Lines 10801 through 10900
Arður wes forð iwende in-to Scotlonden;
Line 10801
for Howel lai inne Clud; faste biclused.
Line 10802
Hafden Scottes hine bi-læien; mid luðere heore craften.
Line 10803
and ȝif Ar[ð]ur neore þe ra[ð]er icumen; þenne weoren Houwel inumen.
Line 10804
and al his folc þer islaȝen; and idon of lif daȝen.
Line 10805
Ah Arður com sone; mid selere strengðe.
Line 10806
and Scottes to fleonne; feor of þan ærde.
Line 10807
in-to Muræine; mid mucle mon-weorede.
Line 10808
And Cador com to Scotlonde; þer he Arður ifunde.
Line 10809
Arður and Cador; into Clud ferden;
Line 10810
& funden þer Howel; mid hahȝere blisse an sel.
Line 10811
of his seo((c))nesse isund wes iwurðen.
Line 10812
muchel wes þa blisse; þæ þa wes in burȝe.
Line 10813
Scottes weoren inne Mureine; and þer þeohten wunien.
Line 10814
& mid bolde heore worden; heore beot makeden.
Line 10815
and sæiden þat heo wolden; þa riche walden;
Line 10816
and Arður þer abiden; mid baldere strenðe;
Line 10817
for ne durste nauere Arður; for his life come þer.
Line 10818
Þa iherde Ar[ð]ur; ærhðen bi-dæle[d].
Line 10819
whæt Scottes hafden isæid; mid heore hux-worden.
Line 10820
þa sæide Arður; aðelest kingen.
Line 10821
Whær ært þu Howel; hæhst of mine ((cunne)).
Line 10822
and Cador þe kene ut of Cornwa((i))le.
Line 10823
Leteð blæwen bemen; & bonnien ure ferden.
Line 10824
& to þere mid-nihte; we sculleð faren forð-riht.
Line 10825
toward Mureine; ure mon-((scipe)) to bi-tellen.
Line 10826
Ȝif hit wule Drihte; þe scop þæs daȝes lihten.
Line 10827
we heom sculle tellen; sorh-fulle spelles.
Line 10828
heore ȝælp fellen; & heom-seolue a-quellen.
Line 10829
To þere mid-nihte; Arður aras forð-riht.
Line 10830
hornes me gon blawen; mid hahȝere stafnen.
Line 10831
cnihtes gunnen arisen; and ræhȝe word speken;
Line 10832
Mid muche mon-weorede; in-to Mureine.
Line 10833
description
Page 566
Line 10833
forð gunnen wræsten; þreottene þusend.
Line 10834
a feormeste flocke; feondliche kene men.
Line 10835
Seoððen com Cador; þe eorl of Cornwæille.
Line 10836
mid seouentene þusen; selere þeinen.
Line 10837
Seoððen com Heowel; mid his kemp%pen swiðe wel.
Line 10838
mid an and twenti þusen; mid aðelere kempen.
Line 10839
Seoððen com Arður; aðelest kingen.
Line 10840
mid seouen & twenti þusend; siȝen heom after-ward.
Line 10841
sceldes þer cliseden; lihten hit gon dæȝen.
Line 10842
Þat word com to Scotten; þær þar heo wuneden.
Line 10843
hu Ar[ð]ur þe king; com touward heore londe.
Line 10844
feond-liche swiðe; mid vnimete folke.
Line 10845
Þa weoren ærhest; þat ær weoren baldest.
Line 10846
and gunnen to fleonnen; feondliche swiðe.
Line 10847
into þan watere; þer wunderes beoð inoȝe.
Line 10848
Þat is a seolcuð mere; iset a middel-ærde.
Line 10849
mid fenne & mid ræode; mid watere swiðe bræde.
Line 10850
mid fiscen & mid feoȝelen; mid uniuele þingen.
Line 10851
Þat water is unimete; brade nikeres þer ba[ð]ieð inne.
Line 10852
þer is æluene ploȝe; in atteliche pole.
Line 10853
Sixti æit-londes; beo[ð] i þan watere longe.
Line 10854
in ælc of þan æit-londe; is a clude hæh and strong.
Line 10855
þer næstieð arnes; & oðere græte uoȝeles.
Line 10856
Þe ærnes habbeoð ane laȝe; bi æuer-ælches kinges dahȝen.
Line 10857
whænne-swa æi ferde; fundeð to þan ærde.
Line 10858
þeonne fleoð þa fuȝeles; feor i þan lufte.
Line 10859
moni hundred þusen; & muchel feoht makieð.
Line 10860
Þenne is þat folc buten wene; þat reouðe heom is to cumene.
Line 10861
of summes cunnes leoden; þe þat lond wulleð i-sechen.
Line 10862
Tweien dæȝes oðer þreo; þus scal þis taken heo.
Line 10863
ær unkuðe men; to þan londe liðen.
Line 10864
Ȝet þer is sellic; to suggen of þan watere.
Line 10865
þer walleð of þan mæren; a moniare siden.
Line 10866
of dalen & of dunen; & of bæc%chen deopen.
Line 10867
sixti wateres; alle þer isomned
Line 10868
swa neuere ut of þan mære; na man no uindeð.
Line 10869
þat þer ut wenden; buten an an ænde.
Line 10870
an imet-liche broc; þe of þan mere ualleð.
Line 10871
description
Page 568
Line 10871
& swiðe isemeliche; in-to sæ wendeð.
Line 10872
Þa Scottes weoren to-deled; mid muclen vni-selen.
Line 10873
ȝeond þa monie munten; þa i þan watere weoren.
Line 10874
Arður biseohte scipen; & gon heom to wenden.
Line 10875
& sloh þer vniuoȝe; moni and inoȝe.
Line 10876
& ((moni)) þusend þer wes dæd; for heom trukede ælc bræd.
Line 10877
Arður þe aðele was an æst side;
Line 10878
Howel þe sele; wes a suð hal[u]e.
Line 10879
& Cador þe kene; bi norðen heom biwusten.
Line 10880
and his smale uolc; he setten alle bi weste. siden.
Line 10881
Þa weoren Scottes; ihalden for sottes.
Line 10882
þer heo leien; ȝeond þa cliues faste bi-cluse[d];
Line 10883
þer weoren sixti þusend; mid sorreȝe for-farene.
Line 10884
Þa wes Irlondes king; icume in-to hafene.
Line 10885
twalf milen from Arðure; þer he lai mid ferde.
Line 10886
Scotten to hælpen; Howel to for-farene.
Line 10887
Þ[is] iherden Arður; aðelest kinge;
Line 10888
& nom his ane ferde. & þider-ward fusden;
Line 10889
& funde þene king Gillomar; þe icumen wes to londe þar.
Line 10890
Arður him faht wið; & nolde him ȝiuen na grið.
Line 10891
and feolde Irisce men; feond-liche to gru[n]den.
Line 10892
And Gillomar mid twalf scipen; teh from þan londe.
Line 10893
& ferde to Irlonde; mid harme swiðe stronge.
Line 10894
And Arður a þan londe; sloh al þat he uunde.
Line 10895
and seoððen he wende to þan mere; þer he his mæi lette.
Line 10896
Howel þene hende; hahst of Brutlonde.
Line 10897
wið-uten Arðure; aðelest kingen.
Line 10898
Arður Howel uunde; þer he wes bi hauene.
Line 10899
bi þan mere brade; þer he abiden hafde.
Line 10900