Layamon's Brut (British Museum Ms. Cotton Caligula A.IX)

Lines 11101 through 11200

þis maiden he gon wedde and nom heo to his bedde. Line 11101 Arður wes i Cornwale; al þene winter þere. Line 11102 and al for Wenhæuere lufe; wimmonne him leofuest. Line 11103 Þa þe winter wes agan; and sumer com þer anan. Line 11104 Arður hine biþohte; whæt he don mahte. Line 11105 þat his folc gode; aswunden ne læie þere. Line 11106 He ferde to Æxchæstræn; to þan mid-festen. Line 11107 & heold þer his hustinge; of hehȝen his folke. Line 11108 & seide þat he wolde; in-to Irlonde. Line 11109 wenden al þat kine-lond; to his æhȝere hond. Line 11110 buten þe king Gillomar; to him raþer come ær. Line 11111 and mid listen him speken wið; & ȝirnde Arðures grið. Line 11112 he wolde westen his lond; and luðere him gon an hond. Line 11113 mid fure mid stele; streit gomen wurchen; Line 11114 & þat lond-folc aslæn; þe wolde stonden him aȝein. Line 11115 Æfne þan worde; þa þe king sæide; Line 11116 þa andswarede þat folc; fæire þan kinge. Line 11117 Lau%uerd king hald þi word; we beoð alle ȝarewe. Line 11118 to ganne & to ride; oueral to þire neode. Line 11119 Þer wes moni bald Brut; þe hafde beres leches. Line 11120 heouen up heore bruwen; i-burst an heore þonke. Line 11121 Wenden touwarde innen; cnihtes mid heore monnen. Line 11122 heo ruokeden burnen; bonneden helmes. Line 11123 heo wipeden hors leoue; mid lin%nene claðe. Line 11124 heo sceren heo scoiden; scalkes balde weoren. Line 11125 sum scæft horn; sum scaft ban. sum ȝarked stelene flan. Line 11126 sum mak((de)) ((þ))wonges; gode & swiðe strong. Line 11127 summe beo((ve))den speren; & beonneden sceldes. Line 11128 Arður letten beoden; ȝeond al his kine-þeoden. Line 11129 þat æuerælc god cniht; to him come forð-riht. Line 11130 and euerælc oht mon; comen forð-riht anan. Line 11131 & wa-swa bilæfden; his leomen he sculde leosen. Line 11132 & wha-swa come glad-liche; he sculden wurðe riche. Line 11133 Seouen niht uppen Æstre; þa men hafden iuast. Line 11134 þa comen alle þa cnihtes. to scipen for[ð]-rihtes. Line 11135 wind heom stod an honde; þe scaf heom to Irlonde. Line 11136

Line 11136 Arður a þet lond ferde; and þa leoden a-merden. Line 11137 muchel uolc he asloȝ; orf he nom vniuoh. Line 11138 & æuere he hæhte ælcne mon; chireche-grið halden. Line 11139 Þet tidinde; com to þan kinge. þe lauerd wes of þan londe; Line 11140 þat þer wes icu[m]en Arður; and ærmþen iwrohte þer. Line 11141 He sumnede al his leoden; ȝeond his kine-londe. Line 11142 and his Irisce uolc; fusden to fehte. Line 11143 to-ȝæines Arðure; þan aðele kinge. Line 11144 Arður & his cnihtes. heom wepnede forð-rihtes. Line 11145 & foren heom to-ȝeines; folc vnimete. Line 11146 Arðures men weoren; mid wepnen al bi-þehte; Line 11147 Þa Irisce men weoren; nakede neh þan. Line 11148 mid speren & mid axen & mid swiðe scærpe sæxen. Line 11149 Arðures men letten fleon; vnimete flan. Line 11150 and merden Irisc ((folc)); & hit swiðe ualden. Line 11151 ne mæhten heo iþolien; þurh nanes cunnes þingen. Line 11152 ah fluȝen awai [on] siðe; swiðe uæle þusend. Line 11153 and Gillomar þe king flah; & awæ-wardes teh. Line 11154 and Arður him after; and þene king ikahte. Line 11155 he nom bi þan honde; þene king of þan londe. Line 11156 Arður þe hæȝe; herbeorwe isohte. Line 11157 an his mode him wes þa æðe; þat Gillomar him wes swa neh. Line 11158 Nu dude Arður; aðelest kingen. Line 11159 swiðe muche freond-scipe; at-foren al his folke. Line 11160 he lette þene king scrude; mid ælchere prude. Line 11161 and æc bi Arðure sat; and æc mid him-seolue æt. Line 11162 mid Arðure he win dronc; þat him wes mucheles unðonc. Line 11163 Naðeles þa he isah; þat Arður wes swiðe glad. Line 11164 þa cleopede Gillomar; an his horte him wes sær. Line 11165 Lauerd Arður þi grið; ȝef me leomen & ȝif me lif. Line 11166 ich wulle þi mon bicumen; & biteche þe mine þreo sunen. Line 11167 mine sunen deore; to don al þine iwille. Line 11168 & ȝet ich wulle mare; ȝif þu me wult ȝefen ære. Line 11169 ich wulle þe bi-tache; ȝisles swiðe rich. Line 11170 children sume sixti; hæȝe & swiðe mæhti. Line 11171 Ȝet ((ich)) wulle mære; ȝif þu me ȝifuest ære. Line 11172 ælche ȝere of mine londe. seouen þusend punde. Line 11173

Line 11173 & senden heom to þine londe; & sixti mark of golde. Line 11174 & ȝet ich wulle mare; ȝif þu wult me ȝifuen are. Line 11175 alle þa steden; mid alle heore iweden. Line 11176 þa hæuekes & þa hundes; & hehȝe mine mahmes. Line 11177 ich bitache þe to honde; of al mine londe. Line 11178 And þenne þu hauest þis idon; ich wulle nimen. halidom. Line 11179 of seint Columkille; þe dude Godes iwille. Line 11180 & seint Brændenes hæfed; þe Godd seolf haleȝede. Line 11181 & seinte Bride riht fot; þe hali is & swiðe god. Line 11182 & halidomes inoȝe; þe comen ut of Rome; Line 11183 & swerien þe to soðe; swiken þe þat ich nulle. Line 11184 ah ich þe wulle luuien; and halden þe for lauerd Line 11185 halden þe for hahne king; & mi-seolf beon þin vnderling. Line 11186 Þis iherde Arður; aðelest king; Line 11187 & he gan lihȝen; luddere steftne. Line 11188 & he gon andswerie; mid ædmode worden. Line 11189 Beo nu glad Gillomar; ne beo þin heorte noht sær. Line 11190 for þv ært a wis mon; þa bet þe scal iwurðen. Line 11191 for æuere me æhte wisne mon; wurðliche igreten. Line 11192 for þine wis-dome; no scal þe noht þa wurse. Line 11193 muchel þu me beodest; þe scal beon þa betere. Line 11194 Her forð-rihtes; bi-foren al mine cnihtes. Line 11195 forȝiuen þe amare; al þæ haluen-dæle. Line 11196 of golde & of gærsume; ah þu scalt mi mon bicumen. Line 11197 and half þat gauel sende; ælche ȝere to mi[n]e londe. Line 11198 Halfe þa steden; & halfe þa iweden. Line 11199 halue þa hauekes; & halue þa hundes. Line 11200