Layamon's Brut (British Museum Ms. Cotton Caligula A.IX)

Lines 901 through 1000

þat heo heora wil-daȝes; wælden weoren. Line 901 Heo funden i þon londe; twenti eotandes stronge. Line 902 Heora nomen ne herdi neuer tellen a leoda ne a spella. Line 903 boten þes anes name; þa heore alre lauerd wes. Line 904 Geomagog ihaten; þat was þe heihste. Line 905 Godes wiðer-saka; þe Wrse hine luuede. Line 906 Brutus & his gode folc; under-ȝeten þeos feondes. Line 907 & heora stelane flon; fusden to þon feonden. Line 908 Þa flan heom weoren laðe; & heo liðden to þon munten. Line 909 & i þon wilderne; an hudlese wuneden. Line 910 Hit ilomp on ane daȝe; þat Brutus & his duȝeðe. Line 911 makeden halinesse; mid wrscipen heȝen. Line 912 mid mete & mid drinchen; & mid murie gleo-dreme. Line 913 mid seoluer & mid golde; þe elche bar an honde. Line 914 mid horsen & mid scruden; blisse wes on hirede. Line 915 wes al þat folc swa bliðe; swa heo neoren nauer er on liue. Line 916 Þa comen þære twenti; teon of þan munten. Line 917 eotendes longe; muchele & stronge. Line 918 Heo tuȝen alle to-gadere; treon swiðe muchele, Line 919 heo leopen to Brutus folke; þer heo hurtes duden. Line 920 In are lutle stunde; heo slowen fif hundred. Line 921 mid stocken & mid stanen; stal-feht heo makeden. Line 922 & þa Troynisce men; mid strengðe wenden aȝein. Line 923 heo letten gliden heora flan; & þa eotendes fluȝen. Line 924 & heo letten heom to; gæres liðen. Line 925 Þa heo best wende to fleonne; þa weoren heo faie. Line 926

Line 926 Þa niȝentene heo slowen; Geomagog heo nomen. Line 927 & he quic wes ibroht; bi-foren Brutone. Line 928 Brutus hine lette witen; wel mid þan beste. Line 929 for to leten fondien; of his main stronge. Line 930 to wreastlene bi-foren Brutus; Geomagog & Corineus. Line 931 Brutus hit demdæ; uppen ære dune. Line 932 vppen þære sæ-cliua; þat folc com to-some. Line 933 Forð com Corineus; & fusde hine sulfne. Line 934 & þe eotend al-swa; þat alle hit bi-heolden. Line 935 Þer wes moni wepmon; þer wes moni wifmon. Line 936 þer wes muchel folc; at þere wrastlinge. Line 937 Heo ȝeokeden heora earmes; & ȝarweden heom-seoluan. Line 938 breoste wið breoste; banes þer crakeden. Line 939 Heo scuten heora sconken; þa scalkas weoren stronge. Line 940 Heo hurten heora hafden; hæleðes bi-heolden. Line 941 Ofte heo luten a-dun; alse heo wolden liggen. Line 942 ofte heo up lupan; alse heo fleon wolden. Line 943 laðliche læches; heo leite[d]en mid eȝan. Line 944 Al was heora gristbatinge; al swa wilde bares eȝe. Line 945 Whil heo weoren blake; & ladliche ibu((r))ste; Line 946 whil heo weoren ræde; & hehliche wenden. Line 947 heora eiþer wilnada; oðer to wælden. Line 948 mid wiȝeleden mid wrenchen; mid wunderliche strengðen. Line 949 Geomagog hine bi-þouhte; & þudde Corineum. Line 950 frommard his breoste; & breid eft on-ȝein. Line 951 brac him bi þon rugge; feower of his ribben. Line 952 vfele he hine mærde; ah na-wiht he hit ne mende. Line 953 Ful lutel þer wæs wone; þat Corineus nas ouer-come. Line 954 Neoþelas he hine bi-þoute; wat he don mahte. Line 955 Nom him heorte to; & streahte his ærmes. Line 956 & breid Geomagog þat him þe rug for-berst. Line 957 igrap hine bi þon gurdle; & him grimliche heaf. Line 958 Wes þa clude swiðe heh; þer heo acliue fuhten. Line 959 Corineus hine fælde; & hine fusde mid mæine. Line 960 aduneward þa clude; þat his ban to-cluuen. Line 961 þat al þe feond to-barst; ær he to folde come. Line 962 & þus þe hæȝe scaðe; ferde to helle. Line 963 Nu & æuer-mare; haueð þat clif þare. Line 964 nome on ælche leode; þat þat weos Geomagoges lupe. Line 965 & mid swilce ræde; þas eotentes weoren deade. Line 966 Nu wes al þis lond; i-ahned a Brutus hond. Line 967

Line 967 Þa hæfde þa Troinisce men; ouer-comen heora teonen. Line 968 þa weoren heo bliðe; on heora breost-þonke. Line 969 þa makeden heo hus; & hæle[ð]es sikere. Line 970 Heo makeden tunes; heo tileden on eorðen. Line 971 cornes heo seowen. medewen heo meowen. Line 972 al heo tileden; ase heo to þohten. Line 973 for al hit wes heora aȝen; þat heo ouer seȝen. Line 974 Þis lond was ihaten Albion; þa Brutus cum her-on. Line 975 þa nolde Brutus na-mare; þat hit swa ihaten weore. Line 976 ah scupte him nome; æfter him-seluan. Line 977 He wes ihaten Brutus; þis lond he clepede Brutaine. Line 978 & þa Troinisce men; þa temden hine to hærre. Line 979 æfter Brutone; Brutuns heom cleopede. Line 980 & ȝed þe nome læsteð; & a summe stude cleouie[ð] faste. Line 981 Brutus ȝef Corineum; þe wes his kempa de[or]a. Line 982 ana dala of his londa; & sette hit him an honda. Line 983 Þe lauerd hehte Corineus; & þat lond Corinee. Line 984 Seo[ð]ðen þurh þa leoden; þe i þon londa weoren. Line 985 heo clepeden hit Cornwaile; þurh heora sotliche cure. Line 986 Heora aȝene speke Troinisce; & seoððen heo hit cleopeden Brutunisc. Line 987 ah Englisce men hit habbe[ð] awend; seoððen Gurmund com in þis lond. Line 988 Gurmund draf out þe Brutuns; & his folc wes ihaten Sexuns. Line 989 of ane ende of Alemaine; Angles wes ihaten. Line 990 of Angles comen Englisce men; and Engle-lond heo hit clepeden. Line 991 Þa Englisce ouer-comen þe Brutuns; & brouhten heom þer neoðere. Line 992 þat neofer seoððen heo ne arisen; ne her ræden funden. Line 993 Brutaine hefde Brutus; & Cornwaile Corineus. Line 994 Brutus nom alle his freond; þe comen in his ferde. Line 995 neh him he heom lænde; for heo him leofe weoren. Line 996 Corineus him cleopede to; alle his icorene. Line 997 alle he heom lænde; þer heom wes alre leofest. Line 998 Weox þet folk & wel i-þaih; for ælc hefde his iwillen. Line 999 Inne lut ȝeren firste; wes þat folc swa muchel. Line 1000