Layamon's Brut (British Museum Ms. Cotton Caligula A.IX)

Lines 12301 through 12400

For heo hafden on iqueðen alle; bi heore quike liue. Line 12301

Line 12301 þat heo wolden of ane heowen; heore claðes habben. Line 12302 Sum hafde whit sum hafden ræd; sum hafde god grene æc. Line 12303 and alches cunnes fah clað; heom wes wunder ane lað. Line 12304 & elche untuhtle; heo talden vn-wurðe. Line 12305 Þa hafde Ænglene ard; þat alre bezste here-word. Line 12306 and þis leodisce uolc æc; leofuest þan kinge. Line 12307 Þa wifmen hehȝe iborene; þa wuneden a þissen londe. Line 12308 hafden iqueðen alle; on heore quides soðe. Line 12309 þat nan lauerd taken nolde; inne þissere leode. Line 12310 næuer nænne cniht; neore he noht swa wel idiht. Line 12311 bute he icostned weoren; þrie inne compe. Line 12312 & his oht-scipen icudde; & i-fonded hine seolue. Line 12313 balde-liche he mitte þenne ȝirnen him brude. Line 12314 For þere ilke tuhtle; cnihtes weoren ohte. Line 12315 þa wif-men wel idone; and þa betere biwitene. Line 12316 þa weoren i Brutene; blissen inoȝe; Line 12317 Þa þe king iȝeten hafde. and al his mon-weorede. Line 12318 þa buȝen of burhȝe; þeines swiðe balde. Line 12319 alle þa kinges; and heore hereþringes; Line 12320 alle þa biscopes; and alle þa clærckes. Line 12321 alle þa eorles; and alle þa beornes. Line 12322 alle þa þeines; alle þa sweines; Line 12323 feire iscrudde; helde ȝeond felde. Line 12324 Summe heo gunnen ærnen; summe heo gunnen urnen. Line 12325 summe heo gunnen lepen; summe heo gunnen sceoten. Line 12326 summe heo wræstleden; and wiðer-gome makeden. Line 12327 summe heo on uelde; pleouweden vnder scelde. Line 12328 summe heo driuen balles; wide ȝeond þa feldes. Line 12329 Monianes kunnes gomen; þer heo gunnen driuen. Line 12330 & wha-swa mihte iwinne; wurðsciþe of his gomene. Line 12331 hine me ladde mid songe; at-foren þan leod-kinge. Line 12332 and þe king for his gomene; ȝæf him ȝeuen gode. Line 12333 Alle þa quene; þe icumen weoren þere. Line 12334 and alle þa lafdies; leoneden ȝeond walles. Line 12335 to bihalden þa duȝeðen; and þat folc plæie. Line 12336 Þis ilæste þreo dæȝes; swulc gomes & swulc plæȝes. Line 12337 Þa a þan ueorðe dæie; þe king gon to spekene. Line 12338 and aȝæf his gode cnihten; al heore rihten. Line 12339 he ȝef seoluer he ȝæf gold; he ȝef hors he ȝef lond. Line 12340 castles & claðes eke; his monnen he ique[m]de. Line 12341

Line 12341 þer wes moni bald Brut; biuoren Arðure. Line 12342 Nu comen to þan kinge; neouwe tidinde. Line 12343 Arður þe ba[l]de king; sat at ane borde. Line 12344 biuoren him seten kinges; and feole here-ðringes. Line 12345 biscopes and clærekes; and swiðe ohte cnihtes. Line 12346 Þer comen in-to halle; spelles seol-cuðe. Line 12347 þer comen twalf þeines ohte; mid palle bi-þehte. Line 12348 hæȝe here-kempen; hehȝe men on wepne. Line 12349 ælc hafde on heonde; grætne ring of golde. Line 12350 and mid æne bende of golde; ælc hafde his hæfd biuonge. Line 12351 Æuer tweie and tweie; tuhte to-somne. Line 12352 ælc mid his honde; heold his iuere. Line 12353 and gliden ouer ulore; biuoren Arðure. Line 12354 swa longe þat heo comen; bi-uoren Arðure. þan leod-kinge. Line 12355 Heo grætten Arður anan; mid aðelen heore worden. Line 12356 Hal seo þu Arður king; Bruttene deorling. Line 12357 and hal seo þi duȝeðe; and al þi driht-liche uolc. Line 12358 We sunden twælf cnihtes; i-cumen her forð-rihtes. Line 12359 riche and wel idone; we sundeð of Rome Line 12360 Hider we sunden. icumene; from ure kaisere. Line 12361 Luces is ihaten; þe waldoð Rome-leoden. Line 12362 he hahte us hider wende; to Arðure þan kinge. Line 12363 and þe hat græten; mid his grim worden. Line 12364 & sæið þat he awundred is; wunder ane swiðe. Line 12365 whar þu þat mod nime; a þisse middenerde. Line 12366 þat þu derst of Rome; wið-suggen æi dome. Line 12367 oðer hebben up þin eȝen; aȝein ure ældren. Line 12368 and wha hit þe durre ræden; þat þu swa reh ært. iwurðen. Line 12369 þat þu þrattien darst; domes walden. Line 12370 Luces þene kaisere. hexst of quicke monnen. Line 12371 Þu haldest al þi kine-lond; a þire aȝere hond. Line 12372 and nult noht þene kaisere; of londe ihere. Line 12373 of þan ilke londe; þe Iulius hafde an honde. Line 12374 þa inne iuurn daȝæn; biwon hit mid fehten. Line 12375 and þu hit hauest at-holde; a þire an-wolde. Line 12376 mid balden þine cnihten; binimest us ure irihten. Line 12377 Ah sæi us Arður sone; and word send to Rome. Line 12378 we sculleð bere þin ærde; to Luces ure kaisere. Line 12379 ȝif þu wult icnawen; þat he is king ouer þe. Line 12380

Line 12380 and þu his mon bicumen wulle; and hine for lauerd icnawen. Line 12381 and don riht þan kaisere; of Frolle þan kinge. Line 12382 þat þu mid woȝe; at Paris a-sloȝe. Line 12383 & nu haldest al his lond; mid unrihte a þire hond. Line 12384 Ȝif þu i þissen twælf wiken; temest to þan rihten. Line 12385 and þu wult of Rome; þolien æi dome. Line 12386 þenne miht þu libben; imong þine leoden. Line 12387 And ȝif þu swa nult don; þu scalt wursen vnder-fon. Line 12388 þe kaisere wule her cumen; swa king scal to his aȝen. Line 12389 king swiðe kene; and nimen þe mid strengðe. Line 12390 ibunden þe lede; biuoren Rom-leoden. Line 12391 þenne most þu þolien; þat þu ærst for-hoȝedest. Line 12392 Æfne þisse worden; Bruttes buȝen from borden. Line 12393 þer wes Ar[ð]ures hird; hehliche awraððed. Line 12394 and muchene að sworen; uppen mære ure Drihten. Line 12395 þat alle heo dede weoren; þa þeos arunde beden; Line 12396 mid horsen al to-draȝene. dæð heo sculden þolie; Line 12397 Þer heo buȝen to; Bruttes swiðe wraðe. Line 12398 luken heom bi uaxe; and laiden heom to grunde. Line 12399 þer weoren men Romanisce; reouliche atoȝene. Line 12400