Layamon's Brut (British Museum Ms. Cotton Caligula A.IX)

Lines 12201 through 12300

þa comen þa biscopes alle; biuoren heore kinge. Line 12201 and þa ærchebiscopes þreo; biuoren Arðure. Line 12202 and þene kine-helm nome; þa him wes icunde. Line 12203 and setten uppen his hafde; mid heȝere blisse. Line 12204 swa heo hine gunnen lede; al mid Godes rede. Line 12205 Seint Dubris eoden biuoren; he wes Criste icoren. Line 12206 þe ærche-biscop of Lundene; eode an his riht honden. Line 12207 and bi his luft side. þe [ilke] of Eouerwike Line 12208 Fiftene biscopes biuoren; of feole londen icoren. Line 12209 heo weoren bi-hangen alle; mid palle swiðe balde; Line 12210 þe weoren alle ibrusted. mid barninge golde. Line 12211 Þer feouwer kinges eoden; biuoren þan kaiseren. Line 12212 heo weȝe[den] on heore honde; feouwer sweord of golde Line 12213 Þus hehte þa an; þe wes a swiðe duhti mon. Line 12214 þat wes Cador þe king; Ar[ð]ures deorling. Line 12215 þe oðer of Scotlonde; sweord he weide an honde. Line 12216 & þe king of Norð Walles; & þe king of Suð Wales. Line 12217 and þus heo gunnen leden; þe king to chirechen. Line 12218 þeo biscopes gunnen singe. biuoren þan leod-kinge; Line 12219 bemen þer bleowen; bellen þer ringeden. Line 12220 cnihtes gunnen riden; wifmen forð gliden. Line 12221 To iwissen hit is isaid; and soð hit is ifunden. Line 12222 þat no isah no mon; nauer ær; mid eorðliche monne her. Line 12223 half swa hahne ric%che-dom; a nauer nane hepen. Line 12224 swa mid Arðure was aðeles cunnes. Line 12225 Into chirchen bi-com; Arður þe riche mon. Line 12226

Line 12226 Dubriz þe arche-biscop; Drihten him wes ful god. Line 12227 of Rome he wes legat; and of þan hirede prelat. Line 12228 he song þa hali masse; biuoren þan leod-kinge. Line 12229 Comen mid þere quene; wifmen wel idone. Line 12230 þere richchere monne wif alle; þe wunede on londe. Line 12231 and þere hehere monnen dohtere; þa quene hafden isohte. Line 12232 al swa þa quene hafde ihate; bi hire fulle wite. Line 12233 I þere chireche i þere s[u]ð halue; sat Arður þe king him-seolf. Line 12234 bi pere norð side; Wenhæiuer þa quene. Line 12235 Þer comen hire bi-foren; feouwer quenen i-coren. Line 12236 ælc bar on luft honde; enne beh of rede gold. Line 12237 & þreo snau-wh[i]te culueren; se[t]ten an heore sculderen. Line 12238 þæt weoren þa feouwer quenen; þere cnihte wifen. Line 12239 þa beren an heore heonden; þe feouwer sweordes of golde. Line 12240 bi-uoren Arðure; aðelest kingen. Line 12241 Moni mæide child. wes þere; mid mære þere quene. Line 12242 þær wes moni pal hende; on faire þan uolke. Line 12243 of monies cunnes londe; þer wes muchel onde. Line 12244 for ælc wende to beon; betere þene oðer. Line 12245 Feole cnihtes anan; comen to þere chirechen; Line 12246 summe for guðinge; summe for þan kinge. Line 12247 summe to bihalden; þa wifmen þat weoren balde. Line 12248 Songes þer weoren murie; þa ilaste swiðe longe. Line 12249 ich weone ȝif hit weore; ilast seoue ȝere. Line 12250 þa ȝet heo weolden mare; þe þer-at weoren. Line 12251 Þa þe masse wes isungen; of chircchen heo ðrunge. Line 12252 þe king mid his folke; to his mete uerde. Line 12253 mid mucle his duȝeðe; drem wes on hirede. Line 12254 Þa quene an oðer halue; hire hereberwe isohte. Line 12255 heo hafde of wif-monne; wunder ane monien. Line 12256 Þa þe king wes isete; mid his monnen to his mete. Line 12257 to þan kinge com þæ biscop; Seind Dubriz þe wes swa god. Line 12258 and nom of his hafde; his kine-hælm hæhne. Line 12259 for þan mucle golde; þe king hine beren nalde. Line 12260 & dude enne lasse crune; on þas kinges hafde. Line 12261 and seoððen he gon do; a þere quene al swo. Line 12262 Inne Troie þis wes laȝe; bi heore ælderne daȝe. Line 12263

Line 12263 þa Bruttes of come; þe weoren wel idone. Line 12264 alle þa wepmen; at heore mete seten. Line 12265 sundi bi heom-seoluen; þat heom þuhte wel idon. Line 12266 and al swa þa wifmen; heore i-wune hafden. Line 12267 Þa þe king wes isete; mid alle his duȝeðe. to his mete. Line 12268 eorles and beornes; at borde þas kinges. Line 12269 þe stiward com steppen; pe Kæy wes ihaten. Line 12270 hæxt cniht on londe; vnder þan kinge. Line 12271 of alle þan hæpe; of Arðures hirede. Line 12272 Kay hehte him biuoren; moni hæh mon icoren. Line 12273 þer weoren a þusen[d] cnihte((s)) bald; wunder wel i-talde. Line 12274 þat þeineden þan kingen; & his here-ðringen. Line 12275 ælc cniht hafde pal on; and mid golde bigon. Line 12276 and alle heore uingeres; iriuen mid gold ringes. Line 12277 Þas beorn þa sunde; from kuchene to þan kinge. Line 12278 An oðer half wes Beduer; þas kinges hæȝe birle. Line 12279 mid him weoren eorlene sunen; of aðele cunne iboren. Line 12280 and þere hehȝe cnihtene sunen; þa þider weoren icu[m]en. Line 12281 seouen kingene sunen; þat mid him quehten. Line 12282 Bedeuer a-uormest eode; mid guldene bolle. Line 12283 after him a þusend; þrasten to hirede. Line 12284 mid alle þas cunnes drenche; þe me cuðe on biðenche. Line 12285 And þa quene an hire ende; wifmen swi[ð]e hende. Line 12286 a þusend hire eode biuoren. riche men and wel icoren. Line 12287 to þæinen þere quene; and þa[i] þat mid hire weoren. Line 12288 Nes he næuere i-boren; of nane cnihte icoren. Line 12289 i-læred no læwed; a nauere nare. leode. Line 12290 þe cuðe him i-telle; an æies cunnes spelle. Line 12291 of halue þan riche-dome; þe wes inne Kairliune. Line 12292 of seoluere and of golde; and gode iweden. Line 12293 of hehȝe iborene monnen; þa inne hirede wuneden. Line 12294 of horsen and of hafueken; of hunden to deoren. Line 12295 and of riche iweden; þa a þan hirede weoren. Line 12296 & of alle þan folke; þe wuneden þer on folde. Line 12297 wes þisses londes folk; leodene hendest itald. Line 12298 & al swa þa wimmen; wunliche on heowen. Line 12299 and hah-lukest iscrudde; & alre bezst itoȝene. Line 12300