Layamon's Brut (British Museum Ms. Cotton Caligula A.IX)

Lines 11801 through 11900

næs he neuere swa bliðe; ær an his liue. Line 11801 for him likede tidende; from Frolle þan kinge. Line 11802 and þas word seide; Arður þe sele. Line 11803 Wel saið Frolle; þe king is of France. Line 11804 betere is þat wit tweie; bitelen þas riche. Line 11805 þene þer beon of-slaȝene; ure þeines snelle. Line 11806 Þis fore-ward ich bi-luuie; bi-fore mine leoden. Line 11807 to ane isette dæie; to don þat he beodeð. Line 11808 þat scal beon tomarȝen; biforen unker monnen. Line 11809 þat fehten wit scullen unc seoluen; & falle þe for-cuðere. Line 11810 And whaðer unker þe geð abake; & þis feoht wulle for-sake. Line 11811 beon he in ælche londe; iqueðe for ane sconde. Line 11812 þenne mæie me singe; of ane swulche kinge. Line 11813 þe his beot haueð imaked; and his cniht-scipe for-saken. Line 11814 Þæt iherde Frolle; þe king wes of France. Line 11815

Line 11815 þat Arður fehten wolden; him-seolf buten cnihte. Line 11816 Strong mon wes Frolle; and sterc mon on mode. Line 11817 and his beot imaked hafde; bi-foren al his duȝeðe. Line 11818 and [h]e ne mihte; for scome muchelen; scenden hine seoluen. Line 11819 bi-læuen his balde ibeot; þat he i burh hafde iseid. Line 11820 Sæide þat he sæide; to soðe he hit wende. Line 11821 þat Arður hit wolde for-saken; and nawiht to þan fehte taken. Line 11822 for ȝif hit wuste Frolle; þe king wes ane France. Line 11823 þat Arður him ȝetten wolde; þat he iȝirnd hafde. Line 11824 don he hit nolde; for a scip ful of golde. Line 11825 Neoðeles wes Frolle; to fihte swi[ð]e kene. Line 11826 muche cniht & strong mon; and modi on heorten. Line 11827 and sæide þat he wolde. þene dæi halde. Line 11828 in þan æit-londe; þe mid watere is bi-ȝeonge. Line 11829 Þat æit-lond stondeð ful iwis; inne þere burh of Paris. Line 11830 Þer ich wulle mid fehte; bi-tele mine irihte. Line 11831 mid scelden; and mid cnihtes iwede. Line 11832 nu to-marȝen bið þe dæi; habben þe hit biȝiten mæi. Line 11833 Comen þa tiðende; to Arðure þan kinge. Line 11834 þat Frolle wolde mid fæhte; France bitellen. Line 11835 næs he næuere swa bliðe; ær an his liue. Line 11836 and he lehȝen agon; ludere stæfnenen. Line 11837 and þas word seide; Arður þe kene. Line 11838 Nu ich wat þat Frolle; wið me wulle fihte. Line 11839 to-marȝe in þan dæie; alse he seolf demde. Line 11840 i þan ait-londe; þat mid watere is bistonde. Line 11841 for hit bicumeð kinge; þat his word stonde. Line 11842 Leteð blawen bemen; and bodien mine monnen. Line 11843 þat æuer-ælc god mon; to-niht wakien for þon. Line 11844 and bidden ure Drihten; þe alle domes awalt. Line 11845 þat he me iscilde; wið Frolle þene wilde. Line 11846 and mid his riht honde; witeȝe me wið sconde. Line 11847 And ȝif ich mæi þis kinelond; biȝiten to mire aȝere hon[d]. Line 11848 auere-ælche ærmen mon; þe æð scal iwurðen. Line 11849 and wurchen ic wulle; muchel Godes wille. Line 11850 Nu me uulsten þer-to; þe alle þing mai wel ((i))don. Line 11851 þe heȝe heuene-liche king; stonde me an helping. Line 11852 for ich hine luuien wulle; þa while þe ich liuie. Line 11853 Þer wes al longe niht; songes an((d)) ca[n]del-liht. Line 11854

Line 11854 hæhliche sungen clarckes; hali Godes salmes. Line 11855 Þa hit dæi we[s] amarȝen; duȝeðe gunne sturien. Line 11856 his wæpnen he nom an honden; Arður þe stronge. Line 11857 warp he an his rugge; a ræf swiðe deore. Line 11858 ænne cheisil scurte; & ænne pallene curtel. Line 11859 ænne burne swiðe deore; ibroiden of stele. Line 11860 Sette he an hefde; ænne helm godne. Line 11861 to his side he swende; his sweorde Caliburne. Line 11862 his sconken he helede; mid hosen of stele. Line 11863 and duden on his uoten; spuren swiðe gode. Line 11864 Þe king mid his weden; leop on his stede. Line 11865 me him to rehte; anne scelde gode. Line 11866 he wes al clane; of olifantes bane. Line 11867 Me salde him an honde. enne scaft stronge. Line 11868 þer wes a þan ænde; a spære swiðe hende. Line 11869 hit wes imaked; i Kairmeðin; [bi] a smið þe hehte Griffin. Line 11870 hit ahte Vðer; þe wes ær king her. Line 11871 Þa þe iwepned wes þe rahȝe; þa gon he to uarene. Line 11872 he mihte þa bi-halde; þe þer bihalfues weore. Line 11873 þene king richne; rehliche riden. Line 11874 seo[ð]ðen þis weorlde wes a-stald; nes hit no-whar itald. Line 11875 þat æuere ai mon swa hende; wunden uppen horse. Line 11876 swa him wes Arður; sune Vðeres. Line 11877 Riden after þan kinge; balde here-ðringes. Line 11878 a þen feoremeste flocke; feouwerti hundred. Line 11879 heȝe here-kempen; bihonged mid stelen. Line 11880 baldere Brutten; bisie mid wepnen. Line 11881 After þan fusden; fifti hundred. Line 11882 þeo Wælwain ladde; þe wæs a wæl-kempe. Line 11883 Seoððen þer gunnen ut siȝen; sixti þusende. Line 11884 Bruttes swiðe balde; þat wes þa bac-warde. Line 11885 Þer wes þe king Angel; þer wes Lot and Urien. Line 11886 þer wes Vrienes sune; Ywæin ihaten. Line 11887 þer wes Kæi and Beduer; and biwusten þa uerde þer. Line 11888 þer wes þe king Howel; hah mon of Brut-lond. Line 11889 Cador þer wes æc; þe kene wes on flocke. Line 11890 þer wes of Irlonde; Gillomar þe stron[g]. Line 11891 þer wes Gonwais þe king; Orka[nei]es deorling. Line 11892

Line 11892 þer wes Doldamin þe kene; ut of Gut-londe. Line 11893 þer wes Escil þe king; Denemarkes deorling. Line 11894 Folc þer wes afoten; swa feole þusend monnen. Line 11895 þat nas nauere na swa wit-ful mon; a þissere weorlde-richen. Line 11896 a nauere nane spelle; þat mihte þa þusend telle. Line 11897 bute he hauede mid rihte; wisdom of Drihtene. Line 11898 oðer he hafde mid him; þat him hafde Mærlin. Line 11899 Arður forð gon liðe; mid vnimete folke. Line 11900