Layamon's Brut (British Museum Ms. Cotton Caligula A.IX)

Lines 12701 through 12800

fifti þusend cnihtes kene; and ohte men to fihte. Line 12701 Howel of Brutaine; cnihtes mid þan bezste. Line 12702 ten þusend la[d]de; of his leod-folke. Line 12703 Of ganninde monnen; þa heo forð wenden. Line 12704 þurh nane cunnes spelle; ne cuðe heom na mon telle. Line 12705 Arður þa hehte; aðelest kinge. Line 12706 to ane isette time; þat folc isomnien Line 12707 bi heore bare lifen. at Barbe-fleote; Line 12708 & þer he wolde gædere. sele his þede. Line 12709 Þis lond he bi-tahte; ane sel-cuðe cnihte. Line 12710 he wes Walwain%nes broðer; næs þer nan oðer. Line 12711 Moddred wes ihaten; forcuðest monnen. Line 12712 treouðe nefde he nane; to nauer nane monne. Line 12713 he wes Arðures mæi; of aðelen his cunne. Line 12714 ah cniht he wes wunder god. & he hafde swiðe muchel mod. Line 12715 Arðures suster sune; to þere quene wes his iwune. Line 12716 þat wæs ufele idon; his æme he dude swike-do[m]. Line 12717 Ah al hit wes stille; in hirede and in halle. Line 12718 for na man hit ne wende. þat hit sculde iwurðe. Line 12719

Line 12719 ah men to soðe i-wenden; for Walwain wes his broðer. Line 12720 þe alre treoweste gume; þe tuhte to þan hirede. Line 12721 þurh ((Wal))wain. wes Modræd; monnen þa leouere. Line 12722 and Arður þe kene; ful wel him iquemde. Line 12723 He nom al his kinelond; & sette hit Moddræd an hond. Line 12724 and Wenhauer his quene wurðlukest wiuen. Line 12725 þa þe in þissere leode; wunede; an londe. Line 12726 Arður bi-tahte; al þat he ahte. Line 12727 Moddrade and þere quene; þat heom was ique[m]e. Line 12728 Þat was ufele idon; þat heo iboren weoren. Line 12729 þis lond heo for-radden; mid ræuðen uniuoȝen. Line 12730 and a þan ænden heom-seoluen; þe Wurse gon i-scenden. Line 12731 þat heo þer for-leoseden; lif and heore saulen. Line 12732 and æuer seoððe laðen; in auer-ælche londe. Line 12733 þat nauer na man nalde; sel bede beoden for heore saule. Line 12734 for þan swike-dome; þat he dude Ar[ð]ure his æme. Line 12735 Al þat Arður ahte; he Moddrede bitahte. Line 12736 lond and his leoden; & leofen his quene. Line 12737 and seððen he nom his ferde; of folken swiðe hende. Line 12738 and ferde ful sone; touward Suð-hamtune. Line 12739 Þer comen seilien sone; ȝeond þa sæ wide. Line 12740 scipes uniuoȝe; to þas kinges folke. Line 12741 þe king þat folc beide; ȝeond þa scipen longe. Line 12742 bi þusend & bi þusend; to þan scipen þrasten. Line 12743 þe uader weop a þene sune; suster a þene broðer. Line 12744 moder a þa dohter; þa þa duȝeðe sturede. Line 12745 Weder stod on wille; wind wex an honde; Line 12746 ankeres heo up droȝen; drem wes on uolken. Line 12747 Wunden in-to widen sæ; þeines wunder bliðe. Line 12748 scipen þer forð þrungen; gleo-men þer sungen. Line 12749 seiles þer tuhten; rapes þer rehtten. Line 12750 wederen alre selest; and þa sæ sweuede. Line 12751 For þere soft-nesse; Ar[ð]ur gon to slæpen. Line 12752 Alse þe king slepte; a sweuen him ((i))mette. Line 12753 feorlic wes þat sweouen. þene king hit auerde; Line 12754 þa þe king him awoc; swiðe he wes idræcched. Line 12755 and granen agon; ludere stefenen. Line 12756 Næs þer nan swa þriste; cniht under Criste. Line 12757

Line 12757 þat durste þene king fræine; of his fare-coste. Line 12758 ær þe king him-seolf speke; and spilede wið his beornen þere. Line 12759 and þus Ar[ð]ur him seide; þa he awoc of slæpe. Line 12760 Lauerd Drihten Crist; domes waldende. Line 12761 midelarde mund; monnen froure. Line 12762 þurh þine að-mode wil; walden ænglen. Line 12763 let þu mi sweuen; to selþen iturnen. Line 12764 Þa spac Angel þe king. Scottene deorling. Line 12765 Lauer[d] sæi us þi sweuen; seleȝehðe us beo ȝeueðe. Line 12766 Bluðeliche quað þe king; to blisse hit iwurðe. Line 12767 Þer ich lai a sweuete; agan ich forto slepe. Line 12768 me þuhte þat in þere weolcne; com an wunderlic deor. Line 12769 æst in þan leofte; ladlic an sehte. Line 12770 wið leite mid storme. sturn-liche wende. Line 12771 nis in nare leode; nan swa lad-lic beore. Line 12772 Þa com þer westene; winden mid þan weolcnen. Line 12773 a berninge drake; ((burh))[ȝes he] ((suel))[de] Line 12774 mid his feure he lihte. al þis lond-riche; Line 12775 me þuhte a mire sihȝeðe. þat þa sæ gon to berne; Line 12776 of leite & of fure. þa þe drake ferede; Line 12777 Þes drake and beore. beien to-somne. Line 12778 radliche sone; to-gadere heo come; Line 12779 heo smiten heom to-gaderen; mid feondliche ræsen. Line 12780 [f]loȝen of heore hæȝene; swulc fur-burondes. Line 12781 Ofte wes þe drake buuen; and eft seoððen bineoþen. Line 12782 neoðeles a þan ænde; heȝen he gon wende. Line 12783 and he flah dun-rihte; mid feond-liche ræsen. Line 12784 and þene beore he ismat. þat he to þere eorðe iwhat. Line 12785 and he þer þene beore of-sloh; and hine lim-mele to-droh. Line 12786 Þa þat feht wes ido; þe drake aȝen wende. Line 12787 Þis sweuen me imette; þer ich lai and slapte. Line 12788 Biscopes þis iherden; & boc-ilærede men. Line 12789 þis iheorden eorles; þis iherden beornes. Line 12790 ælc bi his witte; wisdom sæiden. Line 12791 þis sweuen aræhten; Line 12792 Ne durste þer na cniht; to ufele ræcchen na wiht. Line 12793 leoste he sculden leosen; his leomen þat weoren him deore. Line 12794

Line 12794 Forð heo gunnen liðen; an eouste bilife. Line 12795 wind heom stod on wille; selest alre wedere. Line 12796 heo hæfden al þat heom wes neod; to londen heo comen at Barbe-fleot. Line 12797 To Barbe-fleot at Costentin; þer com muchel moncun in. Line 12798 of alle þan londe; þa Arður hafde an honde. Line 12799 Swa sone swa heo mihten; ut of scipe heom rehten. Line 12800