Layamon's Brut (British Museum Ms. Cotton Caligula A.IX)

Lines 1001 through 1100

þat þer nas nan ende; of folke swiþe hende. Line 1001 Brutus hine bi-þohte; & þis folc bi-heold. Line 1002 bi-heold he þa muntes; feire & muchele. Line 1003 bi-heold he þa medewan; þat weoren swiðe mære. Line 1004

Line 1004 bi-heold he þa wateres; & þa wilde deor. Line 1005 bi-heold he þa fisches; bi-heold he þa fuȝeles. Line 1006 bi-heold he þa leswa; & þene leofliche wode. Line 1007 bi-heold he þene wode hu he bleou; bi-heold he þat corn hu hit greu. Line 1008 al he iseih on leoden; þat him leof was on heorten. Line 1009 Þa bi-þohte he on Troyȝen; þer his cun teone þoleden. Line 1010 and he li[ðd]e ȝeond þis lond; & scæwede þea leoden. Line 1011 He funde wunsum ane stude; vppen ane watere. Line 1012 þær he gon aræren; riche ane burhe. Line 1013 mid bouren & mid hallen; mid hæȝe stan walle. Line 1014 Þa þe burh wes i-maked; þa wes he swiðe mare. Line 1015 þa burh wes swiðe wel idon; & he hire sette name on. Line 1016 he ȝef hire to hire ((tir))fulne name; Troye þe Newe. Line 1017 to munien his ikunde; whone he icomen weore. Line 1018 Soððen þa leodene; longe þer-after. Line 1019 leiden adun þene noma; & Trinouant heo nemneden. Line 1020 Binnen feola wintre; hit iwerð seo[ð]ðen. Line 1021 þat aræs of Brutus kunne; þat was an heh king. Line 1022 Lud wes i-haten; þas burh he luuede swiðe. Line 1023 Þe king i þere burh wonede; swiðe feola wintre. Line 1024 he lette heo lude clepian; ȝond his leod-folke. Line 1025 hehte heo nemnen Kaerlud; æfter þone kinge. Line 1026 Seo[ð]ðen com oþer tir; & neowe tidinde. Line 1027 þat men heo clepeden Lundin; ouer al þas leode. Line 1028 Seoððen comen Englisce men; & cleopeden heo Lundene. Line 1029 Se[ð]ðen comen þa Frensca; þa mid fehte heo bi-wonnen. Line 1030 mid heora leodðeawe; & Lundres heo hehten. Line 1031 Þus is þas burh i-uaren; se[ð]ðen heo ærest wes a-reræd. Line 1032 þus is þis eit-lond; i-gon from honde to hond. Line 1033 þet alle þa burhȝes; þe Brutus iwrohte. Line 1034 & heora noma gode; þa on Brutus dæi stode. Line 1035 beoð swiðe afelled; þurh warf of þon folke. Line 1036 Þa Brutus hefde imaked þa hehȝe burh; þa Neowe ((Troie)) was ihaten. Line 1037 & he lette fusen þar-to; muchel of his folke. Line 1038 He heom bi-tahte þa burh; & iȝearwed mid þan beste. Line 1039 & he heom onleide; þat weoren lawen gode. Line 1040 He hehte þat luue scolde; liðen heom bi-tweonen. Line 1041 ælc halden oðren riht. ba bi daie & bi nith. Line 1042

Line 1042 & wea-swa nolde; he sculde beon iwite. Line 1043 & swa vfele he mihte don; þat he sculde beon ihon. Line 1044 For swulchen eiȝe gode; heo hefden muchele drede. Line 1045 & bi-comen riht-wise men; & rædes heo luueden. Line 1046 Hæfde [Brutus] þis lond; fower and twenti winter. on his hond Line 1047 & of Ignogen his quene; he hefde þreo sunen scene. Line 1048 Þa heora fader wes dead; alle heo nomen enne read. Line 1049 & hine bi-burien in Newe Troye þere burhȝe. Line 1050 þat heora fader hefde i-maked; mid muchelure blisse. Line 1051 Seððen þa þreo broðeren; hi to-gadere comen. Line 1052 æl mid seahte & al mid luue; þas leode to-dælden. Line 1053 Þe ældeste broðer; Locrin wes ihaten. Line 1054 þe wes þe wiseste; þe wes þe warreste. Line 1055 þe wes þe strengeste; stif he wes on þonke. Line 1056 He hæfde to dæle þat suð lond; þat æfter him Locres wes icleped. Line 1057 & Cambert hehte þe oðer; þat wes þe midleste broðer. Line 1058 him þat lond to dale com; þat Cambrie wes ihaten. Line 1059 þat is þat wilde lond; þat Welsce men luuieð. Line 1060 Se[ð]ðen hit is icleped Wales; for þere quen Galoes. Line 1061 & for þan duke Gualun; Wælsce men me heom hateð. Line 1062 Þe þridde broðer hehte Albanac; seoððen Humber hine bi-swac. Line 1063 Albanac nom his lond; i þon norð ende. Line 1064 þat nu ure leodene; Scot-lond clepiað. Line 1065 ah Albanac on his daȝe; Albanie hit clepede. Line 1066 Locrines mær eode suð & east forð; Albanac hefde al þat norð. Line 1067 Camber hefde al him-sulf; bi westen Sæuarne. Line 1068 Þo þa þre breðeren hefden þis lond; þa luueden heom þeos leoden. Line 1069 mid sibben & mid sahten; seouentene winter. Line 1070 Æfter seouentene ȝere; sone þer-æfter Line 1071 cum liðen to londe. þat wes an leodisc king; Line 1072 Humber was ihaten. king of Hunuze; Line 1073 vuele weoren his þewes. his þeines weoren kene; Line 1074 He hefde moni lond a-west. & leodene bi-swikene. Line 1075 & moni hundred eit-londe; þa weoren bi sæ-stronde. Line 1076 mesten-dal alle; heonne to Alamaine. Line 1077 Humber king & al his fleote; & his muchele scip-ferde. Line 1078 comen on Albanac[k]es londe. & fuhten wið his leodene. Line 1079 mid fure & mid here; mid feole kunne hærme. Line 1080

Line 1080 Albanac him fusde to; mid muclan his ferde. Line 1081 & heo to-gadere comen; kempen þer feollen. Line 1082 Al Albanakes folc; folden i-seohten. Line 1083 buten whilc þat þer at-wond; þurh wode burȝe. Line 1084 & þer was Albanac him-seolf; i-slawen in þon fehte. Line 1085 & swlcne hærm in þon londe; dude Humber þe stronge. Line 1086 Þat folc þe on þan fehte at-wond; fluȝen of þan londe. Line 1087 in-to B((r))ut-londe; to Locrine þon stronge. Line 1088 Heo seiden him to soðe; sorhfulle spelles. Line 1089 þat dead wes his broðer Albanac; & hu Humber hine bi-swac. Line 1090 To-gædere comen mid soðe; þat weoren þa tweiene broðeren. Line 1091 Locrin & Camber; & al heora leoden. Line 1092 mid alle þon kniten; þe heo biȝeten mihten. Line 1093 Heo ferden toward Humber; mid hæȝere strengðe. Line 1094 & Humber wes swa swiðe wod. for al þat lond on him stod. Line 1095 he ferde ouer Scotte water; mid alle his wælkempan. Line 1096 & mid bisie i-fihte; Brut-lond heo wolden iwinnen. Line 1097 Locrin & Camber; comen heom to-ȝeines. Line 1098 heo stureden heora wepnan; wane wes on folke. Line 1099 Þer Humber ferde to baluæ; & Bruttus weoren bliðe. Line 1100