Layamon's Brut (British Museum Ms. Cotton Caligula A.IX)

Lines 11901 through 12000

þat he com fuliwis; into þere burh of Paris. Line 11901 a west halue þan watere; mid mucle his genge. Line 11902 An æst hælf wes Frolle; mid muc%chelere ferde. Line 11903 Ȝaru to þan fehte; biforen his cnihtes alle. Line 11904 Arður nom ænne bat godne; & bæh þer an inne. Line 11905 mid scelde mid stede; and mid alle his iwede. Line 11906 and he þat scip stronge; scaf from þan lon((de)). Line 11907 and stop uppen þat æit-lond; and ladde his stede an his hond. Line 11908 his men þe hine þer brohte; alse þe king hehte. Line 11909 leten þene bat buȝen; forð mid þan vðen. Line 11910 Frolle into scipe ferde; þe king wes unuele. Line 11911 þat he auere þohte wið Arðure to fehte. Line 11912 Ferde to þan æite; mid aðele his wepnen. Line 11913 uppen þan æit he stop; & his stede him after droh. Line 11914 þeo men þe hine þer brohten; alse þe king hehte. Line 11915 lette þene bat fusen; forð mid þan vðen. Line 11916 and þa kinges tweien; ane þer wuneden. Line 11917 Þa me mihte bihalden; þe þer bihalues weoren. Line 11918 folc a þan uolde; feondliche adredde. Line 11919 heo clumben uppen hallen; heo clumben uppen wallen. Line 11920 heo clumben uppen bures; heo clumben uppe tures. Line 11921 þat comp to bihalden; of þan tweom kingen. Line 11922 Arðures men beden; mid muchele æðmoden. Line 11923 Godd þene gode; and þa hali his moder. Line 11924 þat heore lauerd þere; siȝe moste habben. Line 11925 and þa oðere eke; bede for heore kinge. Line 11926 Arður stop a stel boȝe; and leop an his blancke. Line 11927 and Frolle mid his i-wede; leop on his steden. Line 11928 þe an an his ænde. a þan æit-londe. Line 11929

Line 11929 and þæ oðer an his ænde; i þan æit-londe. Line 11930 heo quehten heore scaftes; kine-wurðe cnihtes. Line 11931 heo græneden heore steden; gode cnihtes heo weoren. Line 11932 Næs he næuere ifunde; a næuere nane londe. Line 11933 nan swa wiht-ful mon; þat hit wuste ær þan. Line 11934 whæðer of þan kingen; ouer-cumen sculde liggen. Line 11935 for beien heo weoren cnihtes kene; ohte men and wihte. Line 11936 muchele men on mihte; and a maine swiðe stronge; Line 11937 Heo muneȝeden heore steden. and tosomne gunnen riden; Line 11938 fusden feondliche. þat fur him sprong after; Line 11939 Arður smat Frolle; mid feond-stronge maine; Line 11940 uppen þene sceld hehȝe; Line 11941 and þe stede þe wes god; leop ut i þe ulod. Line 11942 Arður ut mid his sweorde; balu wes a þan orde. Line 11943 and puinden uppen Frolle; þer he wes an ulode. Line 11944 ær heore comp weore; icumen to þan ænde. Line 11945 Ah Frolle mid honde; igræp his spere longe. Line 11946 and kept Arður anan; alse he aneoust com. Line 11947 and þene stede balde; smat i þere breoste. Line 11948 þat þat spere þurh raf; and Arður adun draf. Line 11949 Þa aras þe mon-drem; þat þe uolde dunede a-ȝen. Line 11950 aqueðen þa weolcne; for reme of þan uolke. Line 11951 Þær Br((u))ttes wolden; ouer water buȝen. Line 11952 ȝif Arður up ne sturte; sterc-liche sone. Line 11953 and igræp his sceld godne; ileired mid golde. Line 11954 and to-ȝaines Frolle; mid feondliche lechen. Line 11955 breid bi-foren breosten; godne sceld brade. Line 11956 And Frolle him to fusden; mid his feond-ræse. Line 11957 and his sweord up ahof; and a-dun-riht sloh. Line 11958 and smat an Arðures sceld. þat he wond a þene feld. Line 11959 þe helm an his hæuede; and his hereburne. Line 11960 gon to falsie; foren an his hafde. Line 11961 & he wunde afeng; feouwer unchene long. Line 11962 heo ne þuhte him noht sær; for heo næs na mare. Line 11963 þat blod orn a-dun; ouer al his breoste. Line 11964 Arður wes abolȝe; swiðe an his heorte. Line 11965 and his sweord Caliburne; swipte mid maine; Line 11966 and smat Frolle uppen þæne hælm; þat he atwa helden. Line 11967

Line 11967 þurh-ut þere burne hod; þat hit at his breoste at-stod. Line 11968 Þa feol Frolle; folde to grunde. Line 11969 uppen þan gras-bedde; his gost he bi-læfde. Line 11970 Þa Bruttes lohȝen; ludere stefuene. Line 11971 and leoden to fleonen; feondliche swiðe. Line 11972 Ar[ð]ur þe riche; wende to londe. Line 11973 and þus cleopien agon; aðelest kingen. Line 11974 Whær ært þu Walwain; monne me leofest. Line 11975 Heot þas Rom-wæren alle; mid griðen liðen heonne. Line 11976 ælc mon bruke his ham; swulc Godd hit him on. Line 11977 hat ælcne mon; halde grið; uppen leome & uppen lif. Line 11978 and ich hit wulle dihten; to-dæi a seouennihte. Line 11979 hat þis folc þenne; liðen al to-somne. Line 11980 and cumen to me seoluen. þæ bet heom scal i-wur[ð]en. Line 11981 Heo scullen me mon-radene; mid mo[n]scipe fremmen. Line 11982 and ich heom wulle holden; a mine on-wolden. Line 11983 and setten i leode; laȝen swiðe gode. Line 11984 For nu scullen Romanisce laȝen; to þan gru[n]de reosen. Line 11985 þa iuurn here; stoden mid Frolle. Line 11986 þe lið on æite of-slaȝen; and idon of lif-daȝen. Line 11987 Her-after ful sone; scal his cun of Rome. Line 11988 heren tidinge; of Arðure þan kinge. Line 11989 for ich heom wulle wið speken; and Rome walles to-breken. Line 11990 & munegie heom hu king Belin; Bruttes ladde þider in. Line 11991 and iwon him þa londes alle; þat stondeð into Rome. Line 11992 Arður beh to þan ȝæte; forn at þere burȝe. Line 11993 comen wit-fulle men; þe þa burh biwusten. Line 11994 and Arður letten binnen; mid alle his monnen. Line 11995 bitahten him halles bitahten him castles. Line 11996 bitahten him ful iwis; al þa burh of Paris. Line 11997 þer wes muchel blissce; mid Brutisce uolke. Line 11998 Þe dæi sæh to burhȝe; þe Arður iset hafde. Line 11999 com al þa mon-weorede; and his men bicomen. Line 12000