nult liðen. Line 13108 fare wit to uihte; and falle þe uor-cuðere. Line 13109 and lete we þat folc wræcche; wunien an ære. Line 13110 While Rom-leoden; iwunnen þa þeoden. Line 13111 and seoððen heo þa þeoden; mid fehte for-loseden. Line 13112 and ich heo mid feohte bi-won; and mid fehte wule halden. Line 13113 Forð þa cnihtes wenden; godliche kempen. Line 13114 þat [weoren] Gerin & Beof þe hende; and Walwain þe balde. Line 13115 iburned and ihelmed; an hæȝen heore steden. Line 13116 and ælc weiede an sculdre; sceld swiðe godne. Line 13117 heo beren on heore honde; gares swiðe stronge. Line 13118 Forð heo gunnen ride; riche men from hirede. Line 13119 muchel of þere duȝeðe; þe mid Arðure wunede. Line 13120 mid Walwaine eoden; and æð-mod-liche hine beden. Line 13121 þat he wið Rom-leode; summe sake arerde. Line 13122 þat we maȝen mid fehte; fondien us seolue. Line 13123 for hit is feole ȝere; þat heore þrættes comen here. Line 13124 and heore beot makieð; þat heo us wulle bihafdi. Line 13125 Nu is hit muchel leod-scome; ȝif hit scal þus a-ligge. Line 13126 bute þer sum sake beo; ær we iwurðe sæhte. Line 13127 scaftes to-brokene; brunies to-torne. Line 13128 sceldes to-scened; scalkes to-heouwen. Line 13129 sweordes ibaðede; i blode þan rede Line 13130

Line 13130 Forð þa eorles wenden; þurh æne wude muchelen. Line 13131 and mærcoden enne wæi; þe ouer anne munte læi. Line 13132 þat heo bi-comen sone; to þan uolke of Rome. Line 13133 wurðliche iwepned; wunden an horsen. Line 13134 Þer me mihte bi-halden þe mon þe bi-halues weore. Line 13135 moni þusenden; þrasten ut of telden. Line 13136 al to bi-halden; þeos þreo cnihtes balde. Line 13137 and bi-heolden heore steden; and bi-heolden heore iweden. Line 13138 & hercnede tidende; from Arðure þan kinge. Line 13139 and a-neouste forð-rihtes; fræinede þa cnihtes. Line 13140 and ȝif þe king heom i-send hæfde; to þan kaisere. Line 13141 to speken þan kæisere wið; and to ȝirnen his grið. Line 13142 Ah for nauer nare speche; þas þreo eorles riche. Line 13143 nolden abiden; ær heo comen riden. Line 13144 forn to þas teldes deoren; þer-inne wes þe kaisere. Line 13145 Adun heo gunnen lihten ((& bitahten hore steden)) Line 13146 and swa heo iwepned mid alle; wenden in-to telde. Line 13147 forn to þan kaisere; þe Luces we[s] ihate. Line 13148 Þer he sæt an his bedde; heore ærnde heo him cudde. Line 13149 ælc his saȝe sæide; swa him sel þuhte. Line 13150 & hehten hine wenden; aȝæin to his londen. Line 13151 þat he nauere mid un-friðe; France; no isohte. Line 13152 Þa while þa þeos eorles þreo; seiden heore erende. Line 13153 a-set þe kaisere; swulc he akimed weore. Line 13154 and andsware nauer nan; no aȝæf þissen eorlen. Line 13155 ah he lustnede ȝeorne; luðer on his þohte. Line 13156 Þa an-bælh Walwain; swulc an iburst þein Line 13157 and þas word sæide; Walwain þe kene. Line 13158 Luces þe riche; þu ært kæisere of Rome. Line 13159 we beoð Arðures men; aðelest Brutten. Line 13160 He sent þe his sonde; wið-uten gretinge. Line 13161 he hat þe faren to Rome; þa riche is þin aȝen. Line 13162 let hine halden France; þe he biwon mid fehte. Line 13163 and hald þu richen; and þine Rom-leoden. Line 13164 While þine aldren; France ieoden. Line 13165 mid fehte heo þer biwunnen; unimete wunnen; Line 13166 swa ane while heo þer l[i]ueden; and seoðen heo hit leoseden. Line 13167

Line 13167 mid fehte Ar[ð]ur hit biwon; and he hit wule walden. Line 13168 He is ure lauerd; we beoð his leod-kempen. Line 13169 He us hæhte suggen; soð to þe seoluen. Line 13170 ȝif þu nult aȝen buȝen; þ[i] bone he wule iwurðen. Line 13171 and ȝif þu nult aȝen wenden; ah iwurðien þin iwillen. Line 13172 and þu wult þat kinelond; bi-tellen to þire hond. Line 13173 nu to-morȝen is þe dæi; haue ȝif þu biȝete mæi; Line 13174 Þæ andswarede þe kaisere; mid grættere wræððe; Line 13175 Nulle ich noht aȝæin faren; ah France ich wulle bi-tellen. Line 13176 mine ældren hit heolden; and ich hit wulle habben. Line 13177 Ah ȝif he wolde bi-cumen mi mon; & for lauerd me icnawen. Line 13178 & treouliche me heren; & me for hærre halden. Line 13179 griðien ich him wulle; & his gumen alle. Line 13180 and lete halde Brut-lond; þæ Iulius hafde in his hond. Line 13181 & oðere londes monie; þe Iulius hafde an honde. Line 13182 þat he naueð nane rihte to; þæ riche þæh he walde. Line 13183 þa he scal alle leose. buten he leoð makie. Line 13184 Þa andswarede Walwain; þæ wes Arðures mæi. Line 13185 Belin & Brenne; beiȝene þa ibroðere. Line 13186 Brut-lond heo ahten; and France heo biwunnen. Line 13187 and seoððen heo uerden sone; and biȝeten Rome. Line 13188 and þer heo wuneden seoððe; wel feole ȝere. Line 13189 Þa þis wes al iuare; þa wes Brennes kæisere. Line 13190 and walde Rom-leoden; and alle þa þeoden. Line 13191 And Rome is ure icunde; þa þu haldest an honde. Line 13192 and ȝif we mote libben; we hit wulleð habben. Line 13193 beute ȝif þu wulle icnawen beo; þat Arður is king ouer þe. Line 13194 and ælche ȝere him senden; gæuel of þine londen. Line 13195 and ȝif gæst him a leoð; þu miht libben þa eð. Line 13196 Þa sæt bi þan kaisere; a cniht of his cunne. Line 13197 Quencelin ihaten; hæh mon inne Rome. Line 13198 Þes cniht andswarede; biuoren þan kaisere. Line 13199 & þus him seide; þe cniht was unisele. Line 13200