Layamon's Brut (British Museum Ms. Cotton Caligula A.IX)

Lines 12801 through 12900

þe king his folc hehte; herberwe isechen. Line 12801 an badien þe king wolde; þat his folc come; Line 12802 Nes he þere buten ane niht; þa com him to an hende cniht. Line 12803 he talde tidinge Arðure þan kinge. Line 12804 he seide þat þer wes icumen; a scaðe liðe. Line 12805 of westward Spaine; wel [d]reori feond Line 12806 and inne Brutaine. bisi wes to harme; Line 12807 bi þere sæ-side. þet lond he weste wide; Line 12808 nu hit hatte Munt Seint Michel; þat lond ewelde. iwidel. Line 12809 Lauerd king queð þe cniht; to soðe ich þe cuðe her-riht. Line 12810 he hafueð inome þine maȝe; mid hahliche strenðe. Line 12811 heȝe wimmon i-boren; Howeles dohter icoren. Line 12812 Eleine wes ihaten; aðelest maidenen. Line 12813 To þan munte he heo uerede; aðelest maidene; Line 12814 nu fulle feowertene niht; þe feond heo hafueð ihalden þer-riht. Line 12815 nute we on liue; þeh he heo nabbe to wife. Line 12816 Alle he makeð him to mete; þa men þa he i-gripeð. Line 12817 ruðeren hors & þa scep; gæt and þa swin eke. Line 12818 al þis lond he wule for-fare; buten þu afeollen ure kare. Line 12819 lond and þas leode; a þe is ure neode. Line 12820 Ȝet þe cniht seide; to þan uolc-kinge. Line 12821 I-sihst þu lauerd þe munt; and þene wude muchele. Line 12822 þer wuneð þe scaðe inne þa scendeð þas leode. Line 12823 We habbeð wið him iuohten; wel feole siðen. Line 12824 bi sæ & bi londe; þes leoden he amærde. Line 12825 ure scipen he aseingde; þat folc he al adrente. Line 12826 þeo þat feuhten a þan londe; þeo he adun leide. Line 12827 we habbeoð idriuen þat swa longe; þat we hine læteð ane. Line 12828 faren heu swa he wule; after iwille him; Line 12829 þis lond-cnihtes ne durren; wið him mare na fehten. Line 12830 Arður þis iherde; aðelest alre kinge. Line 12831

Line 12831 he cleopede him to. þene eorl Kæi; þe wes his stiward and his mæi. Line 12832 Beduer eke; to him he cleopede. he wes þes kinges birle. Line 12833 He hæhte heom forð-riht; beon al war to midder-niht. Line 12834 mid alle heore wepne; to wenden wið þan kinge. Line 12835 þat na mon under Criste; of heore uare nuste. Line 12836 buten Arður þe king; and þa tweien cnihtes mid him. Line 12837 and heore sweines sixe ohte men and wihte. Line 12838 and þe cniht þe radde; hit þan king. heom ladde. Line 12839 To þere mid-nihte; þa men weoren aslepe. Line 12840 Arður forð him wende; aðelest alre kinge. Line 12841 Bi-foren rad heore lo[n]d-cniht; þat hit was dæiliht; Line 12842 heo lihten of heore steden; and rihten heore i-weden. Line 12843 Þa iseȝen heo nawiht feorren; a muchel fur smokien. Line 12844 uppen ane hulle; mid sæ-ulode bi-uallen. Line 12845 and an-oðer hul þer wes swiðe heh; þæ sæ hine bifledde. ful neh. Line 12846 þer-uuen-on heo iseȝen a fur; þat wes muchel and swiðe stor. Line 12847 Þæ cnihtes þa tweoneden; to whaþere heo faren mihten. Line 12848 þet þe eotend war neore; of þeos kinges fore. Line 12849 Þa nom him to rede; Arður þe ræȝe. Line 12850 þat heo sculden somed faren; aneosten þan ane furen. Line 12851 and ȝif hine þer funden; a-quellen hine to deðen. Line 12852 Forð þe king wende; þat he com aneuste. Line 12853 noht he þer ne funde. bute a muchel fur þer berninde. Line 12854 Arður eode abute; & his cnihtes bi his siden. Line 12855 na whit heo ne funden; quikes uppen wolden. Line 12856 buten þat fur muchele; and ban vnimete. Line 12857 bi atlinge heom þuhte; þritti uoðere. Line 12858 Arður þa nuste. nenne red godne Line 12859 & bi-gon him to spekene. to Beduer his eorle. Line 12860 Beduer far biliue; a-dun of þissen hulle. Line 12861 and wend þe ouer þat water deope; mid allen þine iwede; Line 12862 and mid wisdome; wend to þan fure. Line 12863 and bi-halues þe iga; and bi-hald ȝeorne. Line 12864 ȝif þu miht a-finden; oht of þan feonden. Line 12865 And ȝif þu hine miht of-ȝiten; on aiȝes cunnes wisen. Line 12866 wend adun stille; þat cume to þan watere. Line 12867 & seien me þer sone; what þu i-seȝen habbe. Line 12868 and ȝif hit ilimpeð swa; þat þu liðen to þan fure. Line 12869

Line 12869 & þe feond þe of-ȝite; and þu to fuse. Line 12870 hafe mine godne horn; þe al mid golde is ibon. Line 12871 and blawe hine mid maine; swa mon scal for neode. Line 12872 and fus þe to þan feonde; and bigin to fihten. Line 12873 & we þe scullen fusen to; swa we hit swiðest maȝen don. Line 12874 And ȝif þu hine i-findest; aneouste þan fure; Line 12875 and þu al un-aȝeten aȝein miht iwende. Line 12876 þenne for-beode ich þe; bi þine bare life. Line 12877 þat þu nauere wið þene scucke; feht no biginne. Line 12878 Beduer iherde; what his lauerd him seide. Line 12879 his wepnen he on him dude; and forð him iwende. Line 12880 and up a-stæh þene munt; þe is uni-mete. Line 12881 He bar an his honde; ænne gære swiðe stronge. Line 12882 ænne sceld an his rugge; i-rust al mid golde. Line 12883 hælm an his hafde; hehne of stele. Line 12884 his bodi wes bifeong; mid fæire are burne. Line 12885 he hafde bi his side; enne brond al of stele. Line 12886 and forð he gon steppen; stið imainede eorl. Line 12887 þat he com fusen; an neouste þan furen. Line 12888 and he under ane treo; gon him at-stonden. Line 12889 Þa iherde he wepen; wunder ane swiðen. Line 12890 wepen and weinen; and wanliche iberen. Line 12891 Þa þe cniht wende; þat hit þe eotend weoren. Line 12892 and he an-bursten agon; swulc weore a wilde bar. Line 12893 and forȝæt sone; þat his lauerd him sæide. Line 12894 His sceld he bræid on breoste; his spere he igrap faste. Line 12895 and an neoste gon fuse; touward þan fure. Line 12896 he wende to finden; þene feond sturne. Line 12897 þat he fehten mihte; and fondien hine seolue. Line 12898 Þa fond he þer ane quene; quecchen mid hafde. Line 12899 heor-lockede wif; weop for hire wei-sið. Line 12900