Layamon's Brut (British Museum Ms. Cotton Caligula A.IX)

Lines 10201 through 10300

Arður sende ouer sæ; sele tweie cnihtes. Line 10201 to Hoele his mæie; þe wes him leofest monnen. Line 10202 þe ahte Bruttaine; cniht mid þan bezste. Line 10203 and bad hine ful sone; þat he hider come. Line 10204 liðen to londe; leoden to helpen. Line 10205 for Chældrich hafde an honde; muchel of þissen londe. Line 10206 and Colgrim & Baldulf; him to iboȝen weoren. Line 10207 and þohten Arður þene king; driuen ut of cuððen. Line 10208 binimen him his icunde; and his kineriche. Line 10209 þenne were his cun iscend mid scome-liche witen. Line 10210 heore wurð-scipe iloren; a þissere worlde-richen. Line 10211 þenne weoren þan kingge betere; þat he iboren neore. Line 10212 Þis iherde Howel; þa hahste of Brutaine. Line 10213 & he cleopien agon; his sele cnihtes anan. Line 10214 & bæd heom to horse; hiȝenliche swiðe. Line 10215 & faren into France; to þan freo cnihten. Line 10216 & seide heom þat heo comen; raðe & ful sone. Line 10217 to Mihæles Munte; mid muchere strenðe. Line 10218 alle þa þe wolden; of seoluere & of golde. Line 10219 wurh-scipe iwinne; a þissere weorlde-richen. Line 10220 To Peito he sende; sele his þeines. Line 10221 & summe touward Flandres; feondliche swiðe. Line 10222 and to Turuine; tweie þer wenden. Line 10223 & into Gascuinne; cnihtes æc gode. Line 10224 & hahten heom mid maine; touward Mihhæles Munte. Line 10225 & ær heo eoden to ulode; heo sculden habbeon ȝiuen gode. Line 10226 þat heo mihte þa bliðere; buȝen from heore ærde. Line 10227 & mid Howele þan hende; cumen to þissen londe. Line 10228 to helpen Arðure; aðelest kingen. Line 10229 Þreottene dæies i-gon weoren; seoððen þa beoden com%men þære. Line 10230 þa halden h[eo] to sæ; swa hahȝel deh from wolcne. Line 10231 twa hundred scipene; þer weoren wel biwitene. Line 10232 me feolden heom mid folke; and heo forð wenden. Line 10233 wind stod & þat weder; after heore wille. Line 10234 and heo at Hamtone; halden to londe. Line 10235 Up leoppen of scipe; wode scalk%kes. Line 10236

Line 10236 beren to londe; halmes & burnen. Line 10237 mid spæres & mid sceldes; heo wriȝen al þa feldes. Line 10238 Þer wes moni bald Brut; þat beot wes aræred. Line 10239 heo beoteden swiðe; bi heore quiken liue. Line 10240 þat heo wolden igræten; Cheldric þene richen. Line 10241 þene [balde] kæisere mid muchele harme þere. Line 10242 And ȝif he nolde awæi fleon; & touward Alemaine teon. Line 10243 and he wolde on londe; mid fehte atstonden. Line 10244 mid balde his beornen; beorkes abiden; Line 10245 here beo sculde bilauen; þat heom weore alre l[eof]est. Line 10246 hafden and heore honden; & heore white halmes. Line 10247 & swa heo scullen on londen; losien heore freonden. Line 10248 hælden into hælle. hæðene hundes. Line 10249 Arður wes i Lundene; aðelest kingen. Line 10250 & iherde suggen; suðere spellen. Line 10251 þat was icumen to londe; Howel þe stronge. Line 10252 to Hamtune forð-rihtes; mid þritti þusen cnihten. Line 10253 & mid vnimete uolke; þat wolleȝede þan kinge. Line 10254 Arður him to-ȝaines bah; mid hæhȝere blisse. Line 10255 mid muchelere mon-weorede; to-ȝæines his mæie. Line 10256 To-somne heo comen; blisse wes on hirede; Line 10257 custen & clupten; & cuðliche speken. Line 10258 & anan forð-rihtes; somneden heore cnihtes. Line 10259 Þa weoren þer to-somne; sele twa ferden. Line 10260 Howel sculde dihten; þritti þusend cnihten. Line 10261 & Arður hafde an londe; feouwerti þusend an honde. Line 10262 Forð-rihtes he wenden; touward þan norð ænde. Line 10263 toward Lincolne; þe Cheldric þe kaisere bilai. Line 10264 Ah he heo þa ȝæte; nefde noht biwunnen. Line 10265 for þer weoren wið-innen; seoue þusen monnen. Line 10266 ohte men and wihte; dæies and nihtes. Line 10267 Arður mid his ferde; fusde touward burȝe. Line 10268 & Arður for-bæd his cnihtes; dæies & nihtes. Line 10269 þat heo liðen stille; swulc heo stelen wolden. Line 10270 liðen ouer leoden; & luden bilefden. Line 10271 hornes & bemen; alle weoren bilafde. Line 10272 Arður nom enne cniht; þe wes oht mon and wiht. Line 10273 & sende hine to Lincolne; to leuen his monnen. Line 10274

Line 10274 & he heom to soðe; sæide mid muðe. Line 10275 þat cumen wolde Arður; aðelest kingen. Line 10276 to þere middernihte; & mid him moni god cniht. Line 10277 & ȝe wið-inne; þenne beoð eou iwarre. Line 10278 þat þenne ȝe i-hereð þene dune; þat ȝe ȝæten untunen. Line 10279 and fuse[ð] ut of burȝe; & eoure feo[n]d felleð. Line 10280 & smiteð a Cheldrichen; þan strongen & þan richen. Line 10281 and we heom sculleð tellen; Bruttisse spelles. Line 10282 Hit was to þere middel-niht; þe mone scæn suð-riht. Line 10283 Arður mid his ferde; fusde to burh. Line 10284 þat folc wes swa stille; swa heo stelen wolden. Line 10285 forð heo comen liðen; þat heo iseiȝen Lincolne. Line 10286 Þus him cleopien agon; Arður þe kene mon. Line 10287 Whar beo ȝe mine cnihtes; mine hære-kemppen. Line 10288 Iseo ȝe þa teldes; þer Childrich lið i ueldes. Line 10289 Colgrim & Baldulf; mid baldere strengðe. Line 10290 þat Alemainisce uolc; þat us hæfeð ihærmed. Line 10291 & þat Sæxisce uolc; þat sorȝen us bihateð. Line 10292 þat alle habbeoð aqualde; þa hæhste of mine cunne. Line 10293 Constanz and Co[n]stantin; & Vðer þe wes fader min. Line 10294 and Auriliæn Ambrosie; mines fader broðer. Line 10295 & moni þusend monnen; of aðele mine cunne. Line 10296 Uten we heom to liðe; and to grunde leggen. Line 10297 and wreken wruð-liche; ure cun & heore riche. Line 10298 and alle some[d] forð-riht; nu ride æuer-alc god cniht. Line 10299 Arður gon to riden; þa ferde gon gliden. Line 10300