Layamon's Brut (British Museum Ms. Cotton Caligula A.IX)

Lines 12501 through 12600

þurh rihte icunde; of Beline kinge. Line 12501 and of Brennen his broðer; þan duc of Burgunne. Line 12502 Þeos weoren ure ældre; þa we beoð of icumene. Line 12503 þeos bilæie Rome; and þa riche al bi-wunnen. Line 12504 & biuoren Rome þere stronge; heore ȝisles an-henge. Line 12505 and seoððen heo nomen al þat lond; and setten hit an heore aȝere hond. Line 12506 and þus we mid rihte ahten; Rome us biriden. Line 12507 Nu ich wulle leten Belin; and Brenne bilæuen. Line 12508 and speken of þan kaisere; Costantin þan stronge. Line 12509 he wes Helene sune; al of Brutten icume. Line 12510 he biwon Rome; and þa riche a-welde; Line 12511 Lete we nu of Costantin; þe Rome iwon al to him. Line 12512 and speken of Maximiæn; þat was a swiðe stro[n]g mon. Line 12513 he wes king of Brutene; he biwon France. Line 12514 Maximien þe stronge; Rome he nom an honde. Line 12515 and Alemaine he biwon eke; mid wunder muchele strengðe. Line 12516 and al from Romayne; into Normandie. Line 12517 And þeos weoren mine ælderen mine aððele uore-genglen. Line 12518 and ahten alle þa leoden; þa into Rome leien. Line 12519 and þurh swuche dome; ich ahte to biȝeten Rome. Line 12520 Heo ȝirneð me an honde; gauel of mine londe. Line 12521 al swa ic wille of Rome; ȝif ich ræd habbe. Line 12522 Ich wilnie a mine þonke; to walden al Rome. Line 12523 and he wilneð me in Brutene; to binde swiðe uaste; Line 12524 and slæn mine Bruttes; mid his balu-reses. Line 12525 Ah ȝif hit on mi Drihten; þe scop dæiȝes and niht%ten. Line 12526 he scal his balde ibeot; sære abuggen. Line 12527 & his Rom-leoden; þer-fore scullen reosen. Line 12528 and ic wulle ræh beon; þer he nu rixleð on. Line 12529 Wunieð nu stille alle; ic wulle suggen mine iwille. Line 12530 ne scal hit na man oðer i-don; ah hit scal stonden þer-on. Line 12531

Line 12531 He wilneð al; and ich wilni al; þæt wit beiene aȝæð. Line 12532 habben hit nu and aȝe; þe hit æð mæȝen iwinne. Line 12533 for nu we scullen cunne. wham hit Godd unne. Line 12534 Þus spac þe balde; þe Brutene hafde an onwalde. Line 12535 þat wes Arður þe king; Bruttene deorling Line 12536 Setten his kempen; and his quides lusten. Line 12537 summe heo sæten stille; mucle ane stunde. Line 12538 summe heo muche runen; ræhten heom bitweonen. Line 12539 summe hit þuhte heom god; summe hit mengden heore mod. Line 12540 Þa heo hafden longe; i-lustned þan kinge. Line 12541 þa spac Howel þe hende; hah mon of Brutene. Line 12542 and his quides ræhte. bi-uoren raien þan kinge. Line 12543 Lauerd king hercne me; alse ich ær dude þe. Line 12544 Þu hafest i-sæid word soðe; selehðe þe beoð ȝifðe. Line 12545 Hit wes ȝare iqueðen; þat we nu sculleð cuðen. Line 12546 i þan iuurn ȝere; þat nu is ifunden here. Line 12547 Sibeli hit sæide; hire quides weoren soðe. Line 12548 and sette hit on bocke; uolke to bisne. Line 12549 þat þreo k[ing]es sculden buȝen; ut of Brut-londe. Line 12550 þa biwinnen sculden Rome; and al þa riche. Line 12551 and alle þa londes; þe [þ]er-to liggeð. Line 12552 Þe uorme wes Belin; þat wes a Brittisc king. Line 12553 þe oðer wes Costantin; þe king wes on Brutene. Line 12554 þu scalt beon þe þridde; þe Rome scal habben. Line 12555 And ȝif þu wult bi-ginnen; þu hit scalt biwinnen. Line 12556 and ich wulle þer-to helpe. mid haȝere strenðe; Line 12557 ich wulle ouer sæ sende. to selen mine þeinen. Line 12558 to balden mine Brutten. þa bet we scullen fusen. Line 12559 Ich wulle haten alle; þa aðele of Bruttain%ne. Line 12560 bi leomen and bi heore liue; ȝeond alle mine londe. Line 12561 þat heo beon ȝarewe sone; mid þe uaren to Rome. Line 12562 Mi lond ich wulle sette; to wedde for [s]eoluere. Line 12563 and alle þe æhten of mine londe; for seoluere and for golde. Line 12564 and swa we scullen uaren to Rome; & slan Luces þene kaisere. Line 12565 & bi-tellen þine irihten. I þe lede ten þusend cnihtes. Line 12566 Þus Howel spilede; hext of Brutaine. Line 12567 Þa þe Howel iseid hafde; þat him sel þuhte. Line 12568 þa spæc Angel þe king; Scotlondes deorling. Line 12569 and stod uppen ane boncke; & beien his broðeren. Line 12570

Line 12570 þat was Lot and Vrien; tweie swiðe aðele men. Line 12571 Þus Angel þe ki[n]g seide; to Arðure þan kene. Line 12572 Læuerd Arður ich sugge þe; þurh soðe quides mine. Line 12573 þat ilke þat Howel haf[eþ] ispeken; ne scal hit na man a-wreken. Line 12574 ah we hit scullen ilæsten; bi ure quicke liuen. Line 12575 And lauerd Arður þe hæhȝe; lust me ane stunde. Line 12576 c[l]eope þe to ræde; þine eorles riche. Line 12577 and alle þa hæxte; þa beoð in þine hirede. Line 12578 & bide heom þe suggen; mid soðen heore worden. Line 12579 whæt heo þe wulleð fulste; þine iuan to for-donne. Line 12580 Ich þe leden wulle; cnihtes of mire leode. Line 12581 þreo þusend kempen; ohte alle i-corene. Line 12582 ten þusend men auote; to uehte swiðe gode. Line 12583 and fare we to Rome; and iwinnen þa riche. Line 12584 Ful swiðe us mæi scomien; and ful swiðe us mai gromien. Line 12585 þat heo sculle senden sonden; after gauele to ure londe. Line 12586 Ah swa us helpe Drihte; þæ scop þas daȝes lihte. Line 12587 heo hit scullen abugge; mid heore bare liue. Line 12588 For þenne we habbeoð Rome; and alle þa riche. Line 12589 we scullen nimen þa londes; þa þer-to liggeð. Line 12590 Peoile and Alemaine. Lumbardie & Brutaine. Line 12591 France & Normandie; þa hit hæhte Neustrie. Line 12592 and swa we sculleð meðegie; heore mod vnimete. Line 12593 Þa þe king isaid hafde; þa andswarede alle. Line 12594 Iniðered wurðe þe ilke mon; þe þer-to nule helpen. Line 12595 mid ahten and mid wepnen; and mid alle his imihten. Line 12596 Þa wes Arðures hired; sturneliche awraððed. Line 12597 cnihtes an-burste weoren; þat alle heo gunnen biuien. Line 12598 Þa Arður iherd hafde; his hired iberen. Line 12599 þa cleopien agon; þe king wes abolȝen. Line 12600