Layamon's Brut (British Museum Ms. Cotton Caligula A.IX)

Lines 10501 through 10600

Arður wes bi norðe; and noht her-of nuste. Line 10501 ferde ȝeond al Scot-lond; & sette hit an his aȝere hond. Line 10502 Orcaneie & Galeweie; Man and Murene. Line 10503 and alle þa londes; þe þer-to læien. Line 10504 Arður hit wende; to iwislichen þinge. Line 10505 þat Childric iliðen weore; to his aȝene londe. Line 10506 and þat he nauere-mære; nolde cumen here. Line 10507 Þa comen þa tidende; to Arthure kinge. Line 10508 þat Childric þa kæisere; icumen wes to londen. Line 10509 and i þan suð ende; sorȝen þer worhten. Line 10510 þa Arður seide; aðelest kingen. Line 10511 Wala-wa walawa; þat ich sparede mine iua. Line 10512 þat ich nauede on holte; mid hungere hine ad[r]efed. Line 10513 oðer mid sweorde; al hine to-swu[n]gen. Line 10514 Nu he me ȝilt mede; for mire god dede. Line 10515 ah swa me hælpen Drihten; þæ scop þæs dæies lihten. Line 10516 þer-fore he scal ibiden; bitterest alre baluwen. Line 10517 harde gomenes; his bone ich wulle iwurðen. Line 10518 Colgrim & Baldulf beiene ich wulle aquellen. Line 10519 & al heore duȝeðe; dæð scal iðolien. Line 10520 Ȝif hit wule ivnnen; Waldende hæfnen. Line 10521 ich wulle wurðliche wreken; alle his wiðer-deden. Line 10522 ȝif me mot ilasten; þat lif a mire breosten. Line 10523 & hit wulle me iunne. þat i-scop mone & sunne. Line 10524 ne scal nauere Childric; æft me bi-charren. Line 10525 Nu cleopede Arður; aðelest kingen. Line 10526 Whar beo ȝe mine cnihtes; ohte men & wiðte. Line 10527 To horse; to horse; haleðes gode. Line 10528 and we sculle[ð] buȝen; touward Baðe swiðe. Line 10529 Leteð up fusen; heȝe forken. Line 10530 & bringeð her þa ȝæsles; biforen ure cnihtes. Line 10531 and heo scullen hongien; on hæȝe treowen. Line 10532 Þer he lette fordon; feouwer & twe[n]ti childerren. Line 10533 Alemainisce men; of swi[ð]e heȝe cunnen. Line 10534 Þa comen tidende; to Arðure þan kinge. Line 10535 þat seoc wes Howel his mæi; þer-fore he wes sari. Line 10536

Line 10536 i Clud ligginde; & þer he hine bilæfde. Line 10537 Hiȝenliche swiðe; forð he gon liðe. Line 10538 þat he bihalues Ba[ð]e; beh to ane uelde. Line 10539 þer he alihte; & his cnihtes alle. Line 10540 and on mid heore burnen; beornes sturne. Line 10541 & he a fif dæle; dælde his ferde. Line 10542 Þa he hafde al iset; and al hit isemed. Line 10543 þa dude he on his burne; ibroide of stele. Line 10544 þe makede on aluisc smið; mid aðelen his crafte. Line 10545 he wes ihaten Wygar; þe Witeȝe wurhte. Line 10546 His sconken he helede; mid hosen of stele. Line 10547 Calibeorne his sweor[d]; he sweinde bi his side. Line 10548 hit wes iworht in Aualun; mi[d] wiȝele-fulle craften. Line 10549 Halm he set on hafde; hæh of stele. Line 10550 þer-on wes moni ȝim-ston; al mid golde bi-gon. Line 10551 he wes V[ð]eres; þas aðelen kinges. Line 10552 he wes ihaten Goswhit; ælchen oðere vnilic. Line 10553 He heng an his sweore; ænne sceld deore. Line 10554 his nome wes on Bruttisc; Pridwen ihaten. Line 10555 þer wes innen igrauen; mid rede golde stauen. Line 10556 an on-licnes deore; of Drihtenes moder. Line 10557 His spere he nom an honde; þa Ron wes ihaten. Line 10558 Þa he hafden al his i-weden; þa leop he on his steden. Line 10559 Þa he mihte bihalden; þa bihalues stoden. Line 10560 þene uæireste cniht; þe verde scolde leden. Line 10561 ne isæh næuere na man; selere cniht nenne. Line 10562 þene him wes Arður; aðelest cunnes. Line 10563 Þa cleopede Arður; ludere stæfne. Line 10564 Lou war her biforen us; heðene hundes; Line 10565 þe sloȝen ure alderen; mid luðere heore craften. Line 10566 and heo us beoð on londe; læðest alre þinge. Line 10567 Nu fusen we hom to; & stærcliche heom leggen on. Line 10568 & wræken wunder-liche; ure cun & ure riche. Line 10569 & wreken þene muchele scome; þat heo us i-scend habbeoð. Line 10570 þat heo ouer vðen; comen to Derte-muðen. Line 10571 & alle heo beoð for-sworene; & alle heo beoð for-lorene. Line 10572 heo beoð for-demed alle mid Driht%tenes fulste. Line 10573

Line 10573 Fuse we nu forð-ward; uaste to-somne. Line 10574 æfne al swa softe; swa we nan ufel ne þohten. Line 10575 and þenne we heom cumeð to; mi-seolf ic wullen on-fon. Line 10576 an alre freomeste; þat fiht ich wulle big[i]nnen. Line 10577 Nu we scullen riden. and ouer lond gliden. Line 10578 and na man bi his liue; lude ne wurchen. Line 10579 ah faren fæstliche; Drihten us fulsten. Line 10580 Þa riden agon; Arður þe riche mon. Line 10581 beh ouer wælde; & Baðe wolde isechen. Line 10582 Þa tidende com to Childriche; þan strongen & þan richen. Line 10583 þat Arður mid ferde com; al ȝaru to fihte. Line 10584 Childric & his ohte men; leopen heom to horsen. Line 10585 igripen heore wepnen; heo wusten heom ifæied. Line 10586 Þis isæh Arður; aðelest kinge. Line 10587 isæh he ænne. hæðene eorl. hælden him to-ȝeines. Line 10588 mid seouen hundred. cnihten; al ȝærewe to fihten. Line 10589 Þe orl him-seolf ferde; bi-foren al his genge. Line 10590 & Arður him-seolf arnde; bi-uoren al his ferde. Line 10591 Arður þe ræie; Ron nom an honde. Line 10592 he stræhte scaft stærcne; stiðimoden king. Line 10593 his hors he lette irnen; þat þa eorðe dune((de)). Line 10594 Sceld he braid on breosten; þe king wes abolȝen. Line 10595 he smat Borel þene eorl; þurh-ut þa breosten. Line 10596 þat þæ heorte to-chan; and þe king cleopede anan. Line 10597 Þe formeste is fæie; nu fulsten us Drihte. Line 10598 and þa hefen-liche quene; þa Drihten akende. Line 10599 Þa cleopede Arður; aðelest kinge. Line 10600