Layamon's Brut (British Museum Ms. Cotton Caligula A.IX)

Lines 10401 through 10500

& hafeð his fulle ploȝe; & fuȝeles inoȝe. Line 10401 for wild-scipe climbið and cluden iseche[ð]. Line 10402 i þan wilderne; holȝes him wurcheð. Line 10403 Faren wha-swa auere fare; naueð he næuere nænne kare. Line 10404 he weneð to beon of duȝeðe; baldest alre deoren. Line 10405 Þenne siȝeð him to; segges vnder beorȝen. Line 10406 mid hornen mid hunden; mid haȝere stefenen. Line 10407 hunten þar talieð; hundes þer galieð. Line 10408 þene vox driueð; ȝeond dales & ȝeond dunes. Line 10409 he ulih to þan holme; & his hol isecheð. Line 10410 i þan uirste ænde. i þan holle wendeð. Line 10411 þenne is þe balde uox; blissen al bideled. Line 10412 & mon him to-delueð; on ælchere heluen. Line 10413 þenne beoð þer for-cuðest; deoren alre pruttest. Line 10414 Swa wes Childriche; þan strongen & þan riche. Line 10415 he þohten al mi kine-lond; setten an his aȝere hond. Line 10416 ah nu ich habbe hine idriuen; to þan bare dæðe. Line 10417 whæðer-swa ich wulle don; oðer slæn oðer a-hon. Line 10418 Nu ich wulle ȝifen him grið; & leten hine me spec%ken wið. Line 10419 nulle ich hine slæ no ahon; ah his bode ich wulle fon. Line 10420 ȝisles ich wulle habben; of hæxten his monnen. Line 10421 hors & heore wepnen. ær heo heonne wenden. Line 10422 and swa heo scullen wræcchen; to heoren scipen liðen. Line 10423

Line 10423 sæilien ouer sæ; to sele heore londe. Line 10424 & þer wir[ð]-liche; wunien on riche. Line 10425 and tellen tidende; of Arðure kinge. Line 10426 hu ich heom habbe i-freoied; for mines fader saule Line 10427 & for mine freo-dome; ifrouered þa wræcchen. Line 10428 Her wes Arður þe king; aðelen bidæled. Line 10429 nes þer nan swa rehȝ mon; þe him durste ræden. Line 10430 þet him of-þuhte sære; sone þer-after. Line 10431 Childric com of comela; to Arðure þan kinge. Line 10432 & he his mon þer bi-com; mid his cnihten alle. Line 10433 Feouwer and twenti ȝisles; Childric þer bitæhte. Line 10434 alle heo weoren icorene; and hæhȝe men iborenne. Line 10435 heo bi-tahten heore hors; and heore burnen. Line 10436 scaftes & sceldes; & longe heore sweordes. Line 10437 al heo bi-læfden; þat heo þer hæfden. Line 10438 forð heo gunnen siȝen; þat heo to sæ comen. Line 10439 þer heore scipen gode; bi þere sæ stoden. Line 10440 Wind stod on wille; weder swiðe murie. Line 10441 he scufen from þan stronde; scipen grete & longe. Line 10442 þat lond heo al bilæfden; & liðen after vðen. Line 10443 þat nænne siht of londe; iseon heo ne mahten. Line 10444 Þat water wes stille; after heore iwille. Line 10445 heo letten to-somne; sæiles gliden. Line 10446 bord wið borden; beornes þer spileden. Line 10447 sæiden þat heo wolden; eft to þissen londe; Line 10448 & wreken wur[ð]liche; heore wine-mæies. Line 10449 & westen Arðures lond; & leoden aquellen. Line 10450 and castles biwinnen; & wilgomen wurchen. Line 10451 Swa heo liðen after sæ; efne al swa longe. Line 10452 þat heo commen bitwiȝe; Ænglelonde & Normandie. Line 10453 heo wenden heore lofes; & liðen toward londe. Line 10454 þat heo comen ful iwis; to Derte-muðe at Totteneis. Line 10455 mid muchelere blisse; heo buȝen to þan londe. Line 10456 Sone swa heo a lond comen; þat folc heo a-sloȝen. Line 10457 þa cheorles heo uloȝen; þa tileden þa eorðen. Line 10458 heo hengen þa cnihtes; þa biwusten þa londes. Line 10459 alle þa gode wiues; heo stikeden mid cnifes. Line 10460 alle þa maidene; heo mid morðe aqualden. Line 10461

Line 10461 and þaie ilærede men; heo læiden on gleden. Line 10462 Alle þa heorede-cnauen; mid clibben heo a-qualden. Line 10463 heo velled%den þa castles; þat lond heo a-wæsten. Line 10464 þa chirechen heo for-barnden; baluw wes on folke. Line 10465 þa sukende children; heo adrenten inne wateren. Line 10466 Þat orf þat heo nomen; al heo sloȝen. Line 10467 to heore inne ladden; and suden and bradden. Line 10468 al heo hit nomen; þat heo neh comen. Line 10469 Alle dæi heo sungen; of Ar[ð]ure þan kinge. Line 10470 and sæiden þat heo haueden; hames biwunnen. Line 10471 þæ scolden heom i-halden; in heore on-walden. Line 10472 & þer heo wolden wunien wintres & sumeres. Line 10473 and ȝif Arður weoren swa kene; þat he cumen wolde; Line 10474 to fihten wið Childrichen; þan strongen & þan richen. Line 10475 heo wolden of his rugge; makien ane brugge. Line 10476 and nimen þa ban alle; of aðele þan kinge. Line 10477 and teien heom to-gadere; mid guldene teȝen. Line 10478 and leggen i þare halle-dure; þer æch mon sculde uorð faren. Line 10479 to wurð-scipe Chil[dri]che; þan strongen & þan riche. Line 10480 Þis wes al heore gome; for Arðures kinges sceome. Line 10481 ah al hit iwrað on oðer; sone þer-after. Line 10482 heore ȝelp & heore gome; ilomp heom-seoluen to scame. Line 10483 & swa deð wel iwære; þe mon þe swa ibereð. Line 10484 Childric þe kaisere; biwon. al þat he lokede on. Line 10485 he nom Sumer-sete; & he nom Dorsete. Line 10486 and al Deuene-scire; þat volc al for-ferde. Line 10487 and he Wiltun-scire; mid wiðere igrætte. Line 10488 he nom alle þa londes; in-to þære sæ-stronde. Line 10489 Þa æt þan laste; þa lette heo blawen. Line 10490 hornes & bemen; & bonnien his ferden. Line 10491 & forð he wolde buȝen; & Baðen al biliggen. Line 10492 and æc Bristouwe; abuten birouwen. Line 10493 Þis was heore ibeot; ær heo to Baðe comen. Line 10494 To Baðe com þe kæisere; & bilæi þene castel þere. Line 10495 & þa men wið-innen; oht-liche agunnen. Line 10496 stepen uppen stanene wal; wel iwepned ouer-al. Line 10497 & wereden þa riche; wið þan stronge Childriche. Line 10498 Þer lai þe kaisere; & Colgrim his iuere. Line 10499

Line 10499 & Baldulf his broðer; & moni an-oðer. Line 10500