Layamon's Brut (British Museum Ms. Cotton Caligula A.IX)

Lines 10901 through 11000

Þa fainede swiðe; folc an hirede. Line 10901 of Arðures cume; & of aðele his dede. Line 10902 þer wes Arður for[ð]-riht; twei dæies & twa niht. Line 10903 Scottes leie ȝeond clude; moni þusend dede. Line 10904 mid hungere for-uarene; folkene alre ærmest. Line 10905 I þan þridde dæiȝe; faire hit gon daȝiȝen. Line 10906 þa tuȝen touward hirede; alle þat weoren ihadded. Line 10907 & þreo biscopes wise; a boke wel ilæred. Line 10908

Line 10908 preostes & muneckes; vnimete monie. Line 10909 canones þer comen. monie & wel idone. Line 10910 mid alle þan halidomen; þa hahst an londe weoren. Line 10911 and ȝeornden Arðures grið; & his aðmeden. Line 10912 Þider þa wifes comen; þa i þan londen. wuneden. Line 10913 heo wæiden in hære ærmen; heore children ærmen. Line 10914 heo weopen on Arðure; wunder ane swiðe. Line 10915 and heore uæx fæire; wælden to volde. Line 10916 curuen heore lockes; & þer niðer læiden. Line 10917 to þas kinges foten; bi-foren al his duȝeðen. Line 10918 nailes to heore nebbe; þat æfter hit bledde. Line 10919 Neh þan alle clæne; nakede heo weoren. Line 10920 sorhliche heo gunnen clupien; to Arðure þan kinge. Line 10921 and summe þus iseiden; þer heo on sið weoren. Line 10922 King we beoð on ærde; ærmest alre uolke. Line 10923 we ȝeorneð þine milzce; þurh þæne milde Godd. Line 10924 Þu hauest a þisse londe; ure leoden aslæȝen. Line 10925 mid hungere & mid hete; mid feole cunne hærmen. Line 10926 mid wapnen mid wæteren; mid feole wan-siðen. Line 10927 vre children imaked faderlese; & frofre bidæled. Line 10928 Þu ært Cristine mon; & we al-swa sunden. Line 10929 Sæxisce men beoð; hæðe[ne] hundes. Line 10930 Heo comen to þisse londe; and þis folc here a-qualden. Line 10931 ȝif we heom hereden; þat was for ure hermen. Line 10932 for we nefden nænne mon; þe us wið heom mihten griðien. Line 10933 Heo us duden swiðe wa; & þu us dest al swa. Line 10934 þa heðene us hatieð; & þe Cristine us sari makieð. Line 10935 Wær scullen we bicumen; queðen þa wif to þan kinge. Line 10936 A-ȝef us ȝet þa quicke men; þa liggeð ȝeond þas cluden. Line 10937 and ȝif þu ȝiuest milze; þisse moncunnen. Line 10938 þi mon-scipe bið þa mare; nu and æuere-mære. Line 10939 Lauer[d] Arður ure king; leoðe vre benden. Line 10940 Þu hafust al þis lond inomen; & al þis folc ouercumen. Line 10941 We beoð under uote; a þe is al þa bote. Line 10942 Þis iherde Arður; aðelest kingen. Line 10943 þesne wop & þesne rop; & reouðen vniuoȝe. Line 10944 þa toc he to ræde. and reosede on heorte. Line 10945 he uunde on his ræde; to don þat heo ((hine)) beden Line 10946

Line 10946 he ȝæf heom lif. he ȝef heom lumen; & heore lond to halden. Line 10947 He lette blæwen bemen; and þa Scottes bæcnien. Line 10948 & heo ut of cluden; to þan scipen comen. Line 10949 an auerælchen siden; siȝen touwar[d] londe. Line 10950 Heo weoren swiðe iharmede; mid scærpen þan hungre. Line 10951 aðes heo sworen; swiken þat nalden. Line 10952 and heo þa iȝefuen; ȝisles þan kingen. Line 10953 and alle ful sone; þas kinges men bi-comen. Line 10954 & seoððen heo gunnen fusen; þat folc þer to-delden. Line 10955 ælc mon to þan ende; þer he wes wuniende. Line 10956 and Arður þer grið sette; god mid þan bezste. Line 10957 Whær ært þu Howel mi mæi; monne me leofest. Line 10958 isixst þu þisne muchelne mære; þer Scottes beoð amærred. Line 10959 isihst þu þas hæhȝe treon; and sihst þu þas ærnes teon. Line 10960 Inne þisse uenne; is fisc unimete. Line 10961 Isihst þu þas æit-londes; þe ȝeond þas watere stondeð. Line 10962 Seollic þuhte Howel; of swulchere isihðe. Line 10963 and wond%drede wide; bi þan watere flode. Line 10964 and þus þer cleopede Howel; hæhes cunnes. Line 10965 Seoððen ich wes mon iboren; of mire moder bosme. Line 10966 no isah ich a none londe; þus seolcu[ð]e þinges. Line 10967 swa ich here biuoren me; mid æȝenen bihælde. Line 10968 Wundreden Bruttes; wunder ane swiðe. Line 10969 Þa cleope[de] Arður; aðelest kingen. Line 10970 Howel min aȝe mæi; monnen me leofest. Line 10971 lust mire worden; of mucle mære wunder. Line 10972 þat ic þe wulle tellen. of soðe mine spellen. Line 10973 Bi þisse mære enden; þer þis water wendeð. Line 10974 is an lutel wiht mære; monnen to wundre. Line 10975 He is end-longe; feouwer & sixti munden. Line 10976 he is imeten a bræde; fif & twenti foten. Line 10977 fif foten he is deop; alfene hine dulfen. Line 10978 Feower-noked he is; and þer-inne is feower kunnes fisc. Line 10979 and ælc fisc an his ende; þer he his cun findeð. Line 10980 ne mai þer nan to oðere; buten al swa tacheð his icunde. Line 10981 Nes næuer nan mon iboren; ne of swa wise crafte icoren. Line 10982 no libbe he swa longe; þe maȝen hit vnder-stonde. Line 10983 what letteð þene fisc; to uleoten to þan oðere. Line 10984 for nis þer noht bitwenen; buten water clæne. Line 10985

Line 10985 Þa ȝet cleopede Ar[ð]ur; aðelest kingen. Line 10986 Howel i þissen londes ænde; neh þere sæ-stronde. Line 10987 is a mære swiðe muchel; þat water is un-fæle. Line 10988 and whænne þa sæ vledeð; swulc heo wulle aweden. Line 10989 and falleð inne þene mære; vnimete swiðe. Line 10990 no bið næuere þæ mere; on watere þa mare. Line 10991 Ah þenne þa sæ falleð in; and scen warð þa uolden. Line 10992 and heo bið al inne; in alden hire denne; Line 10993 þenne swelleð þe mære; and swærkeð þa vðen. Line 10994 vðen þer leppeoð ut; vnimete grete. Line 10995 fleoð ut a þat lond; þat leoden agriseð an hond. Line 10996 Ȝif þer cumeð æi mon; þat noht ne cunne þer-on. Line 10997 þat seollic to iseonne; bi þere sæ-stronde. Line 10998 ȝif he his neb wendeð; touwærd þan mære. Line 10999 ne beo he noht swa loh iboren; ful wel he beoð iborȝen. Line 11000