Layamon's Brut (British Museum Ms. Cotton Caligula A.IX)

Lines 10101 through 10200

he wes Arðures mæi; Maurin ihaten. Line 10101 Maurin bi-halues; to þan wude halde. Line 10102 þurh wude & þurh feldes; þat he com to Arðures teldes. Line 10103 and þus seide sone; to Arður kinge. Line 10104 Hail seo þu Arður; kingene aðelest. Line 10105 ich æm hidere icume; ich æm of þine cunne. Line 10106 Her is Baldulf icumen; mid swiðe hærde hære-gumen. Line 10107 & þencheð in þissere nihte; to slæn þe & þine cnihtes. Line 10108 to wracken his broðer; þe swiðe is vnbalded. Line 10109 ah Godd him scal for-wrænen; þurh his muchele mihten; Line 10110 & send nu uorð Cador; þene eorl of Cornwaile. Line 10111 and mid him ohte cnihtes; gode and wihte. Line 10112 fulle seoue hundred; selere þeines. Line 10113 & ich heom wulle ræden; & ich hom wulle leden. Line 10114 hu heo muwen Baldulf; slæn al-se enne wulf. Line 10115 Forð ferde Cador; & alle þas cnihtes. Line 10116 þat heo comen bihalues; þer Bal((d))ulf lai on comele. Line 10117 heo him to helden; on ælchere haluen. Line 10118 heo sloȝen heo nomen; al þat heo aneh comen. Line 10119 þer weoren aqualde; niȝen hundred alle italde. Line 10120 Baldulf wes bi-halues; igan him aburhȝe[n]. Line 10121 & þurh þa wilderne flæh; feondliche swiðe. Line 10122 and hafde his men leofe; mid reouðe bilæfued. Line 10123

Line 10123 & fleh him swa feor norð; þat he com swa uorð; Line 10124 þer Arður lai in uolde. mid richen his ferde; Line 10125 al a-buten Eouerwic. king swiðe seollic; Line 10126 Colgrim wes wið-innen. mid Sæxisce monnen. Line 10127 Baldulf hine biþohte; what he don mihte. Line 10128 mid wulches cunnes ginne; he mihte cumen binnen. Line 10129 in-to þere burhȝe; to Colgrime his broðere; Line 10130 þe wes him on liue; leofest alre monne. Line 10131 Baldulf lette striken; to þan bare lichen. Line 10132 his bærd and his chinne; & makede hine to crosse. Line 10133 he lette sceren half his hæfd; and nom him ane harpe an hond. Line 10134 He cuðen harpien wel; an his child-haden. Line 10135 & mid his harpe he ferde; to þas kinges hirede. Line 10136 & gon þær to gleowien; & muche gome to makien. Line 10137 Ofte me hine smæt; mid smærte ȝerden. Line 10138 ofte me hine culde; swa me deð crosce. Line 10139 ælc mon þe hine imette; mid bismare hine igratte. Line 10140 swa nauere na mon nuste; of Baldulfes custe. Line 10141 buten hit weore crosse; icumen to þan hirede. Line 10142 Swa he eode longe up-ward; swa longe he eode a-dun-ward. Line 10143 þæt heo weoren warre; þe weoren þær wið-innen. Line 10144 þæt hit wes Baldulf; Colgrimes broðer. Line 10145 Heo wurpen ut enne rap; & Baldulf hine faste igrap. Line 10146 and brud%den up Baldolf; þat he binnen com. Line 10147 mid swulches cunnes ginnes; Baldulf com wið-innen. Line 10148 Þa wes bliðen Colgrim; and alle his cnihtes mid him. Line 10149 and swiðe heo gunnen þrat%tien; Arður þene king. Line 10150 Arður bihalues wes; & þis gomen isæh. Line 10151 and wraðde hine sulfne; wunderliche swiðe. Line 10152 and hæhte anan wepnien; al his wunliche uolc. Line 10153 he þohte þe burhȝe; mid strengðe to biwinnen. Line 10154 Alse Arður wolde; to þan walle ræse. Line 10155 þa com þer riden; Patric þe ric%che mon. Line 10156 Þat wes a Scottisc þein. scon((e)) an his londen; Line 10157 & þus clupien a-gon. to þan kinge anan. Line 10158 Hail seo þu Arður; aðelest Brutten. Line 10159

Line 10159 Ich þe wulle tellen; neouwe tidende; Line 10160 of þan kæisere Childriche; þan wode & þan richen. Line 10161 þan strongen & þan balden; He is inne Scottlonde. Line 10162 ihælde to are hafene; & hames for-berneð. Line 10163 and waldeð al ure lond; after his ahȝere hond. Line 10164 He haueð uerde wel idone; al þa strengðe of Rome. Line 10165 he sæið mid his ȝelpe; þenne me him win scenc%cheð. Line 10166 þat þu ne dærst in nare [st]ude; his ræsses abiden. Line 10167 no on uelde no on wude; no nauere nane stude. Line 10168 & ȝif þu him abidest; he þe wule binden. Line 10169 quellen þine leoden; and þi lond aȝen. Line 10170 Ofte wes Arðure wa; nauere wurse þene þa. Line 10171 and he droh hine a-bac; bihalues þere burȝe. Line 10172 clupede to ræde; cnihtes to neode. Line 10173 beornes and eorles; & þa hali biscopes. Line 10174 & bad þat heo him radden; hu he mihte on richen. Line 10175 mid his mon-weorede; his monscipe halden. Line 10176 & fehten wið Childriche; þan stronge & þan richen. Line 10177 þa hider wolde liðe; to helpen Colgrime. Line 10178 Þa andswarede Bruttes; þa þere weoren bihalues; Line 10179 Faren we riht to Lundene. and lete hine liðen after. Line 10180 & ȝif he cumeð riden; sorȝe he scal ibiden. Line 10181 he seolf and his ferde; fæie scal iwurðen. Line 10182 Arður al bilufeden; þat radden his leoden. Line 10183 forð he gon liðen; þat he to Lundene com. Line 10184 Colgrim wes in Eouerwic; & þær abad him Childric. Line 10185 Chilric gon wende; ȝeon þan norð ende. Line 10186 & nom on honde; muchæl dal of londe. Line 10187 Al Scot-þeode; he ȝaf his ane þeine. Line 10188 & al Norð-humberlond; he sette his broðer an hond. Line 10189 Galeweoie & Orcaneie; he ȝaf his ane eorle. Line 10190 him-seolf he nom from Humbre; þat lond into Lundene. Line 10191 Ne þohte he nauere-mare; of Arður habben are. Line 10192 buten he wolden his mon bicume; Arður Vðeres sune. Line 10193 Arður wes in Lundene; mid alle Brutleoden. Line 10194 he bed his ferde; ȝeond alle þissen ærde. Line 10195 þat æuer-ælc mon; þe him god vðen. Line 10196 ræðe & ful sone; to Lundene comen. Line 10197 Þa wes Ænglene lond; mid ærmþe of-fulled. Line 10198 her wes wop & her wes rop. and reouðen vniuoȝe. Line 10199

Line 10199 muchel hunger & hæte; at æuer-ælche monnes ȝete. Line 10200