Layamon's Brut (British Museum Ms. Cotton Caligula A.IX)

Lines 12101 through 12200

and a White-sune-dæi; his folc þer isomnie. Line 12101 A þen ilke daȝen; men gunnen demen. Line 12102 þat nes i nane londe; burh nan swa hende. Line 12103 na swa wide cuð; swa Karliun bi Uske. Line 12104 buten hit weoren þa burh riche; þe Rome is ihaten. Line 12105 Þa ȝet wes mid þan kinge; moni mon an londe. Line 12106 þat quidde þa burh of Karlion; ricchere þene Rome. Line 12107 and þat Uske weore; selest alre wateren. Line 12108 Medewes þer weoren brade; bihalues þere burhȝe. Line 12109 þer wes fisc; þer wes fuȝel; and fæier-nesse inoȝe. Line 12110 þer wes wude and wilde deor; wunder ane monie. Line 12111 þer wes al þa murhðe; þe æi mon mihte of þenche. Line 12112 Ah nauer seoððen Arður þider bæh; þa burh seoððe no iþæh. Line 12113 no nauere ((ne)) mæi; bi-twene þis and Domes-dæi. Line 12114 Summe bokes suggeð to iwisse; þat þa burh wes biwucched. Line 12115 and þæt is wel isene; soð þat hit sunde. Line 12116 I þære burh weoren; twa munstres swiðe mære. Line 12117 þat an munstre wes of Seint Aaron; þer-inne wes muchel halidom. Line 12118 þat oðer of þan martir Seint Iuliæn; þe heh is mid Drihten. Line 12119

Line 12119 þer weoren nunnen wel idon; moni heh iboren wifmon. Line 12120 Þe biscop-stole wes at Sein[t] Aaron. per wes moni sel mon; Line 12121 canunes þer weoren; þe cuð weoren widen. Line 12122 þer wes moni god clarc; þe wel cuðe a leore. Line 12123 muchel heo ferden mid þan crafte; to lokien in þan leofte. Line 12124 to lokien i þan steorren; nehȝe and feorren. Line 12125 þe craft is ihate; Astronomie. Line 12126 Wel ofte heo þan kinge; seide of feole þinge. Line 12127 heo cudden him on leoden; what him sculde ilimpen; Line 12128 Swulc wes þe burh of Karliun. þer wes muchel ric%che-dom; Line 12129 þer wes muchel blisse; mid bisie þan kinge. Line 12130 Þe king nom his sonde; and sende ȝeond his londe. Line 12131 hæhte cumen eorles; hehte cumen beornes. Line 12132 hehte cumen kinges; and æc here-ðringes. Line 12133 hehte cumen biscop%pes; hehte cumen cnihtes. Line 12134 hahte alle þa freo-men; þa [e]uere weoren an londe. Line 12135 bi heore life hehte heom beon; a White-sune-dæi at Kærleon. Line 12136 Cnihtes gunnen riden; vnimete whiden. Line 12137 riden touward Kairliun; of feole cunne londen. Line 12138 To þan White-sunedæie; þer com þe king Angel. Line 12139 king of Scotlonde; mid sceone his folke. Line 12140 moni wes þe faire mon; þe folȝede þan kingen. Line 12141 Of Mureiue king Vrien; and his fæire sune Ywæin. Line 12142 Stater king of Suð Wales; and Cadwaðlan king of Norð Wales. Line 12143 Cador eorl of Cornwale. þa þe king luuede. Line 12144 Moruið of Glouchæstre; Maurin of Winchastre. Line 12145 Gurguint eorl of Herford; and Beof eorl of Oxeuord. Line 12146 Gursal þe balde; from Baðe þer com ride. Line 12147 Vrgent of Chastre; Ionatus of Dorchestre. Line 12148 Ærnald of Salesburi; and Kinmarc of Cantuareburi. Line 12149 Balien of Silechæstre; Wigein of Leirchæstre. Line 12150 Argal eorl of Warwic; mid folk swiðe sellic. Line 12151 Dunwale Apries sune; and Kegein. Elauðes sune. Line 12152 Kineus þer wes Coittes sune; & Cradoc Catelles sune. Line 12153 Ædlein Cledaukes sune; Grimarc Kinmarkes sune. Line 12154 Run Margoitt & Netan Clofard; Kincar. and Aikan. Line 12155

