Layamon's Brut (British Museum Ms. Cotton Caligula A.IX)

Lines 11001 through 11100

þat water him glit bisiden; and þe mon þer wuneð softe. Line 11001 after his iwille; he wuneð þer uul stille; Line 11002 þat no bið he for þan watere; nað%ðing idracched. Line 11003 Þa sæide Howel hæh mon of Brutten. Line 11004 Nu ic ihere tellen; seolcuðe spellen. Line 11005 & seollic is þe lauerd; þat al hit isette. Line 11006 Þa cleopede Arður; aðelest kingen. Line 11007 Blaweð mine hornes; mid hæhȝere stæfne. Line 11008 and suggeð mine cnihtes; þat ic fare forð-rihte. Line 11009 Bemen þer blewen; hornes þer stureden. Line 11010 blisse wes an hirede; mid bisie þan kinge. Line 11011 for ælc wes ifreoured; & ferde to-ward his ærd. Line 11012 And þe king for-bæd heom; bi heore bare liuen. Line 11013 þat na mon on worlde; swa wod no iwurðe. Line 11014 no swa ær-witte gume; þat his grið bræke. Line 11015 and ȝif hit dude æi mon. he sculden dom ðolien. Line 11016 Æfne þan worde; fusde þa uærde. Line 11017 þer su[n]gen beornes; seolcuðe leoðes. Line 11018 of Ar[ð]ure þan kinge; & of his. here-þringen. Line 11019 and sæiden on songe. to þisse worlde longe. Line 11020 neo[re] neuere-mære swulc king; ase Arður þurh alle þing. Line 11021 king no kæisere; in næuere nare kuððe. Line 11022 Arður forð to Eouuerwic; mid folke swiðe seollic. Line 11023 and wunede þer wiken sixe; mid muchelere wunne. Line 11024

Line 11024 Þa burh-walles weoren; to-broken & to-fallen. Line 11025 þat Childric al for-barnden; & þa hallen alle clæne. Line 11026 Þa cleopede þe king; Piram. ænne preost mæren. Line 11027 he wes swiðe wis mon; and witful on bocken. Line 11028 Piram þu ært min aȝe preost; þe æð þe scal iwur[ð]en. Line 11029 Þe king nom ane rode; hali and swiðe gode. Line 11030 and [bi-tok] Piram an hond; and þer-mid swiðe muchel lond. Line 11031 and þene ærchebiscopes staf; þer he Piram aȝaf. Line 11032 Ær wes Piram preost god; nu he is ærchebiscop. Line 11033 Þa hæhte hine Arður; aðelest kingen. Line 11034 þat he rærde churechen. & þa songes rihten. Line 11035 and Goddes folc biwusten; & fæire heom diht%ten. Line 11036 And he hæhte alle cnihtes; demen rihte domes. Line 11037 and þa eorðe-tilien; teon to heore cræften. Line 11038 & æuerælcne gume; oðerne i-græten. Line 11039 & wulc mon swa wurs dude; þene þe king hafde iboden; Line 11040 he wolde hine ifusen. to ane bare walme. Line 11041 & ȝif hit weore læð mon; he sculde hongie for þon. Line 11042 Þa ȝet cleope[de] Arður; aðelest kingen. Line 11043 hæhte þat alc mon; þe his lond hafde for-gan; Line 11044 mid wulches cunnes wite; swa he bi-wæiued weore. Line 11045 þat he aȝain come; ful raðe & ful sone. Line 11046 þe riche & þe laȝe; and hefde æft his aȝen. Line 11047 bute he weore swa fule biwite; þat he weore lauerd-swike. Line 11048 oðer touward his lauer[d] man-swore; þene þe king demde for-lore. Line 11049 Þer come þreo ibroðeren; þe weore kiniborne. Line 11050 Lot & Angel & Vrien; welle ((h))wulche þreo men. Line 11051 Þeos here-þringes þreo; comen to þan ki[n]ge. Line 11052 & setten an heore cneowen; biforen þan kæisere. Line 11053 Hal seo þu Arður; aðelest kingen; Line 11054 and þi duȝeðe mid þe; a mote heo wel beo. Line 11055 We sundeð þreo broðeren; iboren of kingen. Line 11056 is al ure icunde lond; i-gan ut of ure hond. Line 11057 for habbeoð hæðene men; us hene imakede. Line 11058 and iwæst us al Leonæis; Scotlond & Muræf Line 11059 & we biddeð þe for Godes luue; þat þu us beo fultume. Line 11060 and for þire mucle wurð-scipe; þat þu us wurðe milde. Line 11061 aȝif us ure icunde lond and we þe sculleð luuien. Line 11062

Line 11062 hælden þe for lauer[d]; an ælche leod-wisen. Line 11063 Þis iherde Arður; aðelest king. Line 11064 hu þeos þreo cnihtes; fæire hine bisohten. Line 11065 reousede on heorte; & he reordien gan. Line 11066 and þas word sæide; selest alre kinge. Line 11067 Vrien bi-cum mi mon; þu scalt to Muræiue aȝæn. Line 11068 þer-of þu scalt beon; icleoped king of þan londe. Line 11069 & hæh an mine hirede; mid þine mon-weorede. Line 11070 And Angele ich sette an hond; al to-gadere Scotlond. Line 11071 habbe hit an honde; and beon king of þan londe. Line 11072 from þan fader to þan sune. þer-of þu scalt mi mon bi-cumen. Line 11073 And þu Lot mi leofe freond; Godd þe wurðe liðe. Line 11074 þu hauest mine suster to wiue; þæ bet þe scal iwur[ð]e. Line 11075 Ich þe ȝifue Loenæis; þat is a lond faier. Line 11076 and ich wulle le[g]gen þer-to; londes swiðe gode. Line 11077 biside þere Humbre; wurð an hundred punden. Line 11078 For mi fader Vðer; þe while þe he wes king here. Line 11079 lufede wel his dohter. þe wes his bæd iþohte. Line 11080 & heo is mi suster; & haueð sunen tweien. Line 11081 þeo me beoð on londe; children alre leofest. Line 11082 Þus spæc Ar[ð]ur þe king; þa wes Wolwain lute child. Line 11083 swa ((ves)) þe oðer; Modræd his broðer. Line 11084 Wale þat Mod%dræd wes ibore; muchel hærm com þer-fore. Line 11085 Ar[ð]ur for to Lundene; & mid him his leoden. Line 11086 he heold inne londe; ane muchele hustinge. Line 11087 and sette alle þa laȝen; þat stoden bi his ælderne daȝen. Line 11088 alle þa laȝen gode; þe her ær stoden. Line 11089 he sette grið he sette frið; and alle freodomes. Line 11090 Þenene he for to Cornwale; to Cadores riche. Line 11091 he funde þer a mæide; vnimete fæier. Line 11092 Wes þas mæidenes moder; of Romanisce mannen. Line 11093 Cadores maȝe; & þat maide him bi-tahte. Line 11094 & he heo fæire a-feng. and softe heo fedde. Line 11095 Heo wes of heȝe cunne; of Romanisce monnen. Line 11096 næs in nane londe; maide nan swa hende. Line 11097 of spec%che & of dede; and of tuhtle swiðe gode. Line 11098

Line 11098 heo wes ihaten Wenhauer; wif-monne hendest. Line 11099 Arður heo nom to wife; & luuede heo wunder swiðe. Line 11100