Layamon's Brut (British Museum Ms. Cotton Caligula A.IX)

Lines 11501 through 11600

And ȝet him seide Marlin; mare þat wes to ((co))mene. Line 11501 þat al þat he lokede on; to foten him sculde buȝen. Line 11502 Þa ȝet him sæide Mærlin; a sellic þe wes mare. Line 11503 þat sculde beon unimete care; of þas kinges forð-fare. Line 11504 and of þas kinges ende; nulle hit na Brut ileue. Line 11505 buten hit beon þe leste dæð; at þan muchele dome. Line 11506 þenne ure Drihte; demeð alle uolke. Line 11507 Ælles ne cunne we demen; of Arðures deðen. Line 11508 for he seolf sæide; to sele his Brutten. Line 11509 suð inne Cornwale; þer Walwain wes for-faren. Line 11510 and him-seolf wes for-wunded; wunder ane swiðe. Line 11511

Line 11511 þat he uaren wolde. into Aualune. Line 11512 in-to þan æit-londe; to Argante þere hende. Line 11513 for heo sculde mid haleweie; helen his wunden. Line 11514 and þenne he weore al hal; he wolde sone. come heom. Line 11515 Þis ilefde Bruttes; þet he wule cumen þus. Line 11516 & lokieð a whenne; he cume to his londe. Line 11517 swa he heom bihahte; ar he heonne wende. Line 11518 Arður wes an weorlde; wis king and riche. Line 11519 god mon and grið-ful; his gumen hine luueden. Line 11520 Cnihtes he hafede prute; and græte on heore mode. Line 11521 & speken to þan kinge; of seol%lichen þinge. Line 11522 and þus þat hired cleopede; to heȝe þan kinge. Line 11523 Lauerd Arður faren we; to Francene riche. Line 11524 and iwinnen al þat lond; to þire aȝere hond. Line 11525 flemen alle þa Freinscen. heore king feollen. Line 11526 alle þa castles bonien; and setten heom to mid Brutten. Line 11527 & rixlien a þere riche; mid rehȝere strengðe. Line 11528 Þa andswarede Arður; aðelest kingen. Line 11529 Eouwer wille ich wulle don; ah ær ich wulle to Norweien; Line 11530 and ich wulle mid me leden; Lot minne oðem. Line 11531 he is Wæl((way))nes fader; þa ich wel luuie. Line 11532 For beoð icumen of Norweiȝe; niwe tidende. Line 11533 þat Sichelin king þer is ded; his duȝeðen bileued. Line 11534 & hæ hafeð al his kineriche; bi-queðe her Loððe. Line 11535 For þe king is al bidæled; sune & eke dohteren. Line 11536 and Lot is his suster sune; þe bet him scal iwurðe. Line 11537 for ich hine wulle in Norwæȝe; neowe king makien. Line 11538 and hine wæl lere; to witeȝen wel þa leoden. Line 11539 And þenne ich þus habbe idon; ich wullen seoððen cumen ham. Line 11540 and ȝarkien mine ferde; & faren into France. Line 11541 and ȝif þe king me stont wið; and nulle ȝeornen mi grið. Line 11542 ich hine wulle mid fehte; fallen to þan grunde. Line 11543 Arður lette blawen; hornes and bemen. Line 11544 and lette beoden to sæ; Bruttes swiðe balde. Line 11545 Scipen he hæfde gode; bi þere sæ-flode. Line 11546 fiftene hundred; fusden from londe. Line 11547 and fluȝen after þere sæ; swulc heo fluht hafden. Line 11548 & buhȝen in-to Norwæȝen; mid baldere strengðen. Line 11549 Sone swa heo comen; hafne heo nomen. Line 11550

Line 11550 mid muchelere strengðe; stepen a þa riche. Line 11551 Arður senden; his sonde; wide ȝeond þan londe. Line 11552 & hæhte heom cumen sone; and Lot habben to kinge. Line 11553 & ȝif heo þat nolden; alle heom he wolde a-slan. Line 11554 Þa nomen heore sonden; eorles Norenissce. Line 11555 and senden to þan kingen; and hahten hine aȝain wenden; Line 11556 & ȝif þu nult aȝæin faren; sorhȝen þu scalt habben & kare. Line 11557 for longe bið auere; þat ne iwurð næuere. Line 11558 þat we uncuðne mon; to kinge scullen hæbben. Line 11559 For ȝif Sikelin is forð-faren; her beoð oðere icoren. Line 11560 þe we maȝen bi vre iwille; hæbben to kinge. Line 11561 & þis is þat soðe; nis þer nan oðer. Line 11562 oðer far þe awæiward; and wend þe riht hamward. Line 11563 oðer to-dæi a seoueniht; þu scalt habben græt fiht. Line 11564 Þa eorles Norenissce. nomen heom to ræde; Line 11565 þat king heo wolden habben; of seoluen heore cunden. Line 11566 for al Sikelines quiden; sotscipe heo heolden. Line 11567 And swa longe. swa beoð æuere; ne scal hit stonde næuere. Line 11568 ah we scullen nimen Riculf; þe is swiðe riche eorl. Line 11569 and hebben hine to kinge; þis is us iqueme. Line 11570 and sumnen ure ferde; ȝeond al þissen ærde. Line 11571 and faren to Arðure; & flem%men hine mid fehte. Line 11572 & Lot we scullen fusen; and flemen of londen. Line 11573 oðer we mid fehten; sculleð hine fallen. Line 11574 Heo nome Riculfe; þene eorl of Norene. Line 11575 and hefuen hine to kinge; þeh hit neore him noht icunde. Line 11576 and sumneden uerde; ȝeond Nornisce ærde. Line 11577 And Arður an his ende; ȝuond þat lond gon wende. Line 11578 þat londe he þurh-arnde; burhȝes he uor-barnde. Line 11579 æhte he nom inoh; muche moncun he þer of-sloh. Line 11580 And Riculf him gon riden; toȝæines Arðure anan. Line 11581 to-gædere heo fusden; and veht heo bigunnen. Line 11582 Bruttes buȝen heom to; balu þer wes riue. Line 11583 Luken vt of scaþe; sweordes longe. Line 11584 hefden fluȝen a þene uelde; faluwede nebbes. Line 11585 beorn aȝein beorne; scaft sette an breoste. Line 11586 burnen þer breken; Bruttes bisie weoren. Line 11587 brustleden sceldes; scalkes ueolen. Line 11588

Line 11588 & swa al þene dæi-liht; i-laste þis muchele fiht; Line 11589 ferden heo æst ferden heo west. þer Noreine wes þa wurse; Line 11590 ferden heo suð ferden heo norð; þe Norrene þer feollen. Line 11591 Bruttes weoren balde; þa Noreine heo a-qualden. Line 11592 Noreinisce men þer feollen; fif and twenti þusend. Line 11593 and Riculf king þer wes of-slaȝen; and idon of lif-dæȝen. Line 11594 lutel þer eode to læue; of þan leod-folke. Line 11595 wulc-swa hafuede þat wracche lif; ȝirde Arðures grið. Line 11596 Ar[ð]ur bisæh a Lot; þe leof him wes swiðe. Line 11597 and þus him c[l]eopien agon; Arður þe riche mon. Line 11598 Lot wend hider to me; þu art mi wine deore. Line 11599 Her ich þe biteche; al þas kineriche. Line 11600