Layamon's Brut (British Museum Ms. Cotton Caligula A.IX)

Lines 11601 through 11700

of me þu scalt halden; and habben me to munde. Line 11601 Þa wes Walwain þider icumen; Lottes ældeste sune. Line 11602 of Rome from þan Pape; þe Supplice wes ihate. Line 11603 þa longe him wes dihte; and makede hine to cnihte. Line 11604 Wælle wel wes hit bitoȝen; þat Walwain wes to monne iboren. Line 11605 for Walwæin wes ful aðelmod; an ælche þeouwe he wes god. Line 11606 he wes mete-custi; and cniht mid þan bezste. Line 11607 Al Arðures hired; wes swiðe if((u))rðed. Line 11608 for Walwaine þan kene; þe icumen wes to hirede. Line 11609 and for his fader Lote; þe iloten wes to kinge. Line 11610 Þa spac Arður him wið; and hehte hine halden god grið. Line 11611 and hehte hine luuien; his griðfulle leoden. Line 11612 & þa grið nolden halden; fallen heom to grunde. Line 11613 Þa ȝet c[l]eopede Arður; aðelest kingen. Line 11614 Whær beo ȝe mine Bruttes; fareð nu forð-rihtes. Line 11615 ȝarkieð bi þan flode; mine scipen gode. Line 11616 Al duden þa cnihtes; swa Arður heom hæhte. Line 11617 Þa þa scipen weoren ȝaru; Arður gon to sæ faren. Line 11618 mid him he [n]o[m] his cnihtes; his Norenissce þeines. Line 11619 and balden his Bruttes; and bah forð mid vðes. Line 11620 and þe duhtie king; com to Dene[m]arke. Line 11621 he lette slæn teldes; wide ȝeond þa feldes. Line 11622 bemen he lette blawen; and his cume bodien. Line 11623 Þa wes inne Denemarke; a king of mucle mæhte. Line 11624 Æscil wes ihate; hext ouer Denene. Line 11625 he isah þat Ar[ð]ur bi-won; al þat him wes on willen. Line 11626

Line 11626 Æscil king hine bi-þohte; whæt he don mahte. Line 11627 lað him wes to leosen; leouen his leoden. Line 11628 He isah þat [mid] strengðe; stonden he ne mahte. Line 11629 aȝain Arðure mid nauere nane compe. Line 11630 He sende gretinge; to Arðure kinge. Line 11631 hundes & hauekes; & swiðe gode hors%ses. Line 11632 seoluer and ræd gold; mid ræh-fulle worden. Line 11633 & ȝet dude mare; Æscil þe mære. Line 11634 he sende to þan hæxten of Arðures hireden. Line 11635 and bad heom. arndien him; to hæhȝen þan kingen. Line 11636 þat he moste his mon bicumen; & to ȝisle bitæchen his sune. Line 11637 and ælche ȝere him senden; gauel of his londe. Line 11638 ænne bæt mid isunde; from breorde to grunde. Line 11639 of golde & of gæ[r]sume; & of godliche pallen. Line 11640 and seoððen he wolde swerien; swiken þat he nalden. Line 11641 Þis i[h]erden Arður; aðelest kingen. Line 11642 þat Æscil Denene king; wolde beon his vnderling. Line 11643 buten ælche [f]ihte; he and alle his cnihtes. Line 11644 Þa iwrað iaðeled; Arður þe riche. Line 11645 and þus andswærede; mid aðmode worden. Line 11646 Wel wurðe þan monne; þe mid wisdome; Line 11647 biwineð him grið & frið; & freond-scipe to halden. Line 11648 Þenne he isiht þet he bið; mid strengðe ibunden. Line 11649 iȝarked al to leosen; leofue his richen. Line 11650 mid liste he mot leoðien; luðe his bendes. Line 11651 Arður hehte þene king cume; and bringen his aldeste sune. Line 11652 and he swa dude sone; þe king of Denemarke. Line 11653 Arðures iwille; sone he gon fulle. Line 11654 to-somne heo comen; and sæhten iwurðen. Line 11655 Þa ȝet cleopede Arður; aðelest kingen. Line 11656 Faren ich wulle to France; mid muchele mire ferde. Line 11657 ich wulle habben of Noreweie; niȝe þusend cnihtes. Line 11658 & of Denemarke ich wulle leden; niȝe þusend of þan leoden. Line 11659 and of Orkaneie; enleuen hundred. Line 11660 and of Mureinen; þreo þuseond monnen. Line 11661 and of Galeweien; fif þusend of þan leoden. Line 11662 and of Irlonde; elleuen þusend. Line 11663 and of Brutaine; mine cnihtes balde. Line 11664

Line 11664 scullen þræsten bi-foren me; þritti þusunde. Line 11665 and of Gutlonde; ich wulle leden; ten þuseond of þan leoden. Line 11666 and of Frislonde; fif þusend monnen. Line 11667 and of Brutaine; Howel þene balde. Line 11668 and mid swulche uolke; France ich wulle i-sechen. Line 11669 And swa ich ibiden Godes ære; ȝet ich wulle haten mare. Line 11670 þat of alle þan londen; þat stondeð a mire honden. Line 11671 ich haten ælcne ohtne mon; þe his wepnen beren con. Line 11672 alse he wule liuen; and his lumen habben. Line 11673 þat he faren wið me; to fehten wið Frolle. Line 11674 þat is Francene king; fæie he scal iwurðe. Line 11675 He wes iboren i Rome; of Romanisce cunne. Line 11676 Forð ferde Arður; þat he com to Flandres. Line 11677 þat lond he gon biwinnen; and sette hit mid his monnen. Line 11678 and seo[ð]ðe he beh þanene; in-to [Buluine] Line 11679 [and al] Buluines lond. nom hit to his aȝere hond; Line 11680 and seoððen he nom þene wæi; þe in touward France læi. Line 11681 Þa bed he his bod; allen his beornen. Line 11682 for þær heo uoren; þat na wiht heo ne nomen. Line 11683 buten he mid rihte; hit biȝiten mihte. Line 11684 mid rihte chepinge; i þas kinges hirede. Line 11685 Þat iher[de] Frolle; þer he wes inne France. Line 11686 of Arðures i-spede; and of alle his deden. Line 11687 and hu al bi-wonne; þat he lokede on. Line 11688 and al hit him to beh; þat he mid eȝene isah. Line 11689 þa wes þe king Frolle; laðliche of-fered. Line 11690 A þere ilke worlde. þa þis wes iwurðen. Line 11691 wes Francene lond; Gualle ihaten. Line 11692 and Frolle wes from Rome; ifaren in-to France. Line 11693 and ælche. ȝere sende; gauel of þan londe. Line 11694 ten hundred punde; of seoluer and of golde. Line 11695 Nu i-herde Frolle; þe ældere wes of France. Line 11696 of þere lond-sorȝe; þe Arður dude an londe. Line 11697 Sonde he sende sone; an uest touward Rome. Line 11698 and hehte Romanisce folc; reden heom bi-tweonen. Line 11699 hu feole þusend cnihten; heo þider wolden sen((den)). Line 11700