Layamon's Brut (British Museum Ms. Cotton Caligula A.IX)

Lines 12901 through 13000

wanede hire siðes; þat heo wæs on liues Line 12901 þat set bi þan fure; mid reolichen ibere. Line 12902 & sæt & bi-heold æuere; ænne burinæsse. Line 12903 and hire ȝeddes sæide; ȝeomere stefne. Line 12904 Wale Eleine; wale deore maide. Line 12905

Line 12905 wale þat ich þe uedde; þat ich þe uostredde. Line 12906 wale þat þæ wald-scaðe; here þe haueð þus for-uare. Line 12907 wale þat ich wes iboren; mine leomen he haueð to-broken. Line 12908 Þa bi-sæh þat wif abuten; whar þe eotend come buȝen. Line 12909 bi-seh a þene eorl Beduer; þa icumen wes þer. Line 12910 Þa sæide þat wif here; þer heo sæt bi fure. Line 12911 Whæt ært þu fære whit; eært þu angel eært cnih[t]. Line 12912 beoð þine feðer-heomen; ihaneked mid golden. Line 12913 Ȝif þu ært of heuene; þu miht isund faren heonene. Line 12914 and ȝif þu ært eorðlic cniht; ærm þu iwurðest forð-riht. Line 12915 For nu anan cumeð þe scaðe; þe alle þine leomen wule to-draȝen. Line 12916 þeh þu weore stel al; he þe awalt iwildel. Line 12917 He uerde to Brutaine; to að[el]est alre bolde; Line 12918 to Howeles castle; hæh mon inne Brutene. Line 12919 þa ȝaten alle he to-brac; and binnen he gon wende. Line 12920 He nom þare halle wah; and helden hine to grunde. Line 12921 þæs bures dure he warp adun; þat heo to-barst a uiuen. Line 12922 he funde i þan buren; fæirest alre bruden. Line 12923 Eleinen wes ihaten; aðelest kunnen. Line 12924 Howeles dohter; hæh mon of Brutene. Line 12925 Arðures maȝe; of swiðe heȝe cunne. Line 12926 Ich wes hire uoster-moder; and feire heo uostredde. Line 12927 Þer þe eotend unc ifeng; forð mid him-seoluen. Line 12928 fiftene mile; Line 12929 into þisse wilde wude. hider to þissen ilke stude; Line 12930 þus he us diste; to-dæi a seouen nihte. Line 12931 Sone swa he hider com; swa he þat maide inom. Line 12932 he wolde mon-radene; habben wið þan maidene. Line 12933 Ælde næfde heo na mare; buten fihtene ȝere. Line 12934 ne mihte þat maiden; his mone i-þolien. Line 12935 anan swa he lai hire mide; hire lif heo losede sone. Line 12936 & her he heo bi-burede; burden alre hendest. Line 12937 Eleine min aȝen uoster; Howelles dohter. Line 12938 Þa [h]e hafde þis idon; swa me seoluen inom. Line 12939 a uolden he me laiden; and lai mid me seoluen. Line 12940 nu hafeð he mine ban alle; lad-liche a-brokene. Line 12941 mine leomen al to-leðed. mi lif me is a-laðed. Line 12942 Nu ich habbe þe itald; hu we beoð her ihæd. Line 12943 flih nu swiðe; lest he þe ifinde. Line 12944 for ȝif he cumeð a-bolȝen; mid his balu-ræsen. Line 12945

Line 12945 nes he neuere iboren; þe maȝen stonden þe biuoren. Line 12946 Efne þissen worden; þa þat wif seide. Line 12947 Beduer heo gon hirten; mid hende-liche worden. Line 12948 Leofe moder ich æm mon; and cniht æm wel idon. Line 12949 and ich þe wule suggen; þurh soðe mine worden. Line 12950 næs nan kempen i-boren; of nauer nare burden. Line 12951 þat mon ne mæi mid strenðe; stupen hine to grunde. Line 12952 & hire þe ane alde wifmon; swiðe lutle beoð þine mæhten. Line 12953 Ah hafuen nu swiðe godne dæi; and ich wulle faren minne wæi. Line 12954 Adun him ferde Beduer; to his duȝeðe-kinge. Line 12955 and talde him hu he hafde kare; and hu he hafde al ifare. Line 12956 and what þat wif alde; of þan maidene him talde. Line 12957 and hu þe eotend ælche dæi; bi þan alde wiue lai. Line 12958 Þer heo heom bi-twenen; heolden heore runen. Line 12959 hu heo mihten taken on; þat þe scucke weore fordon. Line 12960 Þeo while com þe eoten[de] faren; and fusden to hi[s] fure. Line 12961 he bar uppen his rugge; burðene grete. Line 12962 þat weore twælf swine; iteied to-somne; Line 12963 mid wiðen swiðe grete, y-wriðen al to-gadere; Line 12964 Adun he warp þa dede swin; & him-seolf sæt þer-bi. Line 12965 his fur he beten a-gon; & muchele treowen læiden on. Line 12966 þa six swin he to-droh; & euere he to þan wiue loh. Line 12967 & sone umbe while; he lai bi þan wife. Line 12968 ah he nuste noht þan tidende; þat comen to his wife-þinge. Line 12969 He droh ut his gleden; his flæsce he gon breden; Line 12970 and þa six swin he gon æten alle; ær he arise of selde. Line 12971 al biwaled on axen; wanliche weoren þa sonden. Line 12972 and seoððen he gon ræmien; and raxlede swiðe. Line 12973 & adun lai bi þan fure; & his leomen strahte. Line 12974 Lete we nu þene eotend bi-lafuen; and atlien to þan kinge. Line 12975 Arður at þan watere; his wapnen ((nom)) an honde. Line 12976 & þe eorl Beduer; god cnih[t] wis and war. Line 12977 and þe þridde wes Kæi; þes kinges stiward & his mæi. Line 12978 Ouer þan watere heo comen; iwepned mid þan bezsten. Line 12979 & stiȝen up þan hulle; mid allen heore maine. Line 12980 þat heo comen fusen; a-neuste þan furen. Line 12981

Line 12981 þer þe eotende lai and slæp; & þa quene sæt and weop. Line 12982 Arður hine teh bi-siden his iferen. Line 12983 for-bad heom bi heore leomen; & bi heore bare liuen. Line 12984 þat nan neoren swa kene; þat heom neh comen. Line 12985 buten he iseȝen; þat hit ned weoren; Line 12986 Beduer at-stod him þere; and Kæi his iuere. Line 12987 Arður gon stepe vorð; stið-imoded kempe. Line 12988 þat he com to þan ulette; þer þe feond lai and slæpte. Line 12989 Æuere wes Arður; ærhðe bideled. Line 12990 þet wes sutel þer-on; sellic þah hit þunche. Line 12991 for Arður mihte þere; þene eotende al to-hæuwe. Line 12992 slan þene scucke; þer he lai & slapte. Line 12993 Þa nolde Arður on slepen; na wiht hine areppen. Line 12994 leste he an uferre daȝe; up-bræid iherde. Line 12995 Þa cleopede Arður anan; aðelest kingen. Line 12996 Aris aris feond-scaðe; to þine fæie-siðe. Line 12997 nu wit scullen delen; þene dæd of mire maȝen. Line 12998 Ær þe king hæfde; þæs ful isæide. Line 12999 þe eotend up a-sturte; & igrap his mucle clubbe. Line 13000