Layamon's Brut (British Museum Ms. Cotton Caligula A.IX)

Lines 11701 through 11800

þat he þa æð mihte; wið Arðure uihte. Line 11701 and ulemen of londe; Arður þene stronge. Line 11702

Line 11702 Cnihtes gunnen riden; vt of Rom-leoden. Line 11703 fif and twenti þusend; ferden touward France. Line 11704 Þis iherde Frolle mid muchele his ferde. Line 11705 þat þe Romanisce uolc; riden touward londe. Line 11706 Frolle & his ferde; heom to-ȝeines ferde. Line 11707 þa heo comen to-somne; kene men and wihte. Line 11708 of alle þan ærde; vnimete uerde. Line 11709 Þæt iherde Arður; aðelest kingen; Line 11710 & sumnede his ferde; and heom to-ȝaines wende. Line 11711 Ah næs næuere king nan; þa quic wes an eorðen. Line 11712 þa eouere ær an uolde; swulc folc a-walde. Line 11713 for of alle þan kine-londe; þe Arður hafuede an honde; Line 11714 forð he ladde mid him; alle þa kenneste men. Line 11715 þat nuste he neuere on weorlde; hu feole þusend, þer weoren. Line 11716 Sone swa heo comen to-somne; Arður & Frolle. Line 11717 harliche heo igrætten; al þat heo imette. Line 11718 Cnihtes swiðe stronge; igripen speren longe. Line 11719 and ræsden heom to-gædere; mid ræhȝere strengðe. Line 11720 Alle dæi þer weore duntes swiðe riue. Line 11721 folc feol to uolden; and fæie-sið worhten. Line 11722 græmende segges; gras-bæd isohten. Line 11723 gullen þa helmes; ȝeoumereden eorles. Line 11724 sceldes þær scenden; scalkes gunnen reosen; Line 11725 Þa cleopede Ar[ð]ur; aðelest kingen. Line 11726 Whar beo ȝe mine Bruttes; balde mine þaines. Line 11727 Þe dæi him forð ȝeongeð; þis folc us aȝein stondeð. Line 11728 Lette we heom to gliden; scærpe gares inoȝe. Line 11729 & techen heom to riden; þene wæi touward Romen. Line 11730 Æfne þan worde; þe Ar[ð]ur iseide. Line 11731 he sprong forð an stede; swa sparc de[ð] of fure. Line 11732 Him weore fuliende; fifti þusende. Line 11733 hærde here-kempen; hælden to fihte. Line 11734 smiten uppen Frolle; þær he wes on ulocke. Line 11735 and brohten hine of fleme; mid muclen his folke. Line 11736 þer Ar[ð]ur of-sloh; muchel uolc and vniuoh. Line 11737 Þa fleh in-to Parise; Frolle þe riche. Line 11738 and þa ȝeten tunden; mid teonen inoȝe. Line 11739 and þa word seide; sorhful an heorte. Line 11740

Line 11740 Leouere me. weore; þat ich iboren neore. Line 11741 Þa weoren inne Paris; plihtliche spelle((s)) ful iwis. Line 11742 sorhfulle iberen; burhmen gunnen beouien. Line 11743 walles heo gunnen rihten; þa ȝæten heo gunnen dihten. Line 11744 mete heo nomen; al þat heo neh comen; Line 11745 an ælchere halue; heo heolden to burȝe. Line 11746 heo uerden þider alle; þe heolden mid Frolle. Line 11747 Þat iherde Arður; aðelest kingen. Line 11748 þat inne Paris wunede Frolle; mid unimete uerde. Line 11749 and seiden þat he wolde wið Arðure stonden. Line 11750 To Paris ferde Arður; ærhðe bi-deled. Line 11751 and bi-læi þa walles; and are[r]de his teldes. Line 11752 a feower halue he heo bi-lai; fouwer wiken and enne dæi. Line 11753 Auared weoren þa leden; þa þere weoren wið-innen. Line 11754 þa burh wes wið-innen; afulled mid monnen Line 11755 and æten sone þene mete; þe þer wes isomned. Line 11756 Þa feouwer wiken weoren aȝonged; þa Arður wes þær atstonden. Line 11757 þæ wes inne burȝe; vni-mete sorȝe. Line 11758 mid wræcche þan falke; þe leie þer an hungre. Line 11759 þer wes wop þe[r] wes rop; and reou[ð]en vniuohȝe. Line 11760 Heo cleopeden to Frolle; and beden hine frið wurchen. Line 11761 Arðures mon bi-cumen; and his mon-scipe bruken. Line 11762 and þene kinedom halden; of Arðure þan kenen. Line 11763 and no lete noht þat wræcche uolk; uor-faren al mid hungre. Line 11764 Þa andswarede Frolle; freo he wes an heorte. Line 11765 Nai swa me helpe God; þæ alle domes awalt. Line 11766 ne scal ich nauere his mon bicume; no he mi kine-laue((rd)). Line 11767 mi-seolf ich wulle fihte; a Gode is al þat rihte. Line 11768 Þa ȝet cleopede Frolle; freo mon an heorte. Line 11769 Næi swa me helpe Drihten; þe scop þas dæies lihten. Line 11770 nulle ic nauere-mare; ȝirnen Arðures ære. Line 11771 ah fehten ich wulle; buten ælche cnihte. Line 11772 licame wið licame; biforen mine leoden. Line 11773 hond aȝain honde; wið Arðure kinge. Line 11774 Whaðer unkere swa beoð þere wakere; sone he bið þe laðere. Line 11775 wahðer vnkere swa þer ma luuien; his freonden he bið þe leouere. Line 11776 and wha[ð]er unkere þe mæi of oðere; þat betere biwinne. Line 11777

Line 11777 habben al þis oðeres lond; and sette hit an his aȝere hond. Line 11778 Þis ic wulle ȝirne; ȝif Arður hit wule ȝetten. Line 11779 and þis ich wulle swerien; uppen mine sweorden. Line 11780 and ȝisles ich wulle finden; þreo kingene sunen. Line 11781 þat ich þis forward wulle; fast-liche halden. Line 11782 þat nulle ich hit liȝen; bi mine quike liuen. Line 11783 For leouere me is to liggen; bi-fore mine leoden; Line 11784 þan ich iseo an uolde; for-faren heom mid hungre. Line 11785 For we habbeoð mid fehte; ure cnihtes ((uor))-farene. Line 11786 scalkes auælled; fifti þusende. Line 11787 and moni ænne gode wifmon; i-whorht to ble((ð))ere widewe. Line 11788 moni child fader-læs; and frouere bidaled. Line 11789 and nu þis folc mid hungre; wunderliche ihærmede. Line 11790 For-þi hit is betere; bi-twixen unke seoluen. Line 11791 to-dælen and to-dihten þis kine-lond mid fihte. Line 11792 and habbe hit þa betere; and bruken hit on wunne. Line 11793 Frolle nom twalf cnihtes; mid þissen worden forð-rihtes. Line 11794 and sende heom an sonde. to Arðure kinge. Line 11795 & iwuste ȝif he wolde; þis fore-warde halde. Line 11796 and mid his aȝere hond; bi-telen þat kine-lond. Line 11797 oðer uore-liggen; his leoden to harmen. Line 11798 and ȝif he hit bi-talden; hafde hit on an onwalde. Line 11799 Þat iherde Arður; aðelest kingen. Line 11800