Line 12155 Kerin Neton. and Peredur. Madoc. Traher and Elidur; Line 12156 Þis weoren Arðures; aðele eorles. Line 12157 and þa haxte þeines ohte; of alle þissere þeode. Line 12158 wið-uten þan beornen of Arðures borden. Line 12159 þa na man ne mihte ikennen; ne al þat folc inemnen. Line 12160 Þa weoren ærchebiscopes þreo; inne þissere þeode. Line 12161 inne Lunden and in Eou%uerwic; and inne Karliun Sein[t] Dubric. Line 12162 he wes swiðe hali mon; þurh alle þinge wel idon. Line 12163 To Lundene læi þe ærchebiscop-stol; þe to Cantwareburi wes seo[ð]ðe idon. Line 12164 seo[ð]ðe Engliscemen; þis lond heom iwunnen. Line 12165 To tellen þat folc of Kairliun; ne mihte hit na mon idon. Line 12166 Þer wes Gillomar þe king; Irisce monnen deorling. Line 12167 Maluerus king of Islonde; Doldanet king. of Gutlonde. Line 12168 Kin[g] Kailin of Frislonde; Æscil king of Denelonde. Line 12169 Þer wes Loð þe kene; þe king wes bi Norðe. Line 12170 and Gonwæis Orcaneie king; ut-laȝen deor-ling. Line 12171 Þider com þe wilde; þe eorl of Builuine. Line 12172 Læȝer wes ihaten; and his leoden mid him. Line 12173 of Flandres þe eorl Howeldin; of Chæ[r]tres þe eorl Cherin. Line 12174 Þeos ferede mid him; al þat Frensce moncun. Line 12175 twalf eorles swiðe ræihe þe rixleden ouer France. Line 12176 Guitart eorl of Peiters; Kæi þe eorl of Angers. Line 12177 Beduw((e))ar eorl of Normandie; þat lond hehte þa Neustrie. Line 12178 of þe Mans com þe eorl Borel; of Brutaine þe eorl Howel; Line 12179 Howel eorl wes freo mon; and faire weoren his iwede. Line 12180 and al þat folc Frensce; bihongen weoren feire. Line 12181 i-wepned wel alle; and hors ho hafden uatte. Line 12182 Þer weoren bisides; fiftene biscopes. Line 12183 Nes na cniht ne na swein; ne oht mon þat weore þein. Line 12184 from þa porz of Spaine; to þan tune of Alemaine. Line 12185 þat þider i-comen nere; ȝif he iboden weore. Line 12186 al for Arðures æie; aðeles cunnes. Line 12187 Þa al þis hired wes icumen; ælc king mid his folke. Line 12188 þer me mihte bihalde; þe þer bi-halues weore. Line 12189

Line 12189 moni seolcu[ð]ne mon; þe isiȝen wes to burhȝen. Line 12190 and feole cunne tiðende; mid Arðure þan kinge. Line 12191 Þer wes moni sellic clað; þer wes moni cniht wrað. Line 12192 þer weoren herberȝe; hæh-liche awurðe. Line 12193 þer þa innes weoren; mid strengðe biwunnen. Line 12194 þer weoren on uelden; moni þusend telden. Line 12195 þer com spic and water; and aten vnimete. Line 12196 ne mai hit na mon suggen on his tale; of þan win and of þan ale. Line 12197 þer com hey þer com gras; þer com al þat god was. Line 12198 Þa al þis folc isomned was; at sele þan kingge. Line 12199 þa com þe White-sune-dæi; alse Drihten hine sende. Line 12200