Layamon's Brut (British Museum Ms. Cotton Caligula A.IX)

Lines 12001 through 12100

Arður nom his duȝeðe; and atwa heom to-dalde. Line 12001 and þa haluendæle; Howele bitætte. Line 12002 and hehte hine uaren sone; mid muchele þere uerde. Line 12003 mid Brutisce monnen; londes iwinnen. Line 12004 Howel dude al swa; alse Arður hine hehte. Line 12005 he biwon Barri; and alle þa londes þer-bi. Line 12006

Line 12006 Angou and Turuine; Aluerne and Gascunne. Line 12007 and þa hafuenes alle; þe herden to þan londes. Line 12008 Guitard þe duc hæhte; þe Peytouwe ahte. Line 12009 he nolde buȝen Howele; ah heold to-ȝæines him æuere. Line 12010 nolde he ȝirnen na grið; ah Howel him faht wið. Line 12011 ofte he uolc ualde; and ofte he ulem makede. Line 12012 Howel al þat lond weste; & of-sloh þa leode. Line 12013 Þa isæh Guitard; þe i Peitou wes lauerd. Line 12014 þat alle his leoden; him to lose eoden. Line 12015 wið Howele he grið makede; mid al his mon-weorede. Line 12016 and bicom Arðures mon; þas aðele kingen; Line 12017 Arður him warð liðe; and luuede hine swiðe. Line 12018 & hehte hine his; lond bruken; for he him bæh to foten. Line 12019 þa hafde Howel; hæhliche agunnen. Line 12020 Arður hafde France; and freoliche heo sette. Line 12021 he nom þa his ferde; and wende ȝeond þan ærde. Line 12022 to Burguine he wende; and sette hit an his honde. Line 12023 and seo[ð]ðen he gon liðen; in-to Loherne. Line 12024 and alle þa londes; sette him-seolue an honde. Line 12025 al þat Arður isæh; al hit him to bæh. Line 12026 and seoððen he wende ful iwis; aȝain ham to Paris. Line 12027 Þa hafde Arður France; mid gode griðe astalde. Line 12028 i-set and isemed; þat sel was an þeoden. Line 12029 þa hehte he þa cnihtes alden; þa he hafde ȝare at-halden. Line 12030 þat heo to þan kinge comen; and heore læn a-fængen. Line 12031 for heo feole ȝeren; hafden i-bon his iueren. Line 12032 Summen he ȝæf lond; summen seoluer and gold. Line 12033 summen he ȝæf castles; summen he ȝaf claðes; Line 12034 hehte heom uaren an wunne; and beten heore sunnen. Line 12035 for-bed heom to berne wap[n]en; for ælde heom eode ouenan. Line 12036 and hehte heom luuien swiðe; Godd in þissen liue. Line 12037 þat he an ende ful iwis; ȝefen heom his paradis. Line 12038 þæt heo mosten bruken; blisse mid ænglen. Line 12039 Alle þa cnihtes alde; foren to heore londe. Line 12040 and þa ȝunge bilæfden; mid leouen; heore kingen. Line 12041 Alle þa niȝen ȝere; Arður wuneden þere. Line 12042 niȝen ȝere he heold France; freoliche on honde. Line 12043 and seoððen na lengere; þat lond he ne walde. Line 12044

Line 12044 Ah þa while þe þat kinelond; stod an Ar[ð]ures hond. Line 12045 þinges seolcuðe; siȝen to þere þeode. Line 12046 monienne mod-fulne mon; Arður make((de)) milde. Line 12047 and monienne hehne mon; he helde to his foten. Line 12048 Hit wes an ane Æst%tere; þat men hafden iuaste; Line 12049 þat Arður ((an)) Æstere dæi hafde; his aðele men at-somne. Line 12050 al þat hæhste mon-cun; þat herden in-to Francen. Line 12051 & of alle þan londen; þe þider in læien. Line 12052 Þer he ȝette his cnihten; alle heore irihten. Line 12053 elc ane he ȝef æhte; alse he iærned hafde. Line 12054 Þus him iquað Arður; aðelest kingen. Line 12055 Kæi bisih þe hiderward; þu ært min haxte stiward. Line 12056 her ich Angou ȝiue þe; for þire wel-dede. Line 12057 and alle þa irihte; þe þide[r] in beoð idihte. Line 12058 Cneole me to Beduer; þu art min hexte birle her. Line 12059 þa while þa ich beo an liue; luuien ich þe wulle. Line 12060 her ich ȝiue þe Neustrie; aneuste mire riche. Line 12061 Þa hehte Neustrie; þat nu hatte Normandie. Line 12062 Þe ilke tweien eorles weoren; Ar[ð]ures deore men. Line 12063 at rede and at rune; an æuer-ælche tune. Line 12064 Þa ȝet him seide Arður; aðelest kingen. Line 12065 Wend þe hider Howel-din; þu ært mi mon and mi cun. Line 12066 haue þu Bulune; and bruc his on wunne. Line 12067 Cum%me ner Borel; þu art cniht wis and war. Line 12068 her ich þene Mans þe; mid monscipe bitæche. Line 12069 and bruc þu his on wunne; for þire wel-dede. Line 12070 Þus Arður þe king delde; his driht-liche londes. Line 12071 after heore iwurhte; for he heom þuhte wurðe. Line 12072 Þa weoren bliðe spelles; in Arðures hallen. Line 12073 þer wes harepinge and song; þe[r] weoren blissen imong. Line 12074 Þa Æstre wes aȝonge; and Aueril eode of tune. Line 12075 and þat gras was riue; and þat water wes liðe. Line 12076 and men gunnen spilien; þat wes Mæi at tune. Line 12077 Arður nom his folc feire; and to þere sæ uerde. Line 12078 and lette bonien his scipen; wel mid þan bezsten. Line 12079 & ferde to þissen londe; and up com at Londen. Line 12080 up he com at Lundene; leoden to blissen. Line 12081

Line 12081 Al hit wes bliðe; þat hine isæh mid eȝen. Line 12082 sone heo gunnen singe; of Arðure þan kinge. Line 12083 and of þere wurð-scipe muchele; þe he iwunne hafde. Line 12084 Þer custe uader þene sune; and seide to him wel-cume. Line 12085 dohter þa moder; broðer þene oðer. Line 12086 suster custe suster; þa softere heom wes an heorten. Line 12087 A monie hundred studen; stoden bi þan weie. Line 12088 folc fraini[n]ge; of feole cunne þingen. Line 12089 and cnihtes heom talden; of heore on-walden. Line 12090 and heore ȝeolp makeden of muchele biȝeten. Line 12091 Ne mihte na mon suggen; nære he na swa hende. mon. Line 12092 of halue þan blissen; þa weoren mid þan Brutten. Line 12093 Ælc ferde an his neode; ȝeond þas kine-þeode. Line 12094 from burhȝe to burhȝe; mid blissen uniuoȝe. Line 12095 and þus hit ane stu[n]de; stod a þan ilke. Line 12096 blisse wes on Brutene; mid balde þan kinge. Line 12097 Þa Æstre wes aȝeonge; and sumer com to londe. Line 12098 þa nom Arður his red; wið r[i]che his monnen. Line 12099 þat he wolde inne Karliun; bere his crune him on. Line 12100