Layamon's Brut (British Museum Ms. Cotton Caligula A.IX)

Lines 12401 through 12500

ȝif Arður ne leope to; swulc hit a liun weore. Line 12401 and þas word seide; wisest alre Brutten. Line 12402 Bilæueð bilaueð swiðe; þas cnihtes on liue. Line 12403 ne sceollen heo on mine hirede; nenne harm þolien. Line 12404 heo beoð hider iriden; ut of Rom-leoden. Line 12405 swa heore lauerd heom hehte; Luces is ihaten. Line 12406 Ælc mon mot liðen; þer his lauerd hine hateð gan. Line 12407 nah na man demen; erendes-mon to dæðen. Line 12408 bute he weoren swa ufele biwiten. þet he weore lauerd-swike. Line 12409 Ah sitteð adun stille; cnihtes inne halle. Line 12410 and ich me biræde wulle; of swulchere neode. Line 12411 wulc word heo scullen aȝen beren; to Luces þan kaiseren. Line 12412 Þa seten adun alle; þa duȝeðe on heore benche. Line 12413 and þa luding alæid; biuoren þan leod-kinge. Line 12414 Þa stod Arður him up; a[ð]elest kingen; Line 12415 and he cleopede him to; seouen sune kinges. Line 12416 eorles and beornes; & þa þe weoren baldest. Line 12417 and alle þa wiseste men; þa wuneden a þen folke. Line 12418

Line 12418 wenden in-to ane huse; þe wes biclused faste. Line 12419 an ald stanene weorc; stiðe men hit wurhten. Line 12420 þer men gunnen rune; his red-ȝeuen wise. Line 12421 wulc andswere he ȝiuen wolde; Luces þan kaisere. Line 12422 Þa iboȝen weoren alle; beornes to benche. Line 12423 þa wes hit al stille; þat wuneden inne halle. Line 12424 þer wes vnimete æie; mid mære þan kinge. Line 12425 ne durste þer na man speken; leste þe king hit wolde awreken. Line 12426 Þa stod þer up Cador; þe eorl swiðe riche ær. Line 12427 and þas word sæide; bifore þan riche kinge. Line 12428 Ich þonkie mine Drihte; þat scop þes dæies lihte. Line 12429 þisses dæies ibiden; þa to hirede is iboȝen. Line 12430 and þissere tidinge; þe icumen is to ure kinge. Line 12431 þat we ne þuruen na mare aswunden liggen here. Line 12432 For idelnesse is luðer; on ælchere þeode. Line 12433 for idelnesse makeð mon; his mon-scipe leose. Line 12434 ydel-nesse makeð cnihte; for-leosen his irihte. Line 12435 idelnesse græiðeð; feole uuele craften. Line 12436 idel-nesse makeð leosen; feole þusend monnen. Line 12437 þurh eðeliche dede; lute men wel spedeð. Line 12438 For ȝare we habbeoð stille ileien; ure wurð-scipe is þa lasse. Line 12439 ah nu ic þo[n]kie Drihtne; þæ scop þas daȝes lihte. Line 12440 þat Romanisce leoden sunden swa ræie. Line 12441 & heore beot makieð to cumen ure burhȝes. Line 12442 ure king binden; and to Rome hine bringen. Line 12443 Ah ȝif hit is soð þat men saið; alse segges hit telleð. Line 12444 þat Romanisce leoden; sunden swa ræȝe. Line 12445 and sunden swa balde; and swa balu-fulle. Line 12446 þat heo wulleð nu liðen; in-to ure londen. Line 12447 we heom scullen ȝarekien; ȝeomere spelles. Line 12448 heore ræh-scipe scal heom-seoluen; to reouþe iwurðen. Line 12449 For nauere ne lufede ich longe; grið inne mine londe. Line 12450 for þurh griðe we beoð ibunden; and wel neh al a-swunden. Line 12451 Þat iherde Walwain; þe wes Ar[ð]ures mæi. Line 12452 and wraððede hine wið Cador swi[ð]e; þa þas word kende. Line 12453 and þus andswærede; Walwain þe sele. Line 12454 Cador þu ært a riche mon; þine ræd%des ne beo[ð] noht idon. Line 12455 for god is grið; and god is frið; þe freoliche þer haldeð wið. Line 12456

Line 12456 and Godd sulf hit makede; þurh his Godd-cunde. Line 12457 for grið makeð godne mon; gode workes wurchen. Line 12458 for alle monnen bið þa bet; þat lond bið þa murgre. Line 12459 Þa iherde Arður; þat flit of þissen eorlen. Line 12460 and þus spac þe riche; wið raȝen his folke. Line 12461 Sitte adun swiðe; mine cnihte alle. Line 12462 and ælc bi his lifen; luste mine worden; Line 12463 Al hit wes stille; þat wunede inne halle Line 12464 Þa spak þe king balde; to riche his folke. Line 12465 Mine eorles mine beornes; balde mine þeines. Line 12466 mine duhti men; mine freond deoren; Line 12467 þurh eou ich habbe biwunnen; vnder þere sunnen. Line 12468 þat ich æm swiðe riche mon; reh wið mine feonden. Line 12469 gold ich habbe and gærsume; gumenen ich æm ælder. Line 12470 no biwan ich hit noht ane; ah dude we alle clæne. Line 12471 To moni feohte ich habbe eou ilad. and æuere ȝet weoren wel irad. Line 12472 swa þat feole kine-londes; stondeð a mine honde. Line 12473 ȝe beoð gode cnihtes; ohte men and wihte. Line 12474 þat ich habbe iuonded; i wel feole londen. Line 12475 Þa ȝet him spac Arður; aðelest kingen. Line 12476 Nu ȝe habbeoð iherd; hæȝe mine þeines; Line 12477 what Romanisce men; redeð heom bi-twenen. Line 12478 and wulc word heo sendeð us here; into ure londe. Line 12479 mid write & mid worde; wið grætere wræððe. Line 12480 Nu we mote bi-ðenchen; hu we ure þeoden. Line 12481 and ure muchele wurð-scipe; mid rihte maȝen bi-witeȝen. Line 12482 wið þis riche moncun; wið þas Rome-leoden. Line 12483 and andsware heom senden; mid aðelen ure worden. Line 12484 mid mucle wisdome; vre writ senden to Rome. Line 12485 & i-witen at þan kæisere; for whan he us ofcunnen. Line 12486 for whan he us mid þrætte; & mid hokere igræteð. Line 12487 Swiðe sære me gromeð; & vni[m]ete me scomeð. Line 12488 þat he at-wit us ure luren; þat we ifeorn habbeoð forloren. Line 12489 Heo suggeð þat Iulius Cesar hit biwon. mid compe i fehten. Line 12490 Mid strengðe and mid fehte; me deð feole vnrihte. Line 12491 for Cesar i-sohte Bruttene; mid baldere strengðe; Line 12492 no mihte Bruttes wið him; heore lond werien. Line 12493 ah mid stre[n]ðe heo eoden an hond; and bitahten him al heore lond. Line 12494

Line 12494 and þer-after sone; alle his men bicome. Line 12495 Sum ure cun heo hadden i-slaȝen; and sum mid horsen to-draȝen. Line 12496 summe heo ladde ibunden; ut of þissen londen. Line 12497 and þ[i]s lond biwunne; mid unrihte and mid sunnen. Line 12498 & nu axeð mid icunde; gauel of þissen londe. Line 12499 Al swa we maȝen don; ȝef we hit don wulleð. Line 12500