Layamon's Brut (British Museum Ms. Cotton Caligula A.IX)

Lines 10301 through 10400

swulc al þa eorðe; wolde for-bærnen. Line 10301 and smiten i þa ueldes; i-mong Childriches teldes. Line 10302 Þæt wes þæ æreste mon; þe þer cleopien agon. Line 10303 Arður þe heȝe gume; þe wes Vðeres sune. Line 10304 kenliche & lude; swa bicumeð kinge. Line 10305 Nu fulste us Marie; Goddes milde moder. Line 10306 and ich ibidde hire sune; þat he us beon a fultume. Line 10307 Æfne þan wordes; turnden heo heore ordes. Line 10308 stikeden & sloȝen; al þat heo neh comen. Line 10309 And cnihtes ut of burhȝe; buȝen heom to-ȝæines. Line 10310 ȝif heo fluȝen to burȝen; þer heo for-wur[d]en. Line 10311 ȝif heo floȝen to þa wude. þer hi heom forduden. Line 10312

Line 10312 comen þer heo comen; æuere heo heom sloȝen. Line 10313 Nis hit a nare boc idiht; þat æuere weore æi fiht. Line 10314 inne þissere Bruttene; þat balu weore swa riue. Line 10315 for volken him wes ærmest; þat æuere com to ærde. Line 10316 þer wes muchel blod-gute; balu wes on folke. Line 10317 dæð þer wes rife; þe eorðe þer dunede. Line 10318 Childrich þe kæisere; hæfede ænne castel here. Line 10319 a Lincolnes felde; þer he læi wið-innen. Line 10320 þe wes neouwen iworht & swiðe wel biwust. Line 10321 & þere weoren mid him; Baldulf & Colgrim. Line 10322 and iseȝen þat heore uolc; fæie-sih worhten. Line 10323 & heo forð-riht anon; on mid heore burnen. Line 10324 and fluȝen ut of castle; kenscipe bidaled. Line 10325 and fluȝen forð-riht anan; to þe wude of Calidon. Line 10326 Heo hafden to i-feren; seouen þusend rideren. Line 10327 and ho bilafden of-slaȝen; & idon of lif-daȝen. Line 10328 feowerti þusu[n]de; i-feolled to þan grunde. Line 10329 Alemainisce men; mid ær[m]ðe for-demed. Line 10330 and þa Sexisce men; ibroht to þan gru[n]den. Line 10331 Þa isæh Arður aðelest kingen. Line 10332 þat Childrich wes i-floȝen; in-to Calidonie. itoȝen. Line 10333 and Colgrim & Baldulf; mid him iboȝen weoren. Line 10334 in-to þan haȝe wude; in-to þan hæȝe holme. Line 10335 & Arður bæh after; mid sixti þusend cnihten. Line 10336 Bruttene leoden; þene wude al bileien. Line 10337 and an are halfe hine feolden; fulle seoue milen. Line 10338 treo uppen oðer; treo-liche faste. Line 10339 an oðer halue he hine bilai; mid his leod-ferde. Line 10340 þreo daȝes & þreo niht; þat wes heom muchel pliht. Line 10341 Þa isæh Colgrim; alse he læi þer-in. Line 10342 þat þer wes buten mete; scarp hunger & hete. Line 10343 ne heom no heore horsen; hælp nefde nenne. Line 10344 And þus cleopede Colgrim; to þan kaisere. Line 10345 Sæie me lauerd Childric; soðere worden. Line 10346 for whulches cunnes þinge; ligge we þus here. Line 10347 Whi nulle we ut faren; & bonnien ure ferden. Line 10348

Line 10348 and biginnen fehtes; wið Arður & wið his cnihtes. Line 10349 for betere us is on londe; mid mon-scipe to liggen. Line 10350 þene we þus here; for hungere to-wurðen. Line 10351 iswenche[ð] us sære; folke to scare. Line 10352 Oðer we sendeð wið and wið; and ȝeornen Arðures grið. Line 10353 and bidden þus his milce; & ȝisles him bitechen. Line 10354 & wurchen freond-scipe; wið þan freo kinge. Line 10355 Þis iherde Childric; þer he læi wið-inne dic. Line 10356 and he andswarede wið ærm-liche stefene. Line 10357 Ȝif hit wulle Baldulf; þe is þin aȝe broðer. Line 10358 and ma of ure iferen; þe mid us sunden here. Line 10359 þat we bidden Ar[ð]ures grið; & sahtnesse him wurchen wið. Line 10360 after æuwer wille; don ich hit wulle. Line 10361 For Arður is swiðe hæh mon; ihalden on leoden. Line 10362 leof alle his monnen; & of kine-wurðe cunne. Line 10363 al of kingen icume; he wes Vðeres sune. Line 10364 & of[t] hit ilimpeð; a ueole cunne þeoden. Line 10365 þer gode cnihte((s)); cumeð to sturne fihte. Line 10366 þat heo ærest biȝiteð; after heo hit leoseð. Line 10367 & al swa us to-ȝere; is i-l[u]mpen here. Line 10368 & æft us bet ilimp%peð ȝif we moten liuien. Line 10369 Sone forð-rihtes; andswareden þa cnihtes. Line 10370 Alle us biluuie[ð] þisne ræd; for þu hafest wel isæid. Line 10371 Heo nomen twælf cnihtes; & senden forð-rihtes. Line 10372 þer he wes on telde; bi þas wudes ende. Line 10373 þe an cleopeden anan; mid quickere stefne. Line 10374 Lauerd Arður þi grið; we wolden speken þe wið. Line 10375 hider þe kaisere us sent; Childric ihaten. Line 10376 & Colgrim & Baldulf; beien to-somne. Line 10377 Nu and æuere-mare; heo bidde[ð] þine ære. Line 10378 þine men heo wulleð bicumen; & þine mon-scipe hæȝen. Line 10379 & heo wulleð ȝiuen þe ȝisles inowe. Line 10380 & halden þe for lauer[d]; swa þe beoð alre leofest. Line 10381 ȝif heo moten liðe; heonene mid liue. Line 10382 into heore leoden; & lað-spæl bringen. Line 10383 For her we habbeo[ð] ifunden; feole cunne sorȝen. Line 10384 at Lincolne bilæued; leofe ure mæies. Line 10385

Line 10385 sixti þusend monnen; þa þer beoð of-slæȝene. Line 10386 & ȝif hit þe weore wille an heorte; Line 10387 þat we mosten ouer sæ; winden mid seile. Line 10388 nulle we nauere-mare. æft cumen here. Line 10389 for her we habbeo[ð] for-loren; leoue ure mæies. Line 10390 swa longe swa bi[ð] æuere. her ne cume we næuere. Line 10391 Þa loh Arður; ludere stefene. Line 10392 Iþonked wurðe Drihtene; þe alle domes waldeð. Line 10393 þat Childric þe stronge; is sad of mine londe. Line 10394 Mi lond he hafeð to-dæled; al his duȝeðe cnihtes. Line 10395 me seoluen he þohte; driuen ut of mire leoden. Line 10396 halden me for hæne; & habben mine riche. Line 10397 & mi cun ai for-uaren; mi uolc al fordemed. Line 10398 Ah of him bið iwurðen; swa bið of þan voxe. Line 10399 þenne he bið baldest; ufen-an þan walde. Line 10400