Layamon's Brut (British Museum Ms. Cotton Caligula A.IX)

Lines 11301 through 11400

Hail seo þu Arður; aðelest Brutten. Line 11301 Ich hatten Rumareð; þe king of Winet-londe. Line 11302 i-noh ich habbe iherd kenne; of ken-scipe þine. Line 11303 þat þu ært widen i-cuð; kingen alre kennest. Line 11304 Þu hauest moni kine-lond; biȝiten al to þire hond. Line 11305 nis na king an londe; þe þe maȝen stonde. Line 11306 king ne na kaisere; in nauere nane compe. Line 11307 of al þat þu biȝinnest; þu dest þine iwille. Line 11308 Her ich æm to þe icume; and broht þe mine aldeste sune. Line 11309 her ich sette þe an hond; me seoluen and mi kine-lond; Line 11310 and minne sune leofe; and mine leoden alle. Line 11311 wif & mine weden; and alle mine wunnen. Line 11312 wið þat þu me griðie; wið þine grim ræsen. Line 11313 And beo þu min hæhȝe king; and ich wulle beon þin under-ling. Line 11314 and senden þe to honde; fif hundred pund of golde. Line 11315 þas ȝeuen ich finde þe wulle; æue[r]-alche ȝere Line 11316 Al Arður him ȝette; þat þe king ȝirde. Line 11317 and seoððen he heolde runen; wið sele his þeinen. Line 11318 & seide þat he wolde; aȝæin to þisse londe. Line 11319 and iseon Wenhaiuer; þe wuneliche quene. Line 11320 Bemen he lette blawen; & bonnien his ferden. Line 11321 and to scipen wenden; wunder bliðe. þeines. Line 11322 Wind heom stod on willen; weder alse heo wolden. Line 11323

Line 11323 bliðe heo weoren alle for þi; up heo comen at Grimesbi. Line 11324 Þat iherden sone; þa hæhste of þissen londe. Line 11325 and to þære quene com tidende; of Arðure þan kinge. Line 11326 þat he wes isund icumen; & his folc on selen. Line 11327 Þa weoren inne Bruttene; blissen inoȝe. Line 11328 Her wes fiðelinge and song; her wes harpinge imong. Line 11329 pipen & bemen. murie þer sungen. Line 11330 Scopes þer sungen; of Arðure þan kingen. Line 11331 & of þan muchele wurð-scipe; þe he iwunnen hafeden. Line 11332 folc com to hirede; of feole cunne þeode. Line 11333 widen and siden; folc wes on selen. Line 11334 Al þat Arður isæh; al hit him to bæh. Line 11335 riche men and pouere; swa þe haȝel ualleð. Line 11336 nes þer nan swa wræcche Brut; þat he nes awælȝed. Line 11337 Her mon mai arede; of Arðure þan king. Line 11338 hu he twelf ȝere; seoðen wuneden here. Line 11339 inne griðe & inne friðe; in alle uæȝernesse. Line 11340 Na man him ne faht wið; no he ne makede nan un-frið. Line 11341 ne mihte nauere nan man; bi-þenchen of blissen. Line 11342 þat weoren in æi þeode. mare þan i þisse. Line 11343 ne mihte nauere mon-cunne; nan swa muchel wunne. Line 11344 swa wes mid Arðure; & mid his folke here. Line 11345 Ich mai sugge; hu hit iwarð; wunder þæh hit þunche. Line 11346 Hit wes in ane ȝeol-dæie; þat Arður in Lundene lai. Line 11347 þa weoren him to i-cumen; of alle his kinerichen. Line 11348 of Brutlonde; of Scotlonde; of Irlonde; of Islonde. Line 11349 and of al þan londe; þe Arður hæfede an honde. Line 11350 alle þa hæxte þeines; mid horsen & mid sweines. Line 11351 Þer weoren seouen kingene sunes; mid seouen hundred cnihten icumen. Line 11352 wið-uten þan hired; þe herede Arðure. Line 11353 Ælc hafede an heorte; leches heȝe. Line 11354 and lette þat he weore; betere þan his iuere. Line 11355 Þat folc wes of feole londe; þer wes muchel onde. Line 11356 for þe an hine talde hæh; þe oðer muche herre. Line 11357 Þa bleou mon þa bemen; & þa bordes bradden. Line 11358 water me brohte an uloren; mid guldene læflen. Line 11359 seoððen claðes soften; al of white seolke. Line 11360 Þa sat Arður adun; & bi him Wenhauer þa quene. Line 11361

Line 11361 seoððen sete þa eorles; and þer-after þa beornes. Line 11362 seoððen þa cnihtes; al swa mon heom dihte. Line 11363 Þa heȝe iborne; þene mete beoren. Line 11364 æfne forð-rihten; þa to þan cnihten. Line 11365 þa tou-ward þan þæinen; þa touward þan sweinen. Line 11366 þa touward þan bermonnen; forð at þan borden. Line 11367 Þa duȝeðe wærð iwraððed; duntes þer weoren riue. Line 11368 ærest þa laues heo weorpen; þa while þa heo ilæsten. Line 11369 and þa bollen seoluerne; mid wine iuulled. Line 11370 & seo[ðð]en þa uustes; uusden to sweoren. Line 11371 Þa leop þer forð a ȝung mon; þe ut of Winet-londe com. Line 11372 he wes iȝefen Arðure; to halden to ȝisle. Line 11373 he wes Rumarettes sune; þas kinges of Winette. Line 11374 Þus seide þe cniht þere; to Arðure kinge. Line 11375 Lauerd Arður buh raðe; into þine bure. Line 11376 and þi quene mid þe & þine mæies cuðe; Line 11377 & we þis comp scullen to-delen; wið þas uncuðe kempen. Line 11378 Æfne þan worde; he leop to þan borde. Line 11379 þer leien þa cniues; bi-foren þan leod-kinge. Line 11380 þreo cnifes he igrap; and mid þan anæ he smat. Line 11381 i þere swere þe cniht; þe ærest bi-gon þat ilke fiht. Line 11382 þat his hefued i þene flor; hælde to grunde. Line 11383 Sone he sloh ænne oðer; þes ilke þeines broðer. Line 11384 ær þa sweordes comen; seouene he afelde. Line 11385 Þer wes fæht swiðe græt; ælc mon oðer smat. Line 11386 þer wes muchel blod-gute; balu wes an hirede. Line 11387 Þa com þe king buȝen; ut of his buren. Line 11388 mid him an hundred beornen; mid helmen & mid burnen. Line 11389 ælc bar an his riht hond; whit stelene bro[n]d. Line 11390 Þa cleopede Arður; aðelest kingen. Line 11391 Sitteð sitteð swiðe; elc mon bi his liue. Line 11392 and wa-swa þat nulle don; he scal for-demed beon. Line 11393 Nimeð me þene ilke mon; þa þis feht ærst bigon. Line 11394 & doð wiððe an his sweore; & draȝeð hine to ane more. Line 11395 & doð hine in an ((ley)) uen; þer he scal liggen. Line 11396 and nimeð al his nexte cun; þa ȝe maȝen iuinden. Line 11397 and swengeð of þa hafden; mid breoden eouwer sweorden. Line 11398 Þa wifmen þa ȝe maȝen ifinden; of his nexten cunden. Line 11399

Line 11399 kerueð of hire neose; & heore wlite ga to lose. Line 11